صلوڤاكيا

صلوڤاكيا
Slovenská republika (sk)
نشيد	النشيد الوطني لسلوفاكيا
لعاصيمة	براتيسلاڤا
الساكينة
شحال دالسكان	5,449,270 (2021)
اللوغات الرسمية	الصلوڤاكية
متوسط ديال لعمر	76.56341 (2015)
لجغرافيا
لميساحة	49,035 كم²
لقمة لعالية	ڭيرلاخوفسكي شتيت (2,654.4 م)
لبلاصة الطايحة	بودروڭ (94 م)
تاريخ
أعياد	عيد لميلاد (25 دجنبر)
لإدارة
نضام الدولة	جمهورية برلمانية
رئيس سلوفاكيا	زوزانا تشابوتوفا
رئيس وزراء سلوفاكيا	إدوارد هيجر
لبرلمان	لمجلس لوطني د صلوڤاكيا
لقتيصاد
مؤشر التنمية لبشرية	0.844 (2014)
لفلوس	أورو
معلومات خرا
توقيت ديال لبلاد	ڭرينيتش + 1
رمز لبلاد	SK
رمز لانترنيت	‎.sk‎
رمز التيليفون	+421
نماري د ليرجونس	112، 150، 155 و 158
جيهة د صوڭان	ليمن
السيت الرسمي	slovakia.com

صلوڤاكيا، رسميا لجمهورية د صلوڤاكيا (بالصلوڤاكية: Slovenská republika) هي بلاد ماكاطلش على لبحر جات ف لوسط د أوروپا. تاتحدّها من الشمال لغربي التشيك، من الشمال پولونيا، من الشرق أوكرانيا، من لجنوب هنݣاريا، و من لجنوب لغربي لوطريش. لأغلبية د لأراضي د صلوڤاكيا هي جبال، و لمساحة لكاملة د لبلاد هي 49.000 كم مربع.

دخلو الصلاڤيين للبلاصة اللي فيها صلوڤاكيا ما بين لقرن لخامس و السادس، و أسسو بزاف د الدول صغيرة تما. ف لقرن لعاشر، ولات لبلاصة تابعة للمملكة د هنݣاريا، و اللي دخلاتها معاها ف لإمبراطورية النمساوية لهنݣارية. من مورا لحرب لعالمية اللولا، تفككات لإمبراطورية و تأسسات الدولة د تشيكوصلوڤاكيا، اللي تبعات النضام الشيوعي من مورا لحرب لعالمية التانية. ف 1989 وقعات تورة اللي طيحات النضام الشيوعي ف لبلاد، و ف 1993، تقسمات لبلادو خرجو منها جوج بلدان: لجمهورية د التشيك، و لجمهورية د صلوڤاكيا.

تيسكنو ف صلوڤاكيا تقريبا 5.5 مليون د الناس و لعاصمة ديالها هي براتيسلاڤا. اللغة الرسمية ديال لبلاد هي الصلوڤاكية، و لفلوس اللي كاتخدّم هي لأورو. النظام د لحكيم هو جمهورية برلمانية. صلوڤاكيا داخلة ف بزاف د لمنضمات دولية بحال لأمم لمتحدة، ليتيحاد لأوروپي، الناطو و لمنضمة د التعاون ليقتيصادي و التنمية. صلوڤاكيا معروفة بالصناعة ديال الطوموبيلات، و كايتصنعو فيها كتر من مليون طوموبيل كل عام.

عيون لكلام

تقدر تزيد شوف بزاف د صور و معلومات ديال Slovakia ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.