انتقل إلى المحتوى

مداكرة:فرقة لهناوات

محتويات الصفحة غير مدعومة بلغات أخرى.
من ويكيپيديا

مصدر؟[بدل لكود]

سلام معشر لكتاتبيا @Reda benkhadra @Anass Sedrati @Mounir Neddi @Mico2022 @Yosh cvd. شي حد عندو شي مصدر كيهضر على هاد لفرقة د لكوميديا و لمزيكة؟ وخا يكون جورنال قديم متلاً. حيت وخا كانو معروفين قبل و كاينين بزاف د لڤيديوات د يوتيوب د لكوميديا و لأغاني ديالهوم، مالقيت تا شي مقال صحافي ؤلا أي حاجة تقدر تّزاد ل ويكيپيديا عليهوم. Ideophagous (مداكرة) 21:17، 26 أكتوبر 2023 (+01)[ردّ]

السلام Ideophagous. قلّبت شويا، لقيت واحد بوسط ف فيسبوك، ولكن مايمكنش يكون مصدر، و فيديو يوتيوب، ولكن تا هي ماعرفت واش نحسبوها مصدر ولا لا (هو أقرب حاجة لمصدر). من غير داكشي را ماكاين تا شي صحافي هضر عليهم للأسف واخا كانو معروفين بزاف. -- Anass Sedrati (مداكرة) 11:56، 28 أكتوبر 2023 (+01)[ردّ]
سلام خاي @Ideophagous: لقيت واحد جورنال إليكتروني كتب عليهم مقال صغير، ممكن تزيدو ف عيون لكلام. Reda benkhadra (مداكرة) 17:54، 28 أكتوبر 2023 (+01)[ردّ]
@Anass Sedrati@Reda benkhadra شكرا، راني زدت لمقال لي حط رضا، و شي معلومات منو. زدت تا الليان د يوتيوب لي حط أناس. كانضن يلا كانت قناة رسمية ماشي موشكيل يلا خدمنا يوتيوب، سيرتو يلا ماكان تا مصدر أخور. يلا لقينا شي كتاب ؤلا جورنال غادي يكون مزيان، باش نيت نصوروه ؤ نحطوه ؤنلاين و نزيدوه هنا كا مصدر. صراحة خاصنا شي حركة ديال لكوميديين و لفنانين لمغاربا، سيرتو لي تنساو ؤلا تهملو بحال لهناوات. Ideophagous (مداكرة) 12:28، 29 أكتوبر 2023 (+01)[ردّ]