انتقل إلى المحتوى

نتيخاب طبيعي

من ويكيپيديا
رسمة كاتبيّن الطفرات لوراتية و لإنتخاب الطبيعي. الطفرات لي "مامزيانينش" (كايضرّو لقدرة ديال لكائن باش يعيش و يتكاتر) كيختافيو، و الطفرات "لمزيانين" (لي كايعاونو لكائن باش يعيش و يتكاتر) كيستامرو و كيدوزو ل لأجيال الجاية

النتيخاب الطّبيعيلونݣلي : Natural selection) هو واحد لعملية ماشي عشوائية، فيها كيتزاد ؤلا كيقل التعاويد د الصفات ؤلا ميزات معينة ف شي ݣروپ سكاني فاش كيوقع تكاثر متنوع (كيتولدو أفراد مختالفين من حيت الصفات)، هو من بين أهم لميكانزمات ديال تطور.[1]

التنوع ديما مضمون بفضل الطفرات لعشوائية لي كدير تغيرات ف الجينوم ديال لكاينات لحية، هاد الطفرات تقدر تورث ل الجيال الجاية، هاد الجينوم لي كيثورت كيتفاعل مع بيئة لي عايش فيها كل كائن، يقدر يكونو شي أفراد عندهم صيفات متميزة كتخليهم كيقدرو على لعيش ؤ التوالد كثر من أفراد خرة، هادشي علاش كيتطور لݣروپ.

لعوامل لي كتأثر علا النجاح د التوالد حتا هي مهمة، هاد لفيكرة طورها تشارلز داروين ؤ سماها ب النتيخاب الجنسي، النتيخاب الطبيعي كيخدم علا نمط لي باين، يعني صيفات لي كتبان ف لكائن، مثلا لكاينات لي كتجري مزيان ؤلا لي صحيحة عندها فرصة كبيرة باش تعيش، ؤ تدوّز هاد نمط لي باين، ؤ مع لوقت يقدر هاد تغييرات تخلق ݣروبات متخصصة ف شي بيئة، ؤ ف اللخر يبانو نواع جديدة، النتيخاب الطبيعي هو لي كيخلي ݣروبات تتطور، هو مختالف على النتيخاب لإصطناعي، لي بنادم هو لي كيدير لخدمة ديال الطبيعة ؤ كيغربل صيفات لي بغا ؤ يخليها دوز ل الجيال لي جاية (متلا ف لبهايم و لكلاب).

Wikimedia Commons تقدر تزيد شوف بزاف د تّصاور و لمعلومات ديال Natural selection ف ويكيميديا كومنز.

مصادر

[بدل | بدل لكود]
  1. ^ "Britannica, natural selection". تطّالع عليه ب تاريخ 2025-01-23.
هادي زريعة ديال مقالة خاصها تّوسع. تقدر تشارك ف لكتبة ديالها.