ويكيپيديا:لبرلمان/أرشيڤ 3

هاد لپاج راها أرشيڤ. عافاك ماتبدّلش فيها. باش تزيد مداكرة ؤلّا تعليقات جداد عافاك سير ل للپاج د لمداكرة د لوريجين.

مهام جديدة للبوت

السلام عليكم إخوتي جميعا؛ أقوم تدريجيا بزيادة عدد المهمات التي يقوم بها البوت الخاص بي (MenoBot) بالإضافة إلى المهام الأصلية له، و هذا تقرير عن المهمات الجديدة للبوت:

مهام باستخدام بوت البايثون

• المهمة 4: الترحيب بالمستخدمين الجدد (أقوم فعلا بهذه المهمة في كل المشاريع العربية)؛ كود البوت جاهز، لكنني أحتاج فقط لترجمة قالب الترحيب {{Welcome}} من الإنجليزية للدارجة. (ملاحظة: هناك أكثر من تصميم لقالب الترحيب من الممكن الاختيار بينها لاعتمادها هنا.)
  • دورية عمل المهمة: مرة كل ثلاثة أيام.
• المهمة 5: تصحيح تنسيق الISBN في المقالات؛ هذه المهمة من أقل المهام في عدد التعديلات، و ذلك لأن عدد المقالات هنا قليل؛ عدد التعديلات لنفس هذه المهمة في ويكيبيديا العربية هو بضعة تعديلات (حوالي 5 أو 6 تعديلات) كل شهر.
  • أمثلة لتعديلات البوت المتعلقة بهذه المهمة: خاص:فرق/28033 خاص:فرق/17710 خاص:فرق/17708 خاص:فرق/17706 خاص:فرق/17705 خاص:فرق/17704
  • دورية عمل المهمة: مرة كل ثلاثة أيام.
• المهمة 6: إضافة قالب {{Commons category}} للمقالات والتصنيفات التي تحتاجه (هذه المهمة ستعمل فقط في نطاق المقالات ns:0 و نطاق التصنيفات ns:14).
  • أمثلة لتعديلات البوت المتعلقة بهذه المهمة:
    • للمقالات: خاص:فرق/31197 خاص:فرق/31199 خاص:فرق/31198 خاص:فرق/31234
    • للتصنيفات: خاص:فرق/31180 خاص:فرق/31181 خاص:فرق/31179
  • دورية عمل المهمة: مرة كل أسبوع.

مهام باستخدام الأوب

• المهمة 7: إضافة إصلاح أخطاء مشروع فحص ويكيبيديا أرقام 61 , 81 لقائمة الأخطاء التي يصلحها البوت حاليا.
  • دورية عمل المهمة: مرتين كل شهر.

إخطار لإخوتي @Mehdi Immähder, Reda benkhadra, و Tifratin: الرجاء المساعدة في ترجمة {{Welcome}} و شكرا لكم. --Meno25 (نقاش) 14:15، 1 نونبر 2020 (+01)

تحياتي Meno25، لقد تمت ترجمة قالب {{Welcome}} بنجاح. أعلم أنها استجابة متأخرة لكن لا بأس. القالب جاهز --سمير تامر (نقاش) 12:48، 13 غشت 2021 (+01)

سؤال

سلام @Anass Sedrati, Ideophagous, و Elmerrakchi: أول حاجة سمحولي علا هاد لغبور. لاحضت ف بزاف ديال لمقالات مابقاش مستعملة لفقرة ديال "لمصادر" والاكين عوضاتها لكلمة ديال "لمزاود". لي كانعرف هو لمزاود كانعيو بيهم دوك شكوا د جلد ديال لمعاز ولا لحوالا لي كيصلاح دير فيهم طحين ولا تبن، ولا حتا تمخض فيهم لحليب (شوف تصاور).

إلا كان هاد لكلمة عندها معنا أخور، ولا تافقتو بيناتكم باش تستعملوها ف سياق د ويكيپيديا، عافاك علْمُوني. تهلاو --Reda benkhadra (نقاش) 18:35، 18 يناير 2021 (+01)

السلام عليكم السي @Reda benkhadra:. أنا بديت تانخدّم لكلمة ديال لمزاود مورا ماهضرنا مع فاروق و كان قتارحا علينا. لكلمة عندها معنا بحال "داكشي اللي تاتزيد" و هو بالضبط لمعنى ديال مصدر. لمزاود فالدارجة تاتعني تا لفلفلة لحارة، و هي سميتها لمزود حيت ملّي تاتزيدها تاتزيد لبنّة ف لماكلة. لمهم هادشي علاش عجباتني أنا لكلمة و بديت تانخدّمها. -- Anass Sedrati (نقاش) 19:01، 18 يناير 2021 (+01)

مرحبا خاي @Reda benkhadra:. كيفما ڭال أناس، لقتيراح ديال فاروق جانا مزيان ؤ طبقناه. كنت بديت كنستعمل "عين لكلام" بلاصت مصدر، مي "لمزاود" جاتني حسن. -- Ideophagous (نقاش) 09:17، 19 يناير 2021 (+01)

شكرا @Anass Sedrati و Ideophagous: علا جواب ديالكم. علا حساب مافهمت، لمعنا لي جات بيه لكلمة د "لمزاود" ف هاد سياق هو "شي حاجة زايدة"؛ ف هاد لحالة خاص نستعملوها ب معنا د "روابط خارجية/external links" لي هوما حوايج زايدين، أما ب نسبة ل "مصادر/sources" خاص نفكرو ف شي كلمة قريبة من لمعنا د لعين. --Reda benkhadra (نقاش) 18:00، 19 يناير 2021 (+01)

فكّرت شويا و قلت يمكن لكلمة د "لعيون" تقدر تكون مزيانة. بلفرونسي را تيخدّمو نفس لكلمة sources، آشنو بان ليكم؟ @Reda benkhadra, Ideophagous, و Elmerrakchi: -- Anass Sedrati (نقاش) 16:32، 20 يناير 2021 (+01)

مرحبا خاي فاروق. وي، هادشي لاش درت ف لّول "عين لكلام" ؤلا "عيون لكلام". ديك "لكلام" زدتها باش يوضاح لمعنى ديال "عين" ؤلا "عيون"، مي نقدرو نحيدوها. -- Ideophagous (نقاش) 18:08، 20 يناير 2021 (+01)

@Anass Sedrati, Ideophagous, و Elmerrakchi: متافق معا سي منير، خاص نوضحو لمعنا كتر؛ داكشي علاش كانقتارح نديرو "عيون لكلام" ب نسبة ل"مصادر/sources" ؤ "لمزاود" ل "روابط خارجية/external links" --Reda benkhadra (نقاش) 21:54، 21 يناير 2021 (+01)

معا أنا متافق. يلا كولشي هنا تّافقو، غادي نبدا ندير "عيون لكلام" بلاصت "لمصادر" ؤلا "لمزاود". كلمة "لمزاود" نقدرو نخدموها ل "ليانات لخرجانية". -- Ideophagous (نقاش) 09:15، 22 يناير 2021 (+01)

مرحبا @Anass Sedrati, Ideophagous, و Reda benkhadra: إييه حثى أنا عجباتني "عيون الكلام"، كاينة كلمة آخرى "راس الخيط" "روابط خارجية/ external links "ليانات لخرجانية"" أنا رابط تنقول ليه "راس الخيط". . فالحقيقة ما كنتش تانتصوّر واحد النهار نتلاقى مع ناس بحالكم. الله يكثر من مثالكم. واحد السؤال : واش يمكن نبدلو هاديك "لغي" على التبديلات بكلمة "بلاش" ولّ "بناقص" ول شي كلمة آخرى، حيثاش لغي واللّغو هو كثرة الهضرة بالدارجة. مستخدم:Elmerrakchi

لحماية لبعض الصفحات

كانضن بلي خصنا نديرو الحماية بشي صفحات خصوصا لي كايكون فيهم التخريب بزاف و لي مهمين و أولهم ديال "لمغريب" باش ماشي لي جا يكتب فيهم يعني حتا إكون لواحد ديجا عندو كونط و ديجا داير تعديلات قبل عاد إكون عندو لحق أنه يغيير شي حاجة فهاد صفحات. أشنو بان ليكم ؟ -- Ayour2002 (نقاش) 18:36، 3 أبريل 2021 (+01)

معا لهضرة ديالك خاي @Ayour2002:. كاينين صفحات كايتخربو بلا قياس وغادي هادشي كايزيد. ياريت تكون شي ليستة اللي تجمع الصفحات اللي موهمّين بزاف ويدّار ليهوم قفل مايكتب فيهوم غير اللي عندو كونط وفات شي شروط.--سمير تامر (نقاش) 19:01، 3 أبريل 2021 (+01)

معا متافق معاك. كاينين پاجات كيتم تّخريب ديالهم ب شكل مستامر. ب صراحة أي أرتيكل واصل واحد لمقدار د لجودة خاصّو يتّحما. --Ideophagous (نقاش) 20:42، 03 أبريل 2021 (+02)

معا تانا متافق بزاف. كاين شي صفحات كيجيو ليهم بزاف د الناس يعاودو يكتبوهم بلعربية لفصحى تيصحابليهم الدارجة أغلاط. دابا السؤال هو كيفاش كاتتفعّل لحماية د الصفحات؟ -- Anass Sedrati (نقاش) 20:16، 3 أبريل 2021 (+01)

ماجربتش هاد لؤپسيو، مي راه كاين "حمي" ف نفس لبلاصة فين كنحولو پاج. --Ideophagous (نقاش) 22:07، 03 أبريل 2021 (+02)

مسابقة د لكتابة ف ويكيبيديا الدارجة

السلام عليكم،

ماعرفتش واش عارفين ولكن را كاينة مسابقة ديال لكتابة ق ويكيبيديا بالدارجة و فيها جوائز و رباح. اللي بغا يتقيد ف لمسابقة هذا هو الرابط. أكتر واحد كتب ف الدارجة أيربح 100 دولار. اللي بغا يشارك مرحبا را لمسابقة أتبقا تال 31 ماي وكاين بزاف د لمواضيع يقدر يكتب عليهم لواحد. ڭاع لمعلومات و التفاصيل و لقوانين كاينة ف الصفحة د لمسابقة، و اللي عندو أي سؤال مرحبا بيه.

نغز لڭاع ناس ويكيبيديا الدارجة -- Ayoub El Wardi، Mohamed.mdb، OukikMehdi، SADIQUI، Reda benkhadra، Rachid Ourkia، سمير تامر، Ali ahmed andalousi، Hamzamathiw، Abdeaitali، Daas sam، موسى، Mehdi Immähder، Iliass.Aymaz، Abdessamie111، Douae Benaboud، Delpha، SharryX، Hichamajoumal1، Ideophagous، Elmerrakchi، Ayour2002.

مع التحيات،

Anass Sedrati (نقاش) 20:07، 14 أبريل 2021 (+00)

ويكيبيديا:بذرة

سلام! قادّيت شوية لپاج ديال ويكيبيديا:بذرة. عافاكوم شوفو داكشي واش متافقين عليه، ؤلا خاصو نيقاش. ؤ علا وقفتنا نيت، واش ماكاينش شي مصطلح حسن من "بذرة"؟ راه غادي يكون شي موقابيل مزيان ف دّاريجة، ولاكين ماطاحتليش شي كلمة مناسبة 100% علا بالي دابا. علفة متلا؟ درة؟ زرعة؟ كانقتارح بلي زّيادة ؤ تّحياد ديال طّاڭ ديال بذرة (ؤلا أي سميّة خرة تّافقنا عليها) يديرها داريجابوت. نغز Ayoub El Wardi، Mohamed.mdb، OukikMehdi، SADIQUI، Reda benkhadra، Rachid Ourkia، سمير تامر، Ali ahmed andalousi، Hamzamathiw، Abdeaitali، Daas sam، موسى، Mehdi Immähder، Iliass.Aymaz، Abdessamie111، Douae Benaboud، Delpha، SharryX، Hichamajoumal1، Elmerrakchi، Ayour2002، عصام أزناك. --Ideophagous (نقاش) 16:12، 12 يونيو 2021 (+02)

كانضن كلمة "زريعة" مزيانة فبلاصت بدرة --Ayour2002 (نقاش) 17:15، 12 يونيو 2021 (+01)

"زريعة" +++ --Abdeaitali (نقاش) 08:04، 14 يونيو 2021 (+01)

يلا ماكانش عتيراض غادي ندير قالب جديد ديال موضيل:زريعة باش يعوض موضيل:بذرة. لبوت غادي يتكلف ب تبدال لقالب ف لمقالات. حتا يكونو رّيفيرات ل هاد لقالب ف لمقالات كاملين تبدلو، عاد غادي نحدف لقالب لقديم. لپاج ديال ويكيپديا:بذرة غادي نحولها ل ويكيپيديا:زريعة. --Ideophagous (نقاش) 12:12، 27 يونيو 2021 (+02)

داريجة ف لاپليكاسيون د ويكيپيديا

سلام عليكم @Ideophagous, سمير تامر, Mr. Lechkar, Elmerrakchi, Abdeaitali, Anass Sedrati, و AyourAchtouk: @Rachidourkia, Mohamed.mdb, و OussamaOuh: نتمنا تكونو كاملين بيخير.

بغيت نشارك معاكوم واحد لإخبار جا من عند لمؤسسة د ويكيميديا لي كات إبيرجي لپروجي ديالنا، لفرقة ديالهوم تقنية خدامة علا مشروع باش تطور تطبيق/لاپليكاسيون د ويكيپيديا ف أندرويد من بزاف د جوايه، دابا هوما خدامين علا تحسين لپارتية د نوتيفيكايشن/إشعارات (كيما يمكن ليكم تشوفو هنا).

كيما راكم عارفين، بزاف د ناس لي مشاركين معانا كيخدمو من تيليفوناتهم ؤ ف نفس لوقت كيكونو بزاف د نيقاشات علا مواضيع لي كيتجبدو ؤ كيخص تفاعل معاهم باش نحسمو فيهم ؤ نزيدو لقدام. داكشي علاش ماحد لإشعارات كيكتارو كيولي صعيب تبع معاهم. لمؤسسة جايبة بزاف د لأفكار باش تصلح هاد لإشكاليات ؤ مقتارحة إضافات جداد ممكن تطبقهوم إلا بان بلي كاين هتيمام بيهم (ممكن ليكم تشوفوهم ف هاد صفحة لي كاينة ب لوغات مختالفة).

ماترددوش باش تشاركو تعليقات ديالكم علا لقضية تحت من هاد لميساج ؤ إلا عندكوم مولاحضات أخرا علا تطبيق د ويكيپيديا ؤ أفكار باش تزيد تحسن ماتعڭزوش تشاركوها باش يسهال تفاعل ؤ حتا يلا جاو ناس جداد معانا يجيهم داكشي user-friendly.

نوطة: هادشي كينطابق حتا علا ويكيپيديا ب تاشلحيت ؤ ناس لي خدامين فيها:)

تحياتي، --Reda benkhadra (نقاش) 22:09، 13 شتنبر 2021 (+01)

سلام خاي @Reda benkhadra:. هادشي جميل ؤ غادي يسهّل علينا لخدمة ؤ توصال لمعلومة، سيرتو بلي كيما كتبتي بزاف د نّاس كيخدمو غير من تّيليفون، سوا كتاتبيا ؤلا قاريين. من نّاحية تّقنية واش معناتها بلي مانحتاجوش نخدمو علا سّتيل ب CSS باش يكون سّيت كيبان مزيان ف شاشة صغيرة، ؤلا وخا داكشي غادي يخصنا نطورو بحال هاد سّتونات (سيرتو ب نّسبة ل لقيساريات)؟ --Ideophagous (نقاش) 04:54، 14 شتنبر 2021 (+01)

تحياتي خاي @Reda benkhadra:. للأسف ماكانستعملش لاپليكاصيو كانخدم من لپيسي، وماعنديش فكرة على كيفاش دايرين لإشعارات تما. ما علينا إلا كان هادشي غايفيد، كاين واحد التوجوه عند بزاف ديال التطبيقات اللي ولّات كاتدير كونصيپت ديال Digest notifications، زعما يقدر لواحد يحدد واحد لوقيتة فالنهار فين يجيوه لإشعارات كاملين (ويقدر يحدد واش يكونو مختاصرين أولّا مفصّلين). --سمير تامر (نقاش) 11:03، 14 شتنبر 2021 (+01)

شكرا @Ideophagous و سمير تامر: علا جواب ؤ تفاعل ديالكم.

لقتيراح ديال digest notifications زوين بزاف. عمليا كيفاش بغيتي يتطبق، واش ڭاع لإشعارات لي كيجيوك ف ويكي خصك توصل بيهم ف لإيميل ولا غير شي وحدين (بحال شكر، إلغاء تبديل، إشارة..) ؤ واش خصهم يكتلاساو علا حساب لپروجي (ويكيپيديا، كومنز، لحاضنة..) ولا لوغة (ويكيپيديا ب داريجة، ويكيقاموس ب نڭليزية..) ؟

أما ب نسبة لينا حنا هنا مانحتاجوش نديرو پاراميطراج جديد من غير إلا فكرنا نقادو شكل ديال صفاحي د نيقاش، لي ممكن نطوروهم ب جوج شكال مختالفين (ؤ كومپاتيبل معا تيليفون):

1. نفس شكل لي كاين دابا غير مدخلين عليه تحسينات جداد، (1) تجاوب علا تعليق ب كليك واحد، (2) تزيد موضوع جديد ب طريقة جديدة (بحال شي ستيمارة)، (3) يجيوك إشعارات/نوتيف ملي كيوصلو أجوبة جداد (بلاما تحتاج طاڭي ناس). تصاور لي من بعد غادي يوضحو ليكم هاد لمسائل.

• 
  1.
• 
  2.
• 
  3.

2. شكل جديد كامل د صفاحي د نيقاش (معروف ب سميت Structured Discussions ولا Flow) بحال شكل لي كاين هنا ؤ هنا.

أنا شخصيا ماكرهتش نطبقو لقتيراح تاني حيت سهل من لكتابة ب لكود ؤ كيسهل تمونيطوري نيقيشات ب طريقة منضمة لي تخلي أي واحد يشارك فيها ؤ ف نفس لوقت كيمكن باش نعرفو سطاتو ديال ديك لمناقشة خصوصا أنه دابا إلا ماقريناش كل نيقاش بوحدو ماعنا كينعرفو واش داك لموضوع تحل ولا مازال عليه لهضرة.

--Reda benkhadra (نقاش) 14:21، 14 شتنبر 2021 (+01)

تحياتي خاي @Reda benkhadra:، لموهيم ماحدنا كانهضرو على لأپليكاصيون ديال ويكيپيديا بوحدو فراه آه digest notifications كايكونو مرتبين على حساب كيفاش بغا لمستخدم، إما اللوغة أولّا النوع (نقاش صفحة، نقاش ويكيپيديا، نقاش قالب...) أولا اختيار بيناتهوم بجوج، لمستخدم يقدر يحدد الترتيب ديال هاد لإشعارات (لقديم للجديد ولّا لعكس)... أولا حتى على حساب شكون عيّط ليه كتر (متال "جاوك 3 إشعارات من فلان"، وكايوريهوم مستفين ومختاصرين، وتحت منها "جاوك 2 إشعارات من فرتلان" ونفس لحاجة. هادو كايكونو غاليبا فالشاشة د لقفل lock screen وفلبارّة د ليشعارات notification bar، كانهضر على أندرويد، وهادشي إلا باقي كاتدوي على لأپليكاصيون ديال ويكيپيديا (واللي مرة خرة ماعارف عليها والو (: ). بالنسبة للتعليقات متافق معاك على لقتيراح التاني حيتاش كايبان ليا زوين ومنضم وساهل تبع بيه لهضرة والجواب على التعليقات. --سمير تامر (نقاش) 18:54، 14 شتنبر 2021 (+01)

سلام خاي @Reda benkhadra:. شكرا علا تّوضيحات. تانا معا شّكل تّاني. --Ideophagous (نقاش) 17:22، 16 شتنبر 2021 (+01)

السلام عليكم @Reda benkhadra: وشكرا حيت بديتي هاد لموضوع. تانا ماعمري الصراحة ما كانخدّم ويكيپيديا ف أندرويد (كانخدم ف پي سي)، ولكن عارف باللي مهمة حيت بزف د الناس تيخدّموها. جاني الشكل التاني زوين، و تانا عجباتني لفكرة ديال لإشعارات تكون مجموعة، كتيرشي لا كانو بزاف، و شي مرات من نفس لواحد. فنضري حاجة آخرا اللي مهمة هي كيفاش تدوز من الصفحة د ويكي للصفحة د النقاش (ف التيليفون). تاتجيني ديما صعيبة بزاف وشحال من مرة ماعرفتش ليها أصلا. لا قدرو يخدمو عليها باش تكون سهل، تقدر تكون حاجة مزيانة. شكرا بزاف وتهلاو أ الدراري. -- Anass Sedrati (نقاش) 21:42، 18 شتنبر 2021 (+01)

اقتراح تعديلات على صندوق المعارك ؤ الدول التاريخية

السلام عليكم ورحمة الله وبركاته، نتمنى تزيدو تعديلات على صندوق لمطايفة ؤ صندوق الدول التاريخية، وزيدو قوالب د رايات دول لعالم ؤ الدول التاريخية بحال لموحدين ؤ لمرابطين، ؤ حتى صندوق لمطايفة يكونو الدول لمشاركة فجنب، بحال دول لحلفاء فليسر ؤ دول لميحور فليمن، باش يعطي واحد لجمالية للقارئ. وفقكم الله وسدد خطاكم

كاين موضيل:راية، كاتستعملو هاكا{{راية|كوض د لبلاد}}. متلاً {{راية|MAR}} كاتبان هاكا MAR. ب نّسبة ل لقوالب د لبلدان لي مابقاوش غادي نصاوبو ف أقرب وقت، ؤ لاخور د لمطايفة غادي نشوف.--Ideophagous (مداكرة) 20:56، 3 مارس 2022 (+01)

شكرًا اخويا Ideophagous على الاستجابة، ؤ لمعلومة ديال راية.

مينحة د ويكيميديا لمغريب 2023

سلام أ دّراري @Anass Sedrati, Reda benkhadra, سمير تامر, DocPPicola, Mico2022, Akhvot Ben Govrin, و Rachidourkia: @المدون مبارك ابلقاس: جمعية لخدايميا د ويكيميديا ف لمغريب (ويكيميديا لمغريب) كاتستاعد باش تطلب مينحة مالية من عند مؤسسة ويكيميديا لي كاينة ف لميريكان، لي غادي تخوّل ليها باش تدير مجموعة د لأنشطة على أرض لواقع ف لمغريب، ب لإضافة ل أنشطة خرة ؤنلاين، لي مايمكنش تدار ؤلا ماغاديش تدار ب نفس لجودة بشكل تطوعي بحت. هادشي ماكيشملش لكتابة ليومية ف ويكيپيديا لي كانت ؤ غادي تبقا ديما تطوعية. كاينين بزاف د لمشاريع لي داخلين ف هاد لمينحة. لأنشطة لي متعلقة ب ويكيپيديا ب دّاريجة كاتشمل مسابقات (لقيمة د جوائز ديال مسابقات د لكتابة ؤ أحسن تّصاور) ؤ تّطوير تّقني. بغيت نشوف واش عندكوم أفكار إضافية لي تقدر تعاون ف تطوير لموسوعة ديالنا. تا يلا عندكوم سؤال، مرحبا. كاينين تا أعضاء ويكيميديا لمغريب لي يقدرو يجاوبو على لأسئلة ديالكوم. تهلاو! Ideophagous (مداكرة) 08:00، 6 غشت 2022 (+01)

السلام عليكم السي منير. شكرا بزاف على هاد لخبار. آه إن شاء الله لفكرة هي نديرو بزاف د لأنشطة ف 2023 اللي ينفعو الناس عندنا ف لمغريب، بحال لمشروع د التعليم و حتا لبوتات اللي أيعاونو الدارجة. نتمناو هاد لمينحة تّقبل وتنفع لخدايمية د لبلاد كاملين. -- Anass Sedrati (مداكرة) 10:38، 6 غشت 2022 (+01)

تبدال د شي سميّات

السلام عليكم الدراري @Ideophagous, Reda benkhadra, سمير تامر, DocPPicola, Mico2022, و Rachidourkia:، بغيت نتشاور معاكم عافاك على جوج كلمات كاينين عنا هنا بزاف، و كيبانلي حسن ندرّجوهم كتر. لكلمات هوما: "مستخدم" و "تعديل". كانقتارح نبدّلوهم ب "خدايمي" و "تبديلة". شنو بان ليكم؟ إلا متافقين را نقدرو نبدلوهم، وإلا نخلّيوهم هاكا. لمهم اللي بان ليكم. Anass Sedrati (مداكرة) 10:49، 6 غشت 2022 (+01)

معا متّافق. أصلا لمجال سّمياتي ديال User غادي يتحوّل من هنا جوج سيمانات نشاعلّاه من مستخدم ل خدايمي. غادي يخص نديرو نفس تّبديل ل لمجالات سّمياتية لخرة لي كاتبان ف تّيكست (قالب => موضيل). غير كانضن ب نّسبة ل لمداكرات لقدام حسن نخيليوهوم كي كانو ؤ نحولوهوم ل لارشيڤ فاش تعمر صّفحة. Ideophagous (مداكرة) 11:47، 6 غشت 2022 (+01)

معا متّافق. Mico2022 (مداكرة)

حول قصبة اكادير

محتاجين شي واحد يزيد معلومات على قصية اكادير حاليا و قبل الزلزال بحيث خاص شلا حوايج يهدرو عليها مثلا: مدافع القصبة لي كان عددها بين خمسين و خمسة وثلاثين ف 1960 و لي بقاو دبا منهم فقط جوج قدام ولاية امن اكادير (بعد اشغال ترميم حديقة اولهاو ختافاو ثلاثة ) . — هاد لميساج مامسنيش خلاه Mohamed Amine Mehdaoui (نقاش)، نهار 13 نونبر 2022 معا 15:36

أهلا سّي @Mohamed Amine Mehdaoui: ؤ مرحبا بيك ف ويكيپيديا. كيما كاتعرف لموسوعة هي تعاونية، أي واحد ممكن يعاون فيها ؤ يزيد فيها محتويات. ماترددش تغْني لمقال على قصبة أݣادير أوفلا ب لمعلومات لي كيبانو ليك ناقصين ؤ موراها لإمغارن (لأدمينز) غادي يراجعو تبديلات لي درتي. تحياتي. Reda benkhadra (مداكرة) 17:14، 13 نونبر 2022 (+01)

عيون لكلام

سلام لأصدقاء،

تانقتارح نبدلو اسم لفقرة ديال لمراجع من "عيون لكلام" ل "مصادر"

هاد لمصطلح ديال عيون لكلام أول مرة نسمعو فحياتي هي هنايا، لمصطلح لي تانخدموه فحياتنا ليومية هو لمصادر ~~~~

◀ Ideophagous ◀ Reda benkhadra◀ Anass Sedrati Mounir Neddi (مداكرة) 17:25، 18 نونبر 2022 (+01)

ماعنديش موشكيل. فاش درناها كنا بغينا نتّافقو على عنوان واحد د لفقرة باش مايبقاش شي كيشرق شي كيغرب. يلا كانو لأغلبية هادشي لي بغاو نقدر نبدّل لعطاشة لبوتية باش تولي تدير "مصادر" بلاصت من "عيون لكلام". تا مصطلح "عيون لكلام" ماشي خايب بصراحة (عيون لكلام = منابع/مصادر لكلام).-- Ideophagous (مداكرة) 22:19، 18 نونبر 2022 (+01)

السلام Ideophagous، Reda benkhadra، Mounir Neddi. انا ف نظري عيون لكلام هي اللي مزيانة. حيت هي بالدارجة و عندها معنى بحال مصادر. يمكن كنا هضرنا على هاد لموضوع نيت قبل و لكن ما عقلتش فين و واش شاركتي معانا أ منير. -- Anass Sedrati (مداكرة) 21:40، 20 نونبر 2022 (+01)

راني كنت شاركت، و كان معانا تا فاروق لمراكشي، و هوّا لي قتارح مصطلح "عيون". ف جميع لحالات يلا لأغلبية بغاو شي حاجة من غير "عيون لكلام"، نقدرو نعاودو لڤوط. لي كيهم هوّا ماتكونش لفوضا ف لكتابة. من الناحية التقنية، التبدال ديالها ساهل.-- Ideophagous (مداكرة) 22:52، 2 يناير 2023 (+01)

بغت نحط وحد مغني راب في ويكي ويكيبيديا كنقادها بجميع موصفات موعلومات متطلبة كيحدفوها مفهمتش كفاش

بغت نحط وحد مغني راب في ويكي ويكيبيديا كنقادها بجميع موصفات موعلومات متطلبة كيحدفوها مفهمتش كفاش 105.68.218.191 12:54، 13 يناير 2023 (+01)

سلام و مرحبا بيك ف ويكيپيديا ب الداريجة. إينا مغني د الراپ بغيتي تقاد عليه مقال؟-- Ideophagous (مداكرة) 14:03، 13 يناير 2023 (+01)

بغت نحط وحد مغني راب في ويكي ويكيبيديا كنقادها بجميع موصفات موعلومات متطلبة كيحدفوها مفهمتش كفاش

بغت نحط وحد مغني راب في ويكي ويكيبيديا كنقادها بجميع موصفات موعلومات متطلبة كيحدفوها مفهمتش كفاش 105.68.218.191 12:58، 13 يناير 2023 (+01)

لكتبة اللي كاينة لفوق هي أرشيڤ ديال مداكرة أولّا تصويت قديم، وكاين هنا غير باش يتشاف. عافاك ماتبدّلوش.