التطور
التطور ف لبيولوجيا هوّا تغيير تدريجي ف لخاصيات لوراتية من جيل ل جيل لي كاتدوز على طريق الدنا ؤلا لحمض النووي. دوك لخاصيات كيكونو تعبير على جينات لي كيدوزو من لواليدين ل وليداتهوم على طريق التكاتر. نّضرية د تّطور (ب نݣليزية : Theory of Evolution) هي نّضرية لعلمية لي كتشرح التبديلات لوراتية لي كتوقع ف واحد مجموعة ديال لكائنات ف بزاف ديال جّيال ف واحد لمدة كبيرة.[1]
التنوعات ديال الجينات كاتطرا بسباب الطفرات (تبدال صغير ف شي جين) ؤ لمعاودة د التركيب لجيني. التطور كيطرا ملي شي ميكانيزم بحال النتيخاب الطبيعي ؤلا التكحاز لجيني كيسلّط ضغط نتيخابي على لجينات و تنويعاتها، بحيت لجينات لي "مزيانين" (على ود لحياة و التكاتر) كيستامرو، و لجينات "لخايبين" (لي متلا كيقدرو يسببو لموت د لكائن، ؤلا كيضعّفو لفرصة ديالو باش يعيش ؤلا يتكاتر) كيتحيّدو ؤلا كاتنقص النسبة ديالهوم ف لمجموعة. ميتال على هادشي هوّا يلا جا شي مرض ضرب مجموعة د الناس، و كانو بعض لأفراد عندهوم مناعة طبيعية منو، هاد لأفراد غادي تكون عندهوم فرصة كبر باش يعيشو و يدوّزو لمناعة ديالهوم، و بالتالي هاد لمناعة لوراتية غادي تنتاقل و تنتاشر بين لأفراد د لأجيال لماجية.
جميع شكال لحياة ف لأرض عندها جد شامل لخراني (نوع بيولوجي كيمتّل مجموعة د لكائنات لي كينحادرو منها جميع لكائنات لحية لي كاينة دابا) لي عاش هادي 3,5 ل 3,8 مليار عام. السيجيل د لفوصيلات كيعطي فكرة مزيانة على النواع لحية لي بانو و غبرو من داك لوقت، من لحصاير لميكروبية، تال لفوصيلات ديال لكائنات متعددة السيلولات.
لبيولوجيا التطورية هوّا مجال لي كيدرس التطور بشكل مباشر، بوضع فرضيات، و التجريب ديالها باش تّتبت ؤلا تّنفا. ليوم بزاف د لخدمة على التطور كايدخلو فيها موضيلات د لماط، ف إطار لبيولوجيا لماطية و النضرية. لكتيشافات ديال لبيولوجيا التطورية عندهوم تأتير ماشي غير على لبيولوجيا، مي تا على الزراعة، الطب و تاحاسوبيت.
تّنواع[بدل | بدل لكود]
تّنواع (ب نݣليزية : Genitic diversity) كيعني ب لخصوص درجة ديال تنواع ديال شي جين فشي نوع (حيوان ولا نبات).
يمكن نميزو عموما بين جوج نواع د تّنواع هما تنواع ضاهري وتنواع لجيني.
طفرة[بدل | بدل لكود]
طفرة (ب نݣليزية : mutation) هي شي تبديلات كيوقعو ف DNA ديال جينوم ديال شي سيلول. فاش كتوقع طّفرة تقدر ما يكون عندها حتا شي تاتير، ولا تقدر دير تاتير كبير، ولا تقدر توقف لجين لي هي وقعات فيه.
طفرات كتصنف ل تلاتة، طفرات كضر، طفرات مامسوقاش و طفرات نافعة.
كيوقعو طفرات ف بزاف دالمرات ب ضوبلاج ديال الكروموزم، هادشي كينتج عليه زيادة ديال شي جين ولا بارتيات منو.
لميكانزمات[بدل | بدل لكود]
من جهة داروينية جّديدة (ب نݣليزية : Neo-Darwinism) ، تطور كيخدم فاش كيتبدل تعاويد لحليلات فشي كروب كيكونو فيه نّواع كتوالدو، لميكانزيمات لي كتخلي تعاويد لحليلات يتبدل هي : انتخاب طبيعي، انحراف لوراثي، لمرافكة لجينية، طفرات، و لفلو د لجينات.
انتخاب طبيعي (ب لونغلي : Natural selection) هو لميكانزيم لي كايخلي طفرات لي كتنفع هي لي تكون باينة اكثر ف جيال لي كتجي من بعد، كيتوصف هاد لميكانزم علا انو منطقي حيث هو اصلا كيوقف علا تلات حقايق لي ساهلة :
- خاص يكون شي تنوع قادر علا انه يتورت في كل كروب.
- لعدد ديال نسل لي كايتولد كتر من داكشي لي غايقدر يعيش ويتوالد.
- كاينات ديال نفس لكروب كايكون عندهم فرص مختالفة ديال نجاة.
هاد ظروف كتخلق واحد تنافس فوسط لكروب كتخلي كاينات لي عندها الافضلية هي لي دوز وتوالد وتعطي لجينات ديالها لي جيل لي جاي.
انحراف وراثي
انحراف لوراثي (ب لونغلي : genitic drift) هو تبدال تعاويد لحليلات بشكل عشوائي من جيل لاخر.
لمرافكة لجينية
هو لميكانزيم لي كتخلي تعاويد شي حليل يكتار غا حيت ارتبط مع حليل اخر لي كايعونو انتخاب طبيعي.
لفلو دلجينات
ف لوراتة لفلو دلجينات (ب لونكلي : flow genitic) هو فاش كيتنقل جين ولا حليل من كروب لشي كروب اخر.
عيون لكلام[بدل | بدل لكود]
http://nationalacademies.org/evolution/
https://www.nsf.gov/news/special_reports/darwin/textonly/index.jsp
http://humanorigins.si.edu/evidence/human-evolution-timeline-interactive
|
تقدر تزيد شوف بزاف د تّصاور و لمعلومات ديال Evolution ف ويكيميديا كومنز. |