خريبݣة

خريبݣة
‫خريبكة‬ (ar) ⵅⵯⵔⵉⴱⴳⴰ (tzm)
لبلاصة
لبلاد	لمغريب
لإقليم	إقليم خريبݣة
السكان
شحال دالسكان	191,807 (2024)
شحال دلفاميلات	49,840 (2024)
لجغرافيا
لميساحة	52 كم²
لعلو	786 م
خط الطول بـ °	-6.91108704
خط لعرض بـ °	32.87612718
معلومات خرين
كود د لبوصطة	25002
الرمز لجغرافي	2544248
لخريطة

خريبݣة هي مدينة مغربية جات فلوسط ديال لنص لشمالي للمملكة وهي لعاصمة ديال إقليم خريبكة لي تابع لجهة بني ملال خنيفرة. جات خريبكة على بعد حوالي 99 كلم من بني ملال، و39 كلم من بن أحمد، و60 كلم من سطات، و34 كلم من وادي زم، و120 كلم من لدار لبيضا و154 كلم من الرباط، وكتر من 200 كلم من مراكش. كيوصل عدد لسكان ديالها ل 455.563 نسمة على حساب لإحصاء لعام للسكان ولسكنى ديال سنة 2024. لمدينة كيرجع لفضل فلكبر ولأهمية ديالها للوجود ديال رواج لفوسفاط لي حداها.

تعليم

• نسبة لأمية (نّاس لّي ما كايعرفوش يقراو ولا يكتبو) : 20%

  

  محطة تران بمدينة خريبݣة

• نسبة سّكان لّي قاريين فوق الليسي (ليسي و جامعة): 25,2%

لبنيات لتحتية ديال قطاع التعليم فخريبكة:

لإقليم فيه 174 مؤسسة تعليمية، منها 16 مؤسسة فالقطاع لخاص و158 مؤسسة فالقطاع لعام، لي كيستافدو منها 103.696 تلميذ وكيأطرهم 4.793 مدرس، بلإضافة لمركز نموذجي لتكوين لمعلمين.

لتكوين لمهني:

إقليم خريبكة فيه 64 مؤسسة ديال التكوين لمهني بطاقة استيعابية كتوصل ل 3762 مقعد بيداغوجي، منها 45 مؤسسة فالقطاع لخاص و19 مؤسسة فالقطاع لعمومي، وهاد للخرة فيها:

• 8 ديال لمؤسسات تابعة لمكتب التكوين لمهني وإنعاش الشغل.

• مؤسسة وحدة تابعة لقطاع لفلاحة.

• 5 ديال لمؤسسات تابعة لقطاع الشبيبة والرياضة (دور الشباب).

• 3 ديال لمؤسسات تابعة للصناعة التقليدية.

• جوج مؤسسات تابعين لقطاع المقاومة. (لمصدر: مكتب لتكوين لمهني).

لسكان

لعام	1982	1994	2004	2014	2024
لعدد ديال السكان	127.181	152.090	166.397	196.196	195.931

السكان لي جاو فلغالب فالنص التاني ديال لقرن 20 من لبلايص لي دايرة بلمدينة، لأصل ديالهم أمازيغ فكتير من للأحوال. ولكن لهضرة لي جارية فلغالب هي الدارجة لمغربية.

قتيصاد

• نسبة نّاس نّشيطين (لّي يقدرو يخدمو): 43,7%
• نسبة لبطالة (نّاس لّي ما خدامينش و تايقلبو على خدمة): 26,7%
• نسبة نّاس اللي خدامين ف دّولة : 26,3%
• نسبة نّاس اللي خدامين ف لپريڤي:34,9%

• فلفيافي ولفيلاجات لي دايرة بلمدينة، كتدار لفلاحة بشكل كبير؛ فلوقت لي لكسيبة ديال لبهايم (لغنم، لمعز، الدجاج) ولى قليل بزاف.لمدينة براسها كتلعب دور لمركز لجهوي ديال لحرف، لبيع و الشرا ،وفيها مراكز لتعليم ولصحة لي مهمة للجهة. ومن الستينات، تبدا الجبيد ديال لفوسفاط فالجوايه ديال لمدينة وكيتم التركيز ديالو باش يولي انڭري؛ حوالي 95% من هاد سماد لي مطلوب فلعالم كلو كيتصيفط فلغالب بالتران للمرسى ديال الجرف لأصفر وتماك كيتحمل ف لبابورات( لباطوات).

مصادر

ويكيميديا كومنز عندا تصاور و معلومات على خريبݣة.

هادي زريعة ديال مقالة خاصها تّوسع. تقدر تشارك ف لكتبة ديالها.