ويكيپيديا:لْحْكام

من ويكيپيديا
اذهب إلى التنقل اذهب إلى البحث

لْحْكام هوما سّياسات و لقواعْد لّي كاينضمو لخدمة بين لأعضاء د لموسوعة و فيهوم مجموعة د لمبادئ و لإرشادات لّي كاتعاون باش نبنيو مجموعين موسوعة حرّة و منضمة و لّي نّاس يقدرو يتيقو فيها. لحْكام و سّياسات و لإرشادات لّي كاينين ف هاد صّفحة فيهوم جوج ديال نّواع:

  • سياسات فوقانية مشروكين بين لمشاريع د ويكيميديا، لّي ولاو ناضجين و شاركو ف لبني ديالهوم لأعضاء د مجتمع ويكيميديا من لبدية ديالو.
  • سياسات خاصّين ب ويكيپيديا ب الدّارجة لّي تّافقو عليهوم لأعضاء د جّماعة لويكيپيدية د هاد لمشروع.

كيفاش كايتدارو لحكام و كايتبدّلو[بدل لكود]

  • لحكام كي تحددو نطيلاقا من لحاجة باش تأطر شي طرف من لموسوعة لي بان عليها نيقاش ولا فيها شي خوا من حيت سياسات و لإرشادات (لكونسيپط د فراغ قانوني)
  • لحكام يمكنلهوم يتوضعو باش نستابقو شي مشكيل يقدر يوقع.
  • لحكام كي خرجو و كاي يطبقو مورما ناقشاتهم جماعة د ويكيپيديا ب دارجة و كان عليهم إجماع.
    • بنفس طريقة، لحكام يمكن ليهم يتبدلو باش يتعاود يتلقى إجماع جديد ديال جماعة.
  • من غير لْحكام لكبار د ويكيپيديا، لْحكام د لمحتوى ماشي تابتين، يقدرو يتطورو علا حساب لإجماع لي تافقات عليه جماعة د ويكيپيديا ب دارجة.

لْحكام لكبار د ويكيپيديا[بدل لكود]

لحْكام لكبار ديال ويكيپيديا هوما لمبادئ لكبيرة لّي كاتوصف رّوح د ويكيپيديا:

  • ويكيپيديا پروجي (مشروع) د موسوعة، ما خاصّش نحمّلوها كتر من لهدف لّول و رئيسي ديالها. شوف هاد صّفحة ديال ويكيپيديا:ويكيپيديا ماشي هي.. باش تزيد تفهم كْتر.
  • بعّد على ستيل د لكتبة لّي ماشي محايد. لّي كايكتب ف ويكيپيديا خاصو يكون معقول ف كتابتو و ماكايستاغلّش لمشروع باش يدوّز لمواقف ولا لإيديولوجيات ديالو.
  • لازم لحتيرام ديال لحقوق د تّأليف و نّشر: ويكيپيديا پروجي د موسوعة حرّة مرخّصة على حساب لْحكام د رخصة GNU ل لوتائيق لحرّة. أي زيادة ديال محتوى (كتبة، تصاور...) ب شكل ما كايحتارمش حقوق نّشر يمكن تخرج على لموسوعة و على لهدف ديالها باش تدير محتوى يمكن أي واحد يعاود ينشرو، وتقدر هاد لقضية تخلق مشاكيل قانونية. تفاصيل زايدة كاينة ف هاد صّفحة: ويكيپيديا:حقوق تّاليف و نّشر.
  • خاص لحتيرام يكون بين لمساهمين و نّاس لّي كايخدمو ف جّماعة لويكيپيدية: لموساهمين كاملين راهوم غير متطوّعين و هوما من بلدان و عقليات متنوعة. خاصّ لختيلافات و نّيقاشات تدوز ف جوّ مبني على لحتيرام و لهدف لّول ديالو هو أنّ لموسوعة تكبر و ب طريقة مزيانة. تفاصيل و إرشادات زايدة كاينة ف هاد صّفحات: ويكيپيديا:صّواب، ويكيپيديا:لحرب ف لكتابة، ويكيپيديا:حلّ صّداعات.
  • لْحكام د لمحتوى[بدل لكود]

    لّوغة[بدل لكود]

    عناوين لمقالات[بدل لكود]

    • لعنوان د لمقالة خاصّو يكون باين و ساهل ف التّقلاب و مختاصر على قد لممكن.
    • ما يمكنش يكونو جوج مقالات عندهوم نفس سّمية.
      • يلا كانو سّميات كايتشابهو خاصّهوم يتميّزو ب شي كلمات زايدين باش يقدرو يتعرفو و بشكل كايسهّل تّقلاب عليهوم. متلا يلا كانو جوج بلايص جغرافيين عندهوم نفس سّمية خاص يتزاد بين جوج قواس سمية دّولة و لا لجيهة ديالهوم. نفس شّي ل شّخصيات، متلا يمكن تتزاد لمهنة ديالو و لا باش معروف بين جوج قواس.
    • يمكن ل جّماعة تقرّر تزيد قواعد مفصلة ف هاد لباب ب نّسبة لشي مجالات محدّدين: سّميات د لمدون، د لكتوبة، د لأفلام،...
    • سّمية د لمقالة خاصّها تكون نكيرة لّاهومّا يلا كانت سّمية معروفة كتر ب شّكل ديالها ب تّعريف بحال متلا لمغريب.
    • ما خاصّش يتزاد ف سّمية د لمقالة شي كلمات ديال تّفخيم ولا كايبغيو يكبّرو ولا يصغّرو ب لحاجة ولا شّخصية لّي مكتوبة عليها لمقالة. (متلا "صاحيب لجلالة ولا رضي الله عنه ولا شي حاجة بحال هاكدا).
    • يمكن يتخدّمو حروف لاتينيين ف سمية لمقالة يلا كانت لكتابة ديالهوم ب دّاريجة يمكن تصعّب لفهامة ديالهوم ولا تّقلاب عليهوم: متلا ف لحالة ديال سّميات لمختاصرين ف لمجالات د الشّيمي و لا سميات النّيازك.
    • يمكن يتّستعمل شّكل ف سمية لمقالة باش يعاون على لقراية ديال شي عنوان ب شكل ما يتخلّطش مع شي معنى آخور.
    • هاد رّوموز ما يمكنش تكون ف سمية شي مقالة حيت كاتخلق مشاكيل تقنية: # + < > [ ] | { }.

    لحكام د شنو يستاهل يكون ف لموسوعة[بدل لكود]

    • لموسوعة ماشي بلوگ ولا شبكة سوسيال ميديا ولا قاعدة بيانات باش يتكتب فيها على أي شخصية ولا أي بلاصة ولا أي موضوع كيف ما كان.
      • خاص لمقالة تكون عندها مينيموم ديال لفايدة لموسوعية.
    • لقواعد ديال لملحوظية غادي تبنيهوم جّماعة حالة ب حالة. أي موساهيم عندو لحقّ يناقش واش شي مقالة تستاهل تكون ولا لا.

    لمصادر[بدل لكود]

    • ضروري تكون أي مقالة ولا زيادة ولا تبديل (لّي كايقيس لمحتوى بشكل كبير) موتّق ب لمصادير.
    • لمصادير خاصّها تكون، على قد لإيمكان، معقولة و يمكن أي واحد يوصل ليها.
    • جّماعة يمكن ليها تقرّر تدير بلاك ليست ديال شي نواع ديال لمصادير لّي ما مقبولاش ف لموسوعة.

    لمحتوى د جّملة[بدل لكود]

    معايير لجودة د لمقالات[بدل لكود]

    تّبديلات لهيكلية د لمحتوى (لحذف - دّمج - لستيرجاع...)[بدل لكود]

    لحكام د جّماعة[بدل لكود]

    الصلاحيات[بدل لكود]

    كاين بزاف د الصلاحيات فويكيبيديا بالدارجة، و كل وحدا و شنو خاص باش يوصل ليها شي واحد:

    • مدير (أمغار)
    • محرر
    • مراجع تلقائي

    لحكام د لمنع و لمسطرة ديالها

    • أي واحد ماتيحتارمش لحكام ديال لموسوعة تينبًهوه لمديرين للسلوك ديالو.
    • إلا عاود داك السلوك للمرة التالة تيتجمعو إمغارن و يديرو تصويت باش يمنعوه يا إما مؤقتا ولا ل ديما.

    التحكيم

    • خاص تكون حكام باينة ديال شكون كيقرر ف شنو.
    • إلا ماكانتش شي حاجة مكتوبة هنا، غادي يكون لقرار فيها بالتصويت د الناس النشيطين د لمجتمع د الدارجة.