سلام خاي @Ideophagous: عندي واحد لقتيراح شوف واش يجيك مزيان ولا لا : كريپطو=قفل ، عوملة(معربة بزاف)=صولدي(عملة دهبية بيزنطية، كلمة مداولة فالداريجة) . و نقولو "صولدي مقفول"،ونشرحو لؤصول فلمقال. ماعرفتش واش هاد لفكرة غاتكون مزيانة ولالا مهم هادا غير قتيراح ... OussamaOuh (نقاش) 23:35، 4 غشت 2021 (+01)[ردّ]
سلام خاي @OussamaOuh:. لمفهوم ديال "كريپطاج" ديجا مخدمينو نّاس د لانفورماتيك، ؤ عندو معنى دقيق علا "قفل". يلا ڭلت "فيشيي مقفول"، يقدر يكون مديور عليه مودپاس (كلمة د دّخول)، ولاكين ماشي مكريپطي. "صولدي" جاتني كلمة مزيانة وخا ماشي متيقن من لمعنى لأصلي ديالها. علا لعموم، ماشي موشكيل يلا كانت كلمة معربة، يلا كاتعطي لمعنى هوا هاداك ؤ ماكاينش ماحسن منها. لموشكيل هوّا تّحياد ديال كلمات داريجية قديمة ؤ تعويضها ب كلمات د لعربية ؤ لفرانساوية، بحال كون درنا "سينجاب" بلاصت "كبور".
لقتيراح ديالي هوا نزيدو "كريپطوصولدي" ف لبدية، ولاكين بلا تبديل د لعنوان. نفس لبلان ب نّسبة ل لمقال د "عوملة" فاش يتدار، حتا نتيقنو بلي "صولدي" كلمة مناسبة (ماغاديش تدير تالافا ف لفهامة سيرتو). يلا بانتت ليك شي حاجة خرة مرحبا. -- Ideophagous (نقاش) 07:22، 5 غشت 2021 (+01)[ردّ]
@Ideophagous: مهم هاهوا التعريف ديال صولدي "وتقول المصادر التارييخية في أصل كلمة صولدي أن الإمبراطورية البيزنطية كانت الدولة الوحيدة التي تصدر العملة الذهبية وهي المعروفة باسم “الصولدي”."OussamaOuh (نقاش) 15:59، 5 غشت 2021 (+01)[ردّ]
سلام خاي @OussamaOuh:. ضونك ماشي مصطلح مخدمينو لمغاربة ديجا. كاين لمصطلح ديال "صولد" فاش كايكون شي منتوج ب تامان مخفض، سيرتو لحوايج، ضونك لمفهوم ماشي بعيد علا داكشي لي عندو علاقة معا لفلوس. ف نفس لوقت يقدر يكون شي مصطلح قديم كيقابل "عوملة" كانو كيخدموه لمغاربة. غادي نزيد "كريپطوصولدي" كا قتيراح ف لبدية د لارتيكل، مي يلا لقينا مصطلح مناسب كتر لي كان ديجا مستعمل، حسن نحيدوها. -- Ideophagous (نقاش) 20:13، 5 غشت 2021 (+01)[ردّ]
@Ideophagous:، كايبان ليا إيلا صولدي عطيناه حتا لمعنة ديال عوملة راه حاجة مزيانة، أصلا لفلوس بلمعنة ديال "مال" راه جات من واحد لعوملة سميتها "فلس" ، يعني التحويل ديال شي كلمة باش تعني كلمة خرة شايع فالداريجة ونقدرو نديروه ونفسرو علاش. أما واش كاين شي كلمة كايعنيو بيها عوملة فالداريجة ماكانضنش واش نلقاوها سينو صعيب ولايني غانزيد نقلب. تحياتي OussamaOuh (نقاش) 00:28، 6 غشت 2021 (+01)[ردّ]
