السلام. كلمة فوشيݣي بالجاپونية كاتنطق فشيݣي حرف ل u لي فيها كايوقع ليه ( vowel reduction) وش خصنا نكتبو الأسماء كيف مكتوبين ولا كيف كايتنطقو؟ سنوببي (مداكرة) 18:42، 18 يونيو 2024 (+01)[ردّ]
@سنوببي متافق معاك، غير هوّ يقدرو يكونو ختيلافات على حساب اللكنات و لمناطق، فا يمكن حسن نكتبو لكلمة ب لحروف د لعربية بحال كيما كيديرو ف الرومادجي fushigi فوشيڭي ماشي fshigi فشيڭي باش نخرجو من باب واسع. غادي يخصنا نيت نقادو شي صفحة ديال النطقان و لكتابة د الجاپونية بحال هادي لي كاينة ف ويكيپيديا النڭليزية. Ideophagous (مداكرة) 18:57، 18 يونيو 2024 (+01)[ردّ]
أوكي فهمت. كاين حتى واحد لحاجة اخرى، فيما يخص (long vowels) و (short vowels) و لارتيباك ما بين u و o و زيد i و e. وش خصهوم يتكتبو ب شكل محدد من أجل النطق الصحيح، ولا هانية يكون حرف الواو متلا كايمتل u و o و (long vowel) بحال ū و ō سنوببي (مداكرة) 00:14، 19 يونيو 2024 (+01)[ردّ]
@سنوببي بشكل عام لقاعدة باش كانخدم هيّ u و i كايتلاقاو معا لحروف لمرققين، و o و e كايتلاقاو معا لحروف لمفخمين. متلا طوريياما = Toriyama، توريياما = Turiyama، سيكو = Siku/Siko، صيكو = Seko/Seku، طوشيبا = Toshiba، توشيبا = Tushiba. هاد لقاعدة ماكاتخدمش ديما، حيت كاينين حروف ماعندناش كتابة مرققة و مفخمة ديالهوم بشكل معزول، وخا يقدرو يتنطقو بشكل مرقق ؤلا مفخم على حساب لحالة بحال الرا، الزاي، لبا، اللام، لميم... كاينة واحد اللعيبة بحال شرطة كانزيدها شي مرات تحت لحرف باش نردّو مفخم (متلا مـ مرققة بحال ف كلمة نمّي = كبّر، مـٖ مفخّمة بحال ف كلمة نمـّٖي = جلدة لي كاتحيد ف لختانة)، ولايني هاد الرشمة ماكايناش ف أي كلاڤيي، كانلقاها غير ف هادا. Ideophagous (مداكرة) 19:20، 19 يونيو 2024 (+01)[ردّ]
