الشرق لأوسط
الشرق لأوسط (ب النڭليزية Middle East) منطقة جيوسياسية لي كاتشمل لڭزيرة لعربية، الشام، تركيا، مصر، إيران و لعراق. هاد لمصطلح تنتاشر و خدا لبلاصة ديال الشرق لقريب Near East (لي كان لموقابيل ديال الشرق لبعيد Far East) ف لبدية د لقرن 20. لمصطلح د "الشرق لأوسط" كيخلق إلتباس بسباب لإختلافات ف لمعنى ديالو،[1] و كاين لي كيعتابرو ؤروصونطري (مبني على منضور كيعتابر ؤروپا و لبلدان لغربية بشكل عام لمركز د لعالم).[2]
أغلبية د لبلدان الشرق أوسطية (13 من بين 18) كينتاميو ل لعالم لعربي. لبلدان لي عندهوم أكبر عدد د السكان هوما مصر، تركيا و إيران. السعودية هي أكبر بلاد مجيهت لمساحة. التاريخ د الشرق لأوسط كيرجع ل لفترة التاريخية لقديمة، و لأهمية الجيوسياسية ديالها كانت معروفة ل ألاف لعوام.[3][4][5] بزاف د لأديان لكبار بانو ف هاد لمنطقة، بحال ليهودية، لمسيحية و لإسلام.[6] لعرب كيتّعتابرو لمكوّن لإتني لأساسي تماك،[7] تابعينهوم التواركا، لفرس، لأكراد، لأزيريين، لأقباط، ليهود، لأشوريين، لعراقيين التركمان، ليزيديين، و لقبرصيين ليونان.
الشرق لأوسط بشكل عام عندو كليما سخون و ناشف، سيرتو ف لڭزيرة لعربية و مصر. كاين عدد ديال لويدان لي كيعاونو ف السقي و لفلاحة ف مناطق محدودة، بحال النيل ف مصر، و دجلة و لفورات ف ميزوپوطاميا (بلاد بين لويدان) و واد لأردن ف الشام. هاد لمناطق مجموعين كيتسماو لهلال لخصيب، و كيشملو لبلايص لي التوارخيا ل وقت طويل كانو كيسمّيو مهد لحضارة (هاد لمصطلح دابا مخدّم على شحال من موضع ف لعالم). ب لموقابيل، الساحل د الشام و أغلبية د تركيا عندهوم كليما معتادل لي كانلقاو عادةً ف مناطق لبحر الدخلاني، لي كيتميّز ب صيوفا ناشفين و شتوات فازڭين. أغلبية د لبلدان لي كيطلو على لخليج لفارسي عندهوم مخزون كبير ديال لپيطرول. بسباب لكليما الناشف و لإعتماد لكبير على الصناعة د لپيطرول، الشرق لأوسط من أكتر لمناطق ف لأرض لي كاتساهم ف التبدال د لكليما، و ف نفس لوقت متوقّع بلي غادي تكون من أكتر لمناطق لي غادي تتأتر بشكل سلبي ب التوابع ديالو.
كاينين مصطلحات خرين لي كيعممو لمفهوم ديال الشرق لأوسط، بحال الشرق لأوسط و شمال إفريقيا (مينا) لي كاتشمل شمال إفريقيا ؤلا لمغرب لكبير و السودان، الشرق لأوسط لكبير لي كيشمل شرق إفريقيا، موريطانيا، أفغانستان، و پاكيستان، و شي مرات تا جنوب لقوقاز و أسيا لوسطانية.
- ^ Khraish، Louay (16 يوليوز 2021). "Don't Call Me Middle Eastern". Raseef 22.
- ^ Hanafi، Hassan (1998). "The Middle East, in whose world? (Primary Reflections)". Oslo: Nordic Society for Middle Eastern Studies (The fourth Nordic conference on Middle Eastern Studies: The Middle East in globalizing world Oslo, 13–16 August 1998). مأرشيڤي من لأصل ف 8 أكتوبر 2006.
- ^ Cairo, Michael F. (2012). "The Gulf: The Bush Presidencies and the Middle East". University Press of Kentucky. ردمك 978-0-8131-3672-1. مأرشيڤي من لأصل ف 22 دجنبر 2015.
- ^ "History of the Office of the Secretary of Defense: The formative years, 1947–1950". Government Printing Office. ص. 177. ردمك 978-0-16-087640-0. مأرشيڤي من لأصل ف 22 دجنبر 2015.
- ^ Kahana, Ephraim. Suwaed, Muhammad. (13 April 2009). "Historical Dictionary of Middle Eastern Intelligence". Scarecrow Press. ردمك 978-0-8108-6302-6. مأرشيڤي من لأصل ف 23 دجنبر 2015.CS1 maint: uses authors parameter (link)
- ^ MacQueen، Benjamin (2013). An Introduction to Middle East Politics: Continuity, Change, Conflict and Co-operation. SAGE. ص. 5. ردمك 978-1446289761.
The Middle East is the cradle of the three monotheistic faiths of Judaism, Christianity and Islam.
- ^ Shoup، John A. (2011). Ethnic Groups of Africa and the Middle East: An Encyclopedia. Abc-Clio. ردمك 978-1-59884-362-0. مأرشيڤي من لأصل ف 24 أبريل 2016. تطّالع عليه ب تاريخ 26 ماي 2014.