إيزابيل ڤيرينفيلز
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
إيزابيل ڤيرينفيلز
| ||
| معلومات عامة | ||
| لجنسية | سويسرا الولايات المتاحدة د ميريكان | |
| لحرفة | عالم د السياسة و عالمة في الأتنيات | |
| لّوغات لي كيعرف | لألمانية، لفرانساوية، نڭليزية، عربية، الدارجة د لجزائر، لهجة لبنانية، لعبرية، صبليونية و طاليانية | |
  
| ||
إيزابيل ڤيرينفيلز باحتة إيتنولوجية سويسرية ميريكانية،[1] متخصصة ف لمنطقة ديال لمغريب لكبير (لمغريب، دزاير ؤ تونس)، خدّامة ف لمعهد لألماني ديال لمسايل دّولية ؤ لأمنية، لي عندو دور ستيشاري توجاه لحوكومة د ألمانيا ؤ لمؤسسات ديالها.[2] ڤيرينفيلز نشرات عاداد د لأبحات علا لوضعية ؤ لعلاقات سّياسية ؤ لقتيصادية ديال بلدان لمغريب لكبير، ؤ كاتهضر بزاف د لّوغات منها لألمانية، نّݣليزية، لعربية لفوصحة ؤ دّزايرية.[3] واحد لبحت كانت نشراتو ف أكتوبر 2020، ب عنوان "تّنافس لمغاريبي علا إفريقيا جانوب صّحرا"، دار ضجة ف لإعلام لمغريبي، لي وصفاتو بلي كيشعل نار لفتنة مابين ألمانيا ؤ لمغريب، ؤ بلي كيشجع صناع لقرار ف ألمانيا باش يحاولو يحدّو من تّطور لقتيصادي د لمغريب باش تونس ؤ دزاير تبقا عندهوم تنافسية.[2]
إيزابيل ڤيرينفيلز عندها جنسية مزداوجة ديال سويسرا ؤ ميريكان، ؤ كانت ف لأصل باغة تكون ممتلة، مهنة لي خدمات فيها مدة قصيرة.[1] خدات دّوكتورا ديالها ف لپوليطولوجيا من جاميعة هومبولت ف برلين، ؤ دارت لبحت ديال تّيز د دّوكتورا ديالها ف دزاير.[4] من 2001 ولّات خدّامة باحتة ف لمعهد لألماني ديال لمسايل دّولية ؤ لأمنية، ب تركيز علا تّطور سّياسي ؤ جّتيماعي ف بلدان لمغريب لكبير. ف 2010، ولّات نايبة د لمودير ديال مجلس لؤمانا د لمعهد لعالي ديال دّيراسات دّولية ؤ تّنماوية ف جونيڤ ف سويسرا. خدمات كا ؤستادة ف لجاميعة لحورة د برلين ؤ جاميعة هامبورݣ ؤ عندها مجموعة د لأبحات لمنشورة.[5]
مقالة متعمقة: لقضية د صحرا لمغريبية
ف حوار جراتو معا مجلة زينيث لألمانية، عتابرات إيزابيل ڤيرينفيلز بلي لمغريب "ولّا ف وضعية مرتاحة" بعد لقرار ديال دونالد ترامپ باش تعتارف لميريكان ب سّيادة لمغريبية علا صّحرا. ؤ زادت بلي لپوليزاريو "ولّات كاتحس ب راسها معزولة" حيت نقص لعاداد د لبلدان لي معتارفة بيها، ؤ داكشي علاش كسرات لارميستيس لي دام 29 عام ؤ دارت هجمات علا لحيط لعازل، سيرتو ف معبر لݣرݣرات. ؤ ݣالت بلي من غير دزاير ؤ جانوب إفريقيا، ماكاينة حتا شي دولة قوية ف إفريقيا كاتعتارف ب لپوليزاريو، داكشي علاش "شّباب صّحراويين مقلقين ؤ غضبانين، ؤ كيحسو بلي ماعندهومش موستقبال".[6]
ؤ باش تفسّر علاش لمغريب كيعارض بشكل قوي "سّتيقلال ديال صّحرا لغربية"، ݣالت بلي "شّرعية ديال نّيضام لمغريبي مبنية علا لوحدة تّرابية من 1975"، ؤ بلي عاداد كبير د لمغاربا كيعيشو تماك، ؤ زيدون كاينين مصالح قتيصادية ف لمنطقة. ؤ زادت بلي لجمهورية د دزاير كاتدعم سّتيقلال ديال صّحرا لغربية، كيما دعمات حاراكات ستيقلالية خرة ف إفريقيا، حيت "نباتقات من حاراكة ستيقلالية"، ؤ كاتعتابر راسها ديما "مودافيعة علا لبلدان د لجانوب"، داكشي علاش "سهل علا دّزايريين باش يلقاو حل ديال تّسوية".[6]
- إيزابيل ڤيرينفيلز (2002). "Obstacles to Privatisation of State‐owned Industries in Algeria: The Political Economy of a Distributive Conflict" [لعوائق ديال خوصصة شّركات صّيناعية د دّولة ف دزاير: لقتيصاد سّياسي ديال صّراع تّوزيعي]. The Journal of North African Studies (منشور 29 مارس 2007). doi:10.1080/13629380208718455. Cite journal requires
|journal=(معاونة) - إيزابيل ڤيرينفيلز (2007). Managing Instability in Algeria: Elites and Political Change Since 1995 [تدبير لّاستيقرار ف دزاير: نّوخبة ؤ تّغيير سّياسي من 1995]. Routledge (منشور 26 يونيو 2009). ص. 248. ردمك 9780415558860.
- ݣيدو شطاينبيرݣ، إيزابيل ڤيرينفيلز (17 أكتوبر 2007). "Between the 'Near' and the 'Far' Enemy: Al-Qaeda in the Islamic Maghreb" [مابين لعدو ´لقريب´ ؤ ´لبعيد´: لقاعدة ف لمغريب لكبير]. Mediterranean Politics. doi:10.1080/13629390701622473. Cite journal requires
|journal=(معاونة)CS1 maint: uses authors parameter (link) - إيزابيل ڤيرينفيلز (2014). "Beyond authoritarian upgrading: the re-emergence of Sufi orders in Maghrebi politics" [من مور تّرقية سّلطاوية: معاودة ضّهور ديال تّنضيمات صّوفية ف سّياسة لمغاريبية]. The Journal of North African Studies (منشور 8 نونبر 2013). doi:10.1080/13629387.2013.858036. Cite journal requires
|journal=(معاونة) - إيزابيل ڤيرينفيلز (أكتوبر 2020). "Maghrebinischer Wettstreit um Subsahara-Afrika: Algerien und Tunesien wollen Marokko das Feld nicht allein überlassen" [تّنافس لمغاريبي علا إفريقيا جانوب صّحرا: دزاير ؤ تونس كيحاولو يواكبو تّطور د لمغريب]. لمعهد لألماني ديال لمسايل دّولية ؤ لأمنية. doi:10.18449/2020C54. Cite journal requires
|journal=(معاونة)
- ^ a b "راديو ؤ تيليڤيزيون سويسري، إيزابيل ڤيرينفيلز" (ب لالمانية). 18 أبريل 2010. مأرشيڤي من لأصل ف 2021-12-04. تطّالع عليه ب تاريخ 2021-12-04.
- ^ a b ""تّنافس لمغاريبي": لأمل ديال ألمانيا باش تخنق تّنمية ف لمغريب" (ب نڭليزية). 28 يوليوز 2021. مأرشيڤي من لأصل ف 2023-03-24. تطّالع عليه ب تاريخ 2021-12-04.
- ^ "ؤروميسكو، إيزابيل ڤيرينفيلز". مأرشيڤي من لأصل ف 2023-06-04. تطّالع عليه ب تاريخ 2021-12-04.
- ^ "Marokko: Wissenschafts-Kritik als Druckmittel" (ب لالمانية). 31 غشت 2021. مأرشيڤي من لأصل ف 2023-09-18. تطّالع عليه ب تاريخ 2021-12-04.
- ^ "مؤسسة كونراد أديناور، إيزابيل ڤيرينفيلز".
- ^ a b "Marokko ist in einer komfortablen Lage" (ب لالمانية). 11 دجنبر 2020. مأرشيڤي من لأصل ف 2023-01-28. تطّالع عليه ب تاريخ 2021-12-04.