ملحون

من ويكيپيديا
لجوق د لحسين السلاوي تيغني أغنية د لملحون.

لملحون هو فن مغريبي اصيل د لغنا د لقصايد تيناقش مواضيع و قضايا دينية و لا اجتماعية ولا سياسية. ف لملحون، الشاعر هو لي كينظم لكلام و كيلحنو.[1] زداهر هاد لفن ف لمدون لقديمة بحال فاس، مكناس، مراكش، وسلا ف لمغريب. و تلمسان ف لجزائر.

تاريخ د لملحون[بدل | بدل لكود]

بدا لملحون ف تافيلالت لي كانو يدوزو منها لكًفلات د لبيع و الشرا و هادشي ساهم باش يبان هد لفن تماك.

ف لول ضهرات لقصيدة الزجلية لي هي شعر بالدارجة مخلطة بكلمات ب لعربية لفصحى. و تكنات ببزاف د السميات: لفن لموهوب (لحقاش بزاف د زجالين كانو اميين و كانو تيقولو هدي هيبة من عند الله)،الساكًية، النضم، لوزن، لكلام، لغا... ف لقرن تسعود هجري، بان لملحون. و ولات لقصيده تتغنا. جوج د الشعرا اصلو هد الفن و عطاو الركائز دياولو: الشيخ عبد العزيز المغراوي و المصمودي.[2]

من واحات تافيلالت، نتاشر لملحون ف بزاف د لبلايص ف لمغريب و ف لجزائير.و هاد ل انتشار ساهم ف التطوير ديالو. من الناس لي ساهمو ف لانتشار د لملحون هما لحرفيين و لي تيديرو الصناعة التقليدية (النجار، اللباط، الخراز، الدباغ، الدراز...) و علي يديهم خرجو بزاف د لميازن (الدقة ديال لمهراز، لمرمًا، لقياس...)[2]

مواضيع د لملحون[بدل | بدل لكود]

لملحون دوا على مواضيع مختلفة.

ف لمواضيع ديال الدين، تنضموا قصايد ف التوحيد و ف السيرة النبوية. كان تيتخدم لملحون باش يوصل بعض الرسائل و يعلًم الناس.[3]

لآلات د لموسيقا[بدل | بدل لكود]

  • لكف
  • التعريجة
  • الدربوكة
  • لهندقة
  • السويسن
  • الدف ولا لمربع
  • لكمانجة
  • الآلتو
  • التشيلو

.[2]

شوعارا د لملحون[بدل | بدل لكود]

لمغنيين د لملحون[بدل | بدل لكود]

عيون لكلام[بدل | بدل لكود]

  1. ^ ثريا الحضراوي: الملحون حيث يؤنث ويعول عليه
  2. ^ a b c الفن الموهوب
  3. ^ معلمة الملحون، لقسم للول - لجزء للول، مطبوعات أكاديمية المملكة المغربية ، ص. 35 ـ 42