هيدروجين خضر
لهيدروجين لخضر هوّا هيدروجين كيتّنتج ب مصادر د طّاقة لمتجددة بشكل كامل. ف لعادة لهيدروجين كيتّنتج من لڭاز طّابيعي، ف پروصي لي كيلوّت لبيئة. معا تّطور لحالي ديال طيكنولوجيا د لإنتاج د طّاقة شّمسية ؤ طاقات نقية خرة، لي غادية ؤ كاترخاص، ولا لپروصي د لإنتاج د لهيدروجين لخضر مومكين ؤ مربح قتيصاديا على لمدى لقريب. سّرتيفات ديال لهيدروجين لخضر كيشتارطو كتر من 60 تال 70% ديال تخفيض نّبيعاتات د لڭازات.
كاينين عاداد د لپروصيات باش كيتّنتج لهيدروجين بشكل "خضر" (ب طاقة نقية ؤ متجددة)، من بينهوم:
- إيليكطروليز د لما[1][2] لي كاتدار ب تريسينتي تّنتج ب طاقة نقية.
- معاودة د لبوخار ديال لبيوميطان.[3]
لهيدروجين يقدر يتخدّم كا فيول د لهيدروجين ف لموطور دّخلاني د لحريق. ماشي غير طّونوبيلات مي حتا نواع خرين د لمركوب، بحال لكاميوات يقدرو يخدمو ب لهيدروجين. عاداد د شّركات لكبار ف ؤروپا، بحال ڤولڤو، فورد ؤ دايملر علنو بلي غادي ينقصو لبيع د لمركوب د دّييزيل باش ينتاقلو ل لهيدروجين، بشكل تدريجي تا يحبسو دّييزيل ف مرة ف 2040.[4]
لهيدروجين يقدر يتخدّم ف طّياب ؤ شّوفاج. لحوكومة لبريطانية مبلانية تدير ضيمو باش تبيّن كيفاش يقدر يتوزّع ؤ يتخدّم لهيدروجين ف بزاف د دّيور د سّكنى.[5]
ل حد 2021، لمارشي لعالمي د لهيدروجين تقدّر ب 897,5 مليون دولار ميريكاني، ؤ يقدر يوصل ل 2,5 مليار دولار ف 2028،[6] ؤ كيتوقّع بلي غادي يوصل ل 300 مليار ف لقيمة د لمارشي د ليكسپور ف 2050، ؤ يخلق 400.000 منصب د لخدمة ف طّاقة لمتجددة ؤ لإنتاج د لهيدروجين.[7] لمقدار د لإنتاج د لهيدروجين لخضر داز من تقريبا والو ف 2019-2020، تال 121 ڭيڭاواط على مجموع د 136 پروجي ف نّص د 2021.[8]
ف إطار سّياسة طّاقية د لمغريب، من بين لأهداف لي باغي يوصل ليها هوّا تحقيق 52% د لحاجات طّاقية ديالو ب مصادر متجددة د طّاقة معا 2030. لإنتاج ديال لهيدروجين لخضر داخل حتا هوّا ف هاد لإطار. تّيفاقية لمغريبوألمانية د لهيدروجين لي تسنات ف يونيو 2020،[9] كاتنص بلي ألمانيا غادي تدعم لمغريب ف لبني ديال محطات د لإنتاج ديال لهيدروجين ب ستيعمال طّاقة شمسية. لقيمة د دّعم واصلة ل 300 مليون يورو. ولاكين باش يحقق إنتاج كافي د لهيدروجين لخضر، غادي يخص لمغريب يزيد بزاف ف لإنتاج د طّاقة شمسية سيرتو على ود تحلية د لما لمالح لي غادي يحتاج ليها على ود لما ديال لپروصي د ليليكطروليز. وخا لپوطونسييل ديالو كبير، ل حد 2019 لمغريب كان كينتج 30 مرة د طاقة شّمسية قل من ألمانيا.[10]
- ↑ "Will 'green hydrogen' live up to the hype, or is it all a load of hot air?". إي بي سي نيوز (ب Australian English). 22 يناير 2021. Archived from the original on 14 يونيو 2021. Retrieved 10 يناير 2022.
- ↑ ڭارسيا, سييرا (16 ماي 2021). "What Will Green Hydrogen Mean for International Relations?". دجيسطور (ب American English). Archived from the original on 19 ماي 2021. Retrieved 10 يناير 2022.
- ↑ "Hydrogen production by biogas steam reforming: A technical, economic and ecological analysis". دجنبر 2013. doi:10.1016/j.rser.2013.07.060.
{{cite journal}}: Cite journal requires|journal=(معاونة); Unknown parameter|authors=ignored (معاونة) - ↑ Morgan, Sam (15 يناير 2020). "Europe's truck giants to ditch diesel, as hydrogen's benefits come to fore". Euractiv (ب الإنجليزية). Archived from the original on 14 فبراير 2021. Retrieved 11 يناير 2021.
- ↑ "The Ten Point Plan for a Green Industrial Revolution". لحوكومة لبريطانية (ب الإنجليزية). 18 نونبر 2020. Archived from the original on 2023-10-05. Retrieved 2022-01-11.
- ↑ "Green Hydrogen Market Size to Reach USD 2,565.7 Million in 2028". prnewswire (ب الإنجليزية). 8 دجنبر 2021. Archived from the original on 2022-01-15. Retrieved 2022-01-11.
- ↑ "The dawn of green hydrogen, Maintaining the GCC's edge in a decarbonized world" (PDF). 2020. Archived (PDF) from the original on 2022-12-15. Retrieved 2022-01-11.
- ↑ Battersby, Amanda (24 ماي 2021). "Green hydrogen's share of global H2 market could jump to 10% by 2030: Fitch Solutions | Upstream Online" (ب الإنجليزية). Archived from the original on 3 يونيو 2021. Retrieved 11 يناير 2022.
- ↑ "Bundesregierung unterzeichnet Wasserstoff-Abkommen mit Marokko" (ب الألمانية). Archived from the original on 2023-08-21. Retrieved 2022-01-11.
- ↑ "Green hydrogen from Morocco – no magic bullet for Europe's climate neutrality" (ب الإنجليزية). 9 فبراير 2021. Archived from the original on 2023-10-10. Retrieved 2022-01-10.
