هشام نوستيك
هشام نوستيك
| ||
 | ||
| معلومات عامة | ||
| زيادة | 1976 (49/50 عام) تازة | |
| لجنسية | لمغريب كانادا | |
| لحرفة | كاتب، يوتوبر، پودكاسطر و مونتيج | |
| لّوغات لي كيعرف | عربية، نڭليزية، لألمانية، الداريجة لمغريبية و لفرانساوية | |
| معلومات خرى | ||
| لأعمال |
| |
       | ||
هشام نوستيك (مزيود ف تازة ف 1976)[1][2] لّي مشهور بسمية كافر مغربي، و لّي سميتو لحقيقية يمكن تكون هشام بوليمان (على حساب بعض لمقالات صّحفية)[3] هو كاتب مغريبي و منتج محتوى ف إنترنيت عايش ف كندا. نوستيك معروف ب لبرامج ديالو (ولا لّي كاينتجها و يساهم فيها مع ناس خرين) لّي كاتشد ف لأديان. نوستيك كايعرف راسو على أنو لاأدري (أݣنوستيك) و ملحد ب لإلاه لإبراهيمي لّي كايتشاركو فيه لإسلام و لمسيحية و ليهودية. نوستيك ألف كتوبا ب دّاريجا[4] كاتعاود على سّيرة داتية ديالو و كيفاش تطورات لأفكار ديالو و لّي كايفصل فيها لمواقف ديالو على لأديان و لإسلام ب دّات.[5][6]
نوستيك خلاق ف تازة و دوز صغرو ف ضروف صعيبة. ماتو واليديه و هو صغير و تكلفات بيه ختو و راجلها، لّي رباوه مع ولادهوم ف قنيطرة. ف لمغريب كان نوستيك ف شّباب ديالو متأتر ب لحركات لإسلامية، و دخل مع منظمات بحال دّعوة و تّبليغ و لعدل و لإحسان. من بعد لباك هاجر ل ألمانيا و تما دخل مزيان ف لجماعات لإسلامية سّلفية و مشا بعيد ف أفكار لجهاد. جراتو ديك تّجربة تال لبوسنة ف تسعينات لّي كانت كاتعرف حرب أهلية. من بعد داتو ظّروف باش يدرس لأدب لألماني و من بعد لمسيحية، تما بدات مرحلة شّك عندو و لّي كملات ب أنو ولا لاأدري و بدا كايخدم ف إنتاج محتويات "كفرية" على حساب كيفاش كايسميها. هاد لإنتاجات ديالو لقات متابعة كبيرة ف لمغريب و دّول لهاضرة ب لعربية.
- مذكرات كافر مغربي. دار نشر توحيدي. 2019.
- حوار مع المسلم اللي ساكن فيا. دار نشر توحيدي. 2020.
- العدمية البراغماتية ؛ مفتاح السعادة. دار نشر توحيدي. 2022.[7]
- "حوارات هشام" - حوارات صحفية تايديرها مع شخصيات من لمغريب و من برا لمغريب كاتدوز ف يوتيوب و فايسبوك.
- "قبسات من حياة الأنبياء" - سلسلة تمثيلية ساخرة.
- "قبسات من حياة الرسول" - سلسلة تمثيلية ساخرة.
- مسلسلات صوتية ؤلا مصورة ساخرة ديال رمضان: "أهل الكهف" - "أحداث النهاية" - "مائدة الأنبياء".
- ↑ "هشام نوستيك يكشف سبب إلحاده ودوافع قناته "كافر مغربي" (حوار)". Archived from the original on 2023-06-14. Retrieved 2020-02-17.
- ↑ "دار التوحيدي للنشر، هشام نوستيك" (ب لعربية). Archived from the original on 2023-08-06. Retrieved 2021-03-16.
{{cite web}}: CS1 maint: unrecognized language (link) - ↑ "إلحاد (كافر مغربي) قناعة عقدية أم أزمة نفسية؟". 2018-08-15. Retrieved 2025-05-01.
- ↑ أحداث ثقافية "كافر مغربي" يصدر سيرته الذاتية بالدارجة المغربية
- ↑ ""كافر مغربي" يخرج من الإسلام ويدخل إلى "معرض الكتب" بالبيضاء". Archived from the original on 2020-02-17. Retrieved 2020-02-17.
- ↑ "كافر مغربي: هكذا تركت الإسلام.. وهذه قصة مذكراتي". Archived from the original on 2020-02-17. Retrieved 2020-02-17.
- ↑ "العدمية البراغماتية ؛ مفتاح السعادة" (ب العربية). 20 يناير 2022.
- سّيت رّسمي ديال هشام نوستيك مؤرشف 2021-05-13 فموقع وايباك ماشين