قصر آيت بن حدو

من ويكيپيديا
اذهب إلى التنقل اذهب إلى البحث
قصر آيت بن حدو
قصر آيت بن حدو
معلومات عامة
لبلاد لمغريب
ليحداتيات
السيت الرسمي ait-ben-haddou.net:80

قصر آيت بن حدو ولا قصبة آيت بن حدو هو ݣصر و موقع أركيولوجي كاين ف جماعة آيت زينب، إقليم وارزازات ف لمغريب. هاد لݣصر هو من أهم لمعاليم التاريخية و التقافية د إقليم وارزازات و هو مصنّف ف لّيستا د تراث لعالمي د ليونيسكو من 1987.[1]

لݣصر د آيت بن حدو ميتال ديال لهندسة لمعمارية التقليدية ف لمجال لقبل صحراوي، ب حيت هو تجمّع ديال بنايات كاتّستغل ب شكل جماعي و دايرين بيها تحصينات دفاعية.

تاريخ[بدل | بدل لكود]

واخّا لݣصر، ب شّكل ديالو لحالي غادي يكون ف لغالب تّبنا ف لقرن 17، لبلاصة لّي كاين فيها كانت من لقديم فيها نشاط بشري، بحيت كانت من أهم لحطّات ديال لݣافلات التّيجارية لّي كاتربط بين مرّاكش و بلاد السودان و لّي كانت كاتدوز على واد درعة و التيزي د تلويت.[1]

لموقع[بدل | بدل لكود]

لݣصر د آيت بن حدّو جا ف لوطيات لجنوبيين د جّبال د لأطلس لكبير.[1]

لهندسة لمعمارية[بدل | بدل لكود]

بحال أي ݣصر مغريبي د لمنطقة د درعة تافيلالت، آيت حدّو مكوّن من مجموعة د دّيور لمبنية ب الطّين و مزاحمة بيناتها و لّي لعلو ديالها غادي كايكبر من برّا ل لمركز ديال لݣصر، باش تعطيه شكل ديال كدية ولا جبل صغير. هاد لهندسة عندها دور دفاعي.

لݣصر محمي ب سوار عاليين فيهوم بروج ف رّكاني ديالهوم.

لݣصر فيه مرافق مشروكة بحال الجّامع، ساحة، رحبة ديال الزّرع، فندق و مخزن د زّرع (إݣودار) ف وسط الدّوار و لّي هو أعلى بناية ف لݣصر.

فيه جوج روضات، وحدة ل لمسلمين و تّانية د ليهود.

لݣصر د آيت بن حدو فيه ضريح ديال السيد سيدي علي أوعامر.[1]

لحضور التقافي[بدل | بدل لكود]

ݣصر آيت بن حدو تخدّم ف بزّاف د لمرّات ستوديو سينيمائي طبيعي ل عدد كبير من لأعمال السّينيمائية و التّلفزيونية لعالمية. لهتيمام د السينيمائيين ب لموقع[2][3] بدا من عوام 1940:[4]

أفلام[بدل | بدل لكود]

مسلسلات و أفلام د تلفازا[بدل | بدل لكود]

عيون لكلام[بدل | بدل لكود]

Wikimedia Commons تقدر تزيد شوف بزاف د صور و معلومات ديال Aït Benhaddou ف ويكيميديا كومنز.