ويكيپيديا:كتاتبيا
كتاتبيا ؤلا لكتاتبيين هما لخدايميا اللي عندهم تجربة مزيانة فـ ويكيپيديا ؤعارفين طريقة ديال تحرير ؤسياسات ديالها، ؤتعطات ليهم صلاحية مراجعة التعديلات الجديدة وتعليمها بلي تراجعات.
صلاحية كتاتبي كتوافق تقنياً مجموعة لخدايميا patroller. الهدف منها هو تسهيل مراقبة التعديلات، ومساعدة المجتمع على التمييز بين التعديلات اللي تراجعات والتعديلات اللي مازال خاصها المراجعة.
وجود علامة المراجعة ما كيعنيش بالضرورة أن التعديل صحيح بشكل كامل، ولا أنه مقبول نهائياً، وإنما كيعني أن واحد لخدايمي عندو صلاحية المراجعة شاف التعديل وما لقا فيه حتى مشكل واضح كيطلب التدخل.
كاينين حالياً 1 كتاتبي فويكيپيديا بالدارجة.
شروط الحصول على الصلاحية
[بدل لكود]كيعطيو إمغارن صلاحية كتاتبي للخدايميا اللي عندهم تجربة كافية فويكيپيديا، ومساهمات مزيانة، ومعرفة بسياسات التحرير ومكافحة التخريب.
يمكن تعطى صلاحية بطلب من لخدايمي فصفحة طلبات الصلاحيات.
قبل ما تعطى صلاحية، كيتراجع مساهمات د لخدايمي باش يتأكد من أنه قادر يميز بين التعديلات المقبولة والتخريب والتعديلات اللي فيها مشاكل.
ما كايناش ترقية ؤطوماتيكية لهاد صلاحية.
لعمليات
[بدل لكود]لكتاتبي يقدر:
- يراجع التعديلات اللي مازال ما تراجعاتش؛
- يعلّم التعديلات بلي تراجعات؛
- يساهم فمراقبة التغييرات الجديدة والتخريب؛
- يساعد فتنظيم خدمة مراجعة التعديلات الجديدة.
تعليم تعديل بلي تراجع ما كيعنيش الموافقة على المحتوى ديالو بشكل نهائي، وأي تعديل يقدر يتصلح أو يتحيد إلا تبين من بعد أنه فيه مشكل.
إزالة صلاحية كتاتبي
[بدل لكود]يقدر إمغارن يحيد صلاحية كتاتبي إلا تبين أن لخدايمي كيسيء لستعمال ديالها، أو كيعلم تعديلات فيها تخريب ؤلا مشاكل واضحة بلي تراجعات بشكل متكرر، ؤلا إلا ما بقاش كيستعمل صلاحية بطريقة مزيانة.
يمكن طلب إزالة صلاحية فصفحة طلبات الصلاحيات.