نور الدين صايل
نور الدين صايل
| ||
| ||
| معلومات عامة | ||
| زيادة | 1948 طانجا | |
| لموت | 14 دجنبر 2020 (71/72 عام) الدار البيضا | |
| طريقة دلموت | موتة طبيعية | |
| سباب لموت | كوڤيد-19 | |
| لجنسية | لمغريب | |
| لحرفة | صحافي، ناقد سينمائي، مانادجر و سيناريست | |
| لّوغات لي كيعرف | عربية | |
 
| ||
نور الدين الصايل (تزاد ف 1948، طنجة[1] - توفى ف 15 دجنبر 2020، الدار البيضا) كان مسؤول إعلامي وناقد فلمجال ديال السينيما وكاتب مغريبي.[2] ساهم فالتشجيع ديال السينيما فلمغريب لكتر من 40 عام.[3] خدا نور الدين صايل الديپلومات ديالو لكبار فلفلسفة وكانو عندو مساهمات كبار فلمجال دالسينيما. خدم فالتلفازة لمغريبية، ومن موراها مشا خدم فلقناة لفرانساوية د"كنال پلوس".
تزاد نور الدين الصايل فطنجة. كمل الليسي ديالو ف ليسي بن الخطيب فطنجة وخدا ديپلوم ديال الدراسات لعاليين فلفلسفة فكلية ذلآداب ديال الرباط. قرّا نور الدين الصايل لفلسفة فالليسي دمولاي يوسف فالرباط.[2] نشر نور الدين ف 1970 أول مجلة ديال السينيما فلمغريب من مورا ما تأتر فلحركة ديال السينيما التالتة، وسمّاها "سينيما-3".[4] هاد لمجلّة ماطولاتش بزاف، ولاكين خلّات مجلات وجرنانات كتار إيوليو إيكتبو على السينيما فلمغريب.[5] ف1973 أسس نور الدين الصايل لفيديرالية لوطنية دنوادي السينيما فلمغريب (FNCCM) وكان رئيس ديالها حتال 1983.[2] عاونات هاد لفيديرالية باش تأسس مهرجان السينيما لأفريقية فخريبݣة.[5]
كان نور الدين الصايل مابين 1975 حتال 1984 مفتّيش عام ديال التربية لفلسفية. ومن 1984 حتال 1986 كان مدير ديال لبراميج ف لقناة اللولة. من 1989 حتال 1990 خدم مستشار سمعي بصري فݣروپ أونا، ومن 1990 حتال 2000 مشا لفرانسا وولا مدير عام ومدير ديال لبرامج ف"كنال هورايزونز".[2]
ولا نور الدين الصايل من 2000 مدير ديال دوزيم، ودار بلان باش يزيد لإنتاج لوطني ديال لأفلام دالتلفزة. أول إنتاج كان هو "لحوت لبيض"، اللي كان أول فيلم بوليسي فلمغريب. ف2002 ولات لقناة كاتنتج فيلم فالشهر، ومعا وصلات 2006 ولات دوزيم كاتخرّج جوج ديال لأفلام فالشهر.[6] من 2003 حتال 2014 كان نور الدين مدير ديال لمركز السينيمائي دلمغريب (CCM).[3] ومن 2015 حتال 2020 خدم عند EUROPA CINEMAS فباريز. مات نور الدين الصايل ف15 دجنبر 2020 بسباب لمضاعفات ديال لمرض د كوڤيد-19 اللي جات ب جايحة فيروس كورونا 2020 ف لمغريب[7]، مات السيد فالصبيطار دالشيخ زايد فالرباط.
- السفر لكبير (إخراج محمد عبد الرحمان التازي)، 1981
- باديس (إخراج محمد عبد الرحمان التازي)، 1990
- للا حبّي (إخراج محمد عبد الرحمان التازي)، 1996
- L'Ombre du Chroniqueur
- ^ http://www.maghrebdesfilms.fr/hommage-a-noureddine-sail-1097.html
- ^ a b c d Aomar Boum؛ Thomas K. Park (2016). "Sail, Nour-Eddine (1948–)". Historical Dictionary of Morocco. Rowman & Littlefield Publishers. ص. 435. ردمك 978-1-4422-6297-3. مأرشيڤي من لأصل ف 2023-05-18. تطّالع عليه ب تاريخ 2021-02-15.
- ^ a b Marie Pierre-Bouthier, Hommage à Noureddine Saïl, Maghreb des Films 2015. Accessed 25 November 2019.
- ^ Ferid Boughedir, 'Dans le monde arabe et en Afrique: «une convergence assez nette...»', in Guy Hennebelle, L'impact du troisième cinéma, Revue Tiers Monde, Vol. 79 (1979), pp.638-641.
- ^ a b Sandra Gayle Carter (2009). What Moroccan Cinema?: A Historical and Critical Study, 1956D2006. Lexington Books. pp. 96, 121, 127, 130. ردمك 978-0-7391-3187-9. مأرشيڤي من لأصل ف 2022-09-22. تطّالع عليه ب تاريخ 2021-02-15.
- ^ Jonathan Smolin (2013). Moroccan Noir: Police, Crime, and Politics in Popular Culture. Indiana University Press. ص. 127. ردمك 978-0-253-01073-5.
- ^ https://web.archive.org/web/20201216063122/https://www.medias24.com/noureddine-sail-emporte-par-la-covid-15137.html. مأرشيڤي من لأصل ف 16 December 2020. تطّالع عليه ب تاريخ 15 February 2021. Missing or empty
|title=(معاونة)