طاقة

بولا د لپلازما لي كاتستعمل طاقة تريسينتية باش تخلق پلازما، ضو، حرارة، حاراكة ؤ صوت خفيف

طاقة (ب نݣليزية Energy) ف لفيزيك هيّا لقدرة علا لخدمة، ؤلا ف تعريف أخور هيّا مقدار لّي كينتاقل ل شي كسدة باش يخليها تحرك ؤلا تزاد لحرارة ديالها. طاقة هيّا مقدار منحافض، ؤ مايمكنش ليها تّفنا ؤلا تّخلق من والو. لعبرة لعالمية ديال طّاقة هيّا لجول، ؤ كتساوي لمقدار ديال طّاقة لّي كتنتاقل ل جيسم فاش كيتحرك ب 1 ميترو ب فيعل قوة مطبقة عليه لمقدار ديالها 1 نيوتن.

طّاقة تقدر تاخد بزاف لشكال من بينهوم: كاينين نواع متنوعين ديال الطاقة لي منها الطاقة ديال لحرارة، كيمياوية، تريسينتية، نووية، كهرومغناطيسية. وطاقة ديال الحركة. هاد انواع ديال طاقة كيمكن تصنيف ديالها ف طاقة ديال الحركة ولّا طاقة كامنة، ف بعض لأحيان كيكونو بجوج مجموعين و كتقارا ف الديناميكا ديال الحرارة.

هاد نواع الطاقة كاملة كيمكن تحويل ديالها من طاقة لطاقة ب تخدام بعض لأدوات لبسيطة ولّا شي مرات ب تخدام تقنيات معقدة بحال مثلا من طاقة كيماوية لطاقة تريسينتية، ولّا من طاقة ديال لحرارة ل طاقة ميكانيكية.

عيون لكلام

تقدر تزيد شوف بزاف د تّصاور و لمعلومات ديال Energy ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.