پراݣ

من ويكيپيديا
اذهب إلى التنقل اذهب إلى البحث
پراݣ

Praha (cs)

Flag of Prague.svg Prague CoA CZ.svg
Petřín Tower View IMG 3020.JPG
تاريخ التأسيس لقرن 8
لبلاصة
لبلاد تشيك
لجيهة تشيك
لإقليم تشيك
كود پوسطال 10000–19900
لإدارة
لعمدة Zdeněk Hřib (15 نونبر 2018)
السكان
شحال دالسكان 1,335,084 (2021)
شحال دلفاميلات 579,509 (2011)
لجغرافيا
لميساحة 496.21 كم²
لقمة لعالية Teleček (399 م)
لبلاصة الطايحة فلتافا
لعلو 235 م
شحال دلما (%) 2.2 $1
معلومات خرا
توقيت ديال لمدينة ڭرينيتش + 1
ڭرينيتش +2
نمرة التيليفون لمحلية 2
لكود دلبوصطة 10000–19900
السيت الرسمي praha.eu
الرمز لجغرافي 3067696

پراݣتّشيكية Praha، ب لألمانية Prag، ب لّاتينية Praga) هيّا لعاصيمة ديال لجمهورية د تّشيك ؤ أكبر مدينة فيها، ؤ نمرة تلطاش ف ترتيب لمدون لكبار ديال تّيحاد لؤروپي. لعاداد د سّكان ديالها 1.3 مليون د بنادم ف لمدينة براسها، ؤ 2.7 مليون ف لمنطقة لميطروپوليطانية لي تابعة ليها.[1]

پراݣ من بين أهم لعواصم تّقافية ف ؤروپا، ؤ لمدينة لخامسة فيها من حيت لعاداد د زّوار لي جاو ليها ف 2017 ؤ سّاتة ف 2018 ؤ تّاسعة ف 2019.[2][3] تاريخيا كانت هيا لعاصيمة ديال مملكة بوهيميا، ؤكانت مدينة موهيمة ف لإمبراطورية لؤسطروهانݣارية، ؤ ولات من بعد لعاصيمة ديال تشيكوصلوڤاكيا حتال 1993 فاش تفرتقات ل جوج بلدان هوما تّشيك ؤ سلوڤاكيا. ف 1992، صّونطر ديال پراݣ ولا داخل ف لّيستة د ليونيسكو ديال تّرات لعالامي.

تاريخ[بدل | بدل لكود]

صعيب نعرفو فوقاش تأسسات پراڭ كا مدينة. كاينين فيها أدلة ديال سّكنة د بنادم من لعصر لپاليوليثي ؤلا لحجري لقديم، لي تسالا ف حدود هادي 12000 عام، شي لي ماكيدلش ب ضّارورة علا تواجد بشري مستامر. لمؤرخ لألماني ليهودي داڤيد ڭانس كتب بلي پراڭ تأسسات كا مدينة سميتها بويهايم Boihaem من طاراف ماليك سميتو بويّا Boyya ف 1306 قبل لميلاد، ولاكين ماكاينينش أدلة مادية (نقيشات، شقفات د لفلوس) علا هاد لهضرة.

ف علاين لقرن لخامس قبل لميلاد، واحد لمجموعة د لقبايل لكيلتية دارو مستوطنة ديالهوم ف زاڤيست، لي دابا كاينة ف ضّواحي ديال پراڭ، ؤ سمّاو لمنطقة بويوهايموم Boiohaemum، يعني بلاد ديال شعب لبويي.[4] ف لّخر ديال لألفية لّولة قبل لميلاد، لقبايل لجرمانية غادي يجرّيو علا لكلتيين من لمنطقة. ف لقرن تّاني لميلادي، لجغرافي ليوناني كلاوديوس پطوليمايوس رسم خريطة ديال جّيهة فين كاينة دابا پراڭ، ؤ دار بلي كانت فيها مدينة جرمانية سميتها كاسورڭيس Casurgis.

ف لقرن لخامس لميلادي، مورما طاحت لإمبراطورية رّومانية لغربية، غادي يوقعو هجرات كبار ف ؤروپا، لي ف خيلالهوم غادي يخويو لجرمانيين لمنطقة لوسطانية د بوهيميا، ؤ ياخدو بلاصتهوم لقبايل سّلاڤية، لي من بينهوم لقبايل تّشيكية، لي ف لقرون تّلاتة لي تبعو هادشي غادي يبنيو عاداد ديال لقلاعي ف پراڭ ؤ نّواحي ديالها.[5]

لؤسطورة ديال تّأسيس د پراڭ كاتنسب هاد لحادات ل دوكة ؤ شوافة لي عاشت ف لقرن تّامن لميلادي سميتها ليبوشي ؤ راجلها پشيميسّل لي أسس سّلالة لپشيميسلية لي حكمات مملكة بوهيميا، ؤ مناطق خرين ف ؤروپا لوسطانية حتال لقرن سطاش. لأسطورة كاتڭول بلي ليبوشي وقفات علا صخرة كبيرة حدا واد ڤلطاڤا ؤ ب تاشوافت ديالها تنبآت: كانشوف مدينة عضيمة لي لمجد ديالها غادي يوصل ل نّجوم، ؤ أمرات باش يتبنا قصر ؤ مدينة سميتها پراها ف ديك لبلاصة.[5]

لمنطقة ولاو كيحكموها دّوكات لي ولاو من بعد ملوك ديال بوهيميا. پراڭ ولات مركز تيجاري موهيم، ؤ ستاقرو فيها تّجار من ؤروپا كاملة، منهوم تّجار ليهود من سپانيا من لقرن لعاشر.

عيون لكلام[بدل | بدل لكود]

  1. ^ "عاداد د سّكان ف 1 يناير 2021". Eurostat.
  2. ^ "Leading European city tourism destinations in 2019, by number of bednights" (بنڭليزية).
  3. ^ "Leading city destinations in Europe from 2016 to 2018, by number of international arrivals" (بنڭليزية).
  4. ^ "Unearthing Bohemia's Celtic heritage [لكشف علا تّرات لكيلتي]" (بنڭليزية). 29 أكتوبر 2004. تطّالع عليه ب تاريخ 13 غشت 2021.
  5. ^ a b ديميتز پيتر (1997). Prague in black and gold : scenes from the life of a European city [پراڭ ب لكحل ؤ دّهبي: سينات من لحياة ديال مدينة ؤروپية] (بنڭليزية). New York : Hill and Wang.