قصر (بني صحراوي)

مقالة ناقصينها عيون لكلام. لمعلومات لّي ف هاد لمقالة ناقصين ف توتيق، خاصّ يتزادو فيها عيون لكلام باش تكون موتوقة.

لݣصر هو واحد التجمعات سكانية محصنة بالسوار لهدف دفاعي، هاد الطريقة د التجمع منتاشرة ف لمغريب لكبير وبالضبط ف لجنوب وعندها ستيل معماري تقليدي بحيت كيتبنى بالطين ب اللوح ولا الطوب.

كاتكون البنايات فلݣصر متقاربة ومزاحمة (عكس الدشر)، كتجمع بيناتها المرافق دجماعة اللي كاتشكل مركز لݣصر بحال المعابد (الجامع، الكنيس..) السويقات.... كيكون فيه تاني لمطمورات دلݣمح و لخزين د لمونة.

كاتتبنى الݣصور عموما على كديات دايرة بيها لواحات والجنانات ودايز عليها الويدان، وكتميز بنظام توزيع الما معروف ب لخطارات والسواݣي (جمع ساݣية).

تعتامدات هاد الطريقة د لهندسة دلݣصور كحماية ودفاع على سكان الواحات من هجمات قبائل الصحرا الرحل اللي كانو كيتعرضو ليها.