سبتة و مليلية مدون مغربية محتلة من سپانيا[بدل لكود]
سبتة و مليلية مدون مغربية محتلة من سپانيا، لازم الاشارة أنهم مغربية و داياتهم سپانيا، ولا على الأقل نشيرو على أنهم مطالبين من طرف المغرب، أما ايلا قلنا أنهم مدن سبنيولية فراحنا ديجا نحازينا للطرح سبنيولي. Alitoar (مداكرة) 23:23، 22 يوليوز 2023 (+01)[ردّ]
مرحبا السي ◀ Alitoar. خاصنا نوصفو لوضع كيما كاين ف أغلب لمصادر لموتوقة لي كاينة، ماشي نديرو رأي شخصي. ل حد الساعة لمغريب ماطالبش ب سبتة و مليلية بشكل رسمي، و ماكاينش نزاع بين سپانيا و لمغريب على هاد لمدون. و راه نيت مدكور ف لمقال بلي "سبتة من بين لبلايص لقلال ف إفريقيا لي باقة تحت حتيلال سپنيولي ؤ ؤروپي" و "سبتة تاريخياً كاتّعتابر مدينة مغريبية". أشنو بغيتي أخور نزيدو؟ Ideophagous (مداكرة) 23:50، 22 يوليوز 2023 (+01)[ردّ]
هادشي لي كاين ف الحقيقة، سبتة و مليلية مدون مغربية محتلين من سپانيا، و المغرب ديما مطالب بيهم رسميا، و أخيرها كلام رئيس الحكومة المغربية اللخر سعد الدين العتماني، بلا ما نزيدو الأزمة الأخيرة السياسية لي كانت ما بين هاد زوج الدول لي تجبدات فيها سبتة و مليلية فأكتر من مرة من طرف سياسيين البلدان بزوج، بغينا غير نكتبو الحقيقة: "سبتة و مليلية حاكمتهم سپانيا و معتبرين محتلين من طرف المغرب و المغاربة". Alitoar (مداكرة) 00:09، 23 يوليوز 2023 (+01)[ردّ]
◀ Alitoar راه نيت داكشي لي مكتوب ف لمقال، غير نتا بغيتي تحطو ف الجملة اللولة و صافي. لمقالات د ويكيپيديا ف لعادة كيبداو ب تعريف بسيط و واقعي على قدر لإمكان د لموضوع، عاد كايبداو يدخلو ف التفاصيل. ماشي منطقية باش من اللول توصفهوم بلي مدون محتلين و لي غايقرا لمقال باقي مافاهمش لوضعية لقانونية و لإدارية ديالهوم. لحيادية هيّ توصف بعدا لموضوع على لأرض "مدينة مستاقلة تابعة ل سپانيا"، عاد تدوز ل قضية بلي محتلين و بلي لمغريب كان طالب بيهوم قبل و حاول يسترجعهوم. و تا الصحافة لعالمية راه ماكاتوصفهومش ب "مدون محتلة" (شوف متلا هاد لمقال ديال لبي بي سي)، يعني يلا درنا لمقال كامل من لمنضور لمغريبي مابقاتش حيادية هنا. هادشي ماكيمنعش بلي لمنضور لمغريبي خاصو يكون حاضر بقوة، حيت ف النڭليزية متلا مقصي بشكل غريب، سيرتو لمقدمة مادارينش فيها لمطالبة د لمغريب بيها. لحاصول، يلا بغيتي تزيد تفاصيل ف لمقال، تفضل معا راسك، غير ماكاتبانش ليا منطقية باش على الدخلة ف أول تعريف د لمدينة تڭول بلي راها محتلة. Ideophagous (مداكرة) 00:31، 23 يوليوز 2023 (+01)[ردّ]
