موركاب مولاي عبد الله

	موركاب مولاي عبد الله
الرياضة	كورة و أطليتيزم
لمدينة	الرباط، MA لمغريب
شحال كيهز	53.300
بدا كيتبنى فـ	1978
تحل فـ	29 شهر 1، 1983
لمالك	الرباط
لفراقي	الجيش الملكي و لمنتخب لوطني لمغريبي
تجدد فـ	2000 و 2014

لموركاب الرياضي مولاي عبد الله هو مركب متعدد الرياضات تدشن نهار 29 شهر 1، 1983. التيران كان ف جنوب غرب مدينة الرباط و قريب من لوطوروت. هاد لموركاب كان كيتبع للوكالة لحضرية ديال الرباط و كان كيمتل معقل ديال فرقة ديال الجيش الملكي و لمنتخب لوطني لمغريبي. كان كيهز هاد التيران 53.000 متفريج ما بينها 10.000 بلاصة مغطية.

ف غشت 2023، تهدّم باش يتّبنى بلاصتو تيران لأمير مولاي عبد الله لي التيران لمرافق ليه ستاضف كاس إفريقيا د لكورة د لعيالات 2024، و معوّل باش يستاضف ماتشات ف كاس إفريقيا 2025 و كاس لعالم 2030.^[2]^[3]^[4]

لمميزات ديال التيران

لمرافيق

لموركاب فيه تيران ديال لكورة و قاعة مغطية ديال 10.000 متفريج، پيسين و قاعة ديال الرياضة. هاد الصطاد هو لكبير ݣاع ف لمغريب، داكشي لاش كيتلعبو فيه بزاف ديال لميتشان ديال لمنتخاب لوطني. ف لمجمل كيهز الصطاد 68.000 بلاصة مرقمة ب لكراسة، ما بينها 30.000 مغطية، 1.500 للـVIP و الشخصيات الرفيعة، 5.000 للصحافة و 500 لذوي لحتياجات لخاصة.

لإعلام

بنسبة للمرافيق ديال لإعلام، لموركاب فيه:

قاعة ديال الصحافة فيها 600m² وبزاف دلغرف تكميلية.
قاعة ليستيجوابات مع الدخلة فيها 30m².
منطقة مخلطة فالصطاد فيها 600m².

لكورة

كاس لعالم للأندية فيفا 2014:
- المغرب التطواني 3 - 4 (پيلانتيات) أوكلاند سيتي، ماتش ديال التصفية نهار 10 شهر 12، 2014.
- وفاق سطيف 0 - 1 أوكلاند سيتي، أول ماتش فالربوع نهار 13 شهر 12، 2014.
- كروز أزول 3 - 1 (شوط زايد) ويسترن سيدني واندررز، تاني ماتش فالربوع نهار 13 شهر 12، 2014.
كاس لعرش 2017 ف لمغريب:
- الرجاء البيضاوي 1 - 1 الدفاع الحسني الجديدي، لفينال نهار 18 شهر 11، 2017.