مداكرة:لامسالية

مامساليش vs لامسالية

سلام خاي @Achraf112:. مامتافقش معا لختيار ديالك، حيت خاصنا موقابيل لي يكون سمية ماشي فيعل مصرّف. زيد عليها "مامساليش" عندما معنى أخور "ماعنديش لوقت". "لامسالية" طرجامة موباشيرة د "لانهاية"، سمية ماشي فيعل، ؤ ماعندها تا شي معنى أخور ف دّاريجة باش يطرا لتيباس ف لمعنى. ؤ شنو غادي نڭولو متلا ل شي دالة عندها ليميت ف "لانهاية"، "دالة غادية ل مامساليش"؟-- Ideophagous (مداكرة) 09:37، 14 نونبر 2022 (+01)

غانبدا من السؤال اللخراني

ممساليش ؤلا لممساليش (بلا ألف بين الميمات) كامل كلمة سمية ماشي فعل

لادجيكتيف ديالو هو مامساليش ؤلا مامسالياش ؤلا مامسالينش ؤلا مامسالياتش

كاتعني Infinit ب النݣليزية

بدلتها حيت جاتني حسن من لامسالية للي ماعندهاش أدجيكتيف

ؤشخصيا جاتني معنكشة

المهم: هادا كان اجتهاد ؤ صافي

ادا ما تافقتيش ممكن ترجع كيفما كانت ؤلا نديرو طيسك عند الكومينوطي ؤ نشوفو شكون للي انتويتيف ؤلا بجوج كا اقتراحات

بالنسبة للخلط مع ما مساليش (يعني مشغول) فا راه ساهل تفرق بينهم بالكونطيكس ؤ بالكتابة (وحدة مفرقة ؤ وحدة مجموعة ؤ ف حالة السمية ما كاينش الاليف ) Achraf112 (مداكرة) 10:39، 14 نونبر 2022 (+01)

هممم، ماجانيش شي تخدام ديال كلمة بحال هادا قبل ف دّاريجة. ماڭلتش بلي مانقدروش نختارعو شي حاجة جديدة، ولاكين كانضن عندنا إمكانيات خرة لي حسن. نديرو ڭاع فينية = منتاهية، كاتسالا، ضد لافينية = مامنتاهياش، ماكاتسالاش، لانهاية، ؤلا نخليو "لانهاية" نيت د لعربية. و متافق معاك بلي "لامسالية" معنكشة شوية، ولاكين نّعت لمشتق منها ساهل (وخا تاهوا معنكش كتر هه) "لامسالياوي". لموهيم تا يلا ماتافقناش نقدرو نشوفو رّأي ديال دّراري لخرين، ؤ نديرو ڤوط ف لّخر. Ideophagous (مداكرة) 11:51، 14 نونبر 2022 (+01)

شنو باليكم أ شباب @Ideophagous و Achraf112: نخدمو كلمة لانفيني ولا غير أنفيني. جاتني كلمة مخدمة بزاف ؤمزيان نخليوها ماحد لمعنى ديالها باين ؤ معروف. Reda benkhadra (مداكرة) 12:21، 14 نونبر 2022 (+01)

تا أنفيني مزيانة بشكل عام، غي شنو نديرو ب نّسبة ل نّعت ؤلا لوصف "أنفيني، أنفينية" = infinite؟ ؤلا نبسّطوها ل "فيني"، "فينية"؟-- Ideophagous (مداكرة) 12:56، 14 نونبر 2022 (+01)

@Ideophagous: تبازيت على لكلمة ب لفرانساوية لي مخدمين لادجيكتيف ؤ هي لي شايعة ف لهضرة ف داريجة باش نعبرو على هاد لمفهوم. نقدرو حتا حنا نخدمو أنفيني كا سمية ؤ وصف. Reda benkhadra (مداكرة) 10:26، 15 نونبر 2022 (+01)

سلام أ دّراري @Achraf112 و Reda benkhadra:. كانقتارح باش نرجعو ل لكلمة ب لعربية "لانهاية"، و لوصف ديالها "لانهائي"، تا يكون بديل حسن.-- Ideophagous (مداكرة) 08:12، 15 نونبر 2022 (+01)

لقتيراحات لي تدارو ل حد سّاعة:

نص التعليق

قتيراح	ب تعريف	صيفة/أدجيكتيف	جمع
مامساليش	لمامساليش	مامساليش/مامسالياش/مامسالينش	مامسالينش؟
أنفيني	لانفيني	أنفيني	أنفينيات
لانهاية	اللانهاية/لّانهاية	لانهائي(ة)	لانهايات
لامسالية	اللامسالية/لّامسالية	لامسالياوي(ة)	لامساليات

شنو بان ليكوم نديرو ڤوط على هاد لختيارات، ؤلا باقي عندكوم شي قتيراح أخور؟ --Ideophagous (مداكرة) 20:47، 15 نونبر 2022 (+01)

أنا بدلت الراي ديالي

وليت مع لامسالية Achraf112 (مداكرة) 09:37، 17 نونبر 2022 (+01)

ردّيتها لامسالية حتى إشعار آخر. يلا جا قتيراح حسن من بعد، ماغايكون تا موشكيل باش نتحوّلو ليه. لي عندو عتيراض على "لامسالية" يقدر يحل ڤوط. Ideophagous (مداكرة) 10:02، 24 نونبر 2022 (+01)