جيوسياسة
| جيوسياسة | |
|---|---|
 | |
| تخصص أكاديمي | |
| كلاص فرعية ديال | علاقات دولية  |
| طرف من | جغرافيا سياسية |
| كيدرسو | جغرافيا بشرية |
| تاريخ ديال لموضوع | الخط الزمني للتغيرات في البلاد والعواصم |
| كيمارسها | جيوسياسي |
الجيوسياسة ؤلا الجيوپوليتيك (من ليونانية γῆ - ݣي "لارض" ؤ πολιτική - پوليتيك "سياسة") هي القراية ديال التأتيرات د الجغرافيا (البلاصة ؤ الناس) على السياسة ؤ العلاقات الدولية.[1] واخا غالبا كانعنيو ب الجيوسياسة البلدان ؤ العلاقات بيناتهوم، نقدرو نقصدو بيها حتا على جوج د أنواع ديال الدول: الدول لمستقلة بحكم لواقع اللي عندها عتيراف دولي محدود ؤ العلاقات معا شي قسم جيوسياسي من شي بلاد، بحال الدول د الفيديراليات اللي فيها فيديراليات ولا كونفيديراليات ولا سيسطيم شبه فيديرالي.
ف النيڤو د العلاقات الدولية، الجيوسياسة هي الطريقة د القراية د السياسة البرانية باش تفهم، تشرح ؤ تنبأ ب التصرفات السياسية الدولية من متغيرات جغرافية. اللي فيها القراية د المنطقة، الكليما، الطوپوغرافيا، الديموغرافيا، التروة الطبيعية، ؤ العلوم التطبيقية ديال ديك البلاصة.
الجيوسياسة كاتركز على القوة السياسية ؤ العلاقة ديالها معا لميساحا لجغرافية. خصوصا، البلايص د الما، ؤ الطريطوار د لارض معا التاريخ الديپلوماسي. المواضيع د الجيوسياسة فيها العلاقات معا المصالح د الفاعلين السياسيين الدوليين ف شي منطقة، مساحة، ولا شي عنصر جغرافي؛ العلاقات اللي كاتصاوب شي سيسطيم جيوسياسي. الجيوسياسة المستعجلة كاتفرتت النضريات الجيوسياسية الكلاسيكية، حيت كاتوري الدور السياسي/الأيديولوجي ديالها ل القوات العظمى. كاين شي شغل كاتناقش فيه الجيوسياسة ديال الطاقة المتجددة.
على حساب كريسطوفر ݣوݣويلت ؤ شي باحتين وحداخرين، عاد المصطلح كايتخدم ف بزاف د المعاني، ف معنى عام كايخدم كي سينونيم ل "العلاقات السياسية الدولية"، ؤ ب الضبط باش تمعني على "الشكل الكامل ديال هاد العلاقات"؛ هاد المعنى كايعتامد على واحد "المصطلح من البداية د لقرن لعشرين ديال واحد العلم مزور ديال السياسة الجغرافية" ؤ على نضريات د العلم المزور وحدا خرا ديال الحتمية الجغرافية ؤ التاريخية.
 |
ويكيميديا كومنز عندا تصاور و معلومات على جيوسياسة. |
- ↑ "Britannica, geopolitics". Archived from the original on 28 غشت 2023.
