مداكرة:رب

هاد الصفحة صفحة د لمداكرة مخصصة للتحاور على رب.
يلا كان عندك سؤال محدّد على موضوع الصفحة، ماشي على الصفحة براسها، سير عافاك ل ويكيپيديا:مسوالات عامة. يلا كنتي باغي تناقش شي قضية متعلّقة ب ويكيپيديا ب راسها بشكل عام، سير عافاك ل ساحة الجماعة. عافاك ماتنساش تسني ملي تسالي كلّ تعليق كتبتيه ب زيادة ربعة د التيلدات `~~~~` لمواضيع الجداد د لمداكرة خاص يتزادو ديما ف اللخر د الصفحة د لمداكرة؛ كليكي هنا باش تبدا موضوع جديد.

الشوفات ليومية د الصفحة

فوقخلاوي vs فوقطبيعي[بدل لكود]

سلام خاي @OussamaOuh:. ماجاتنيش "فوقخلاوي" موقابيل مناسب ل "فوقطبيعي". كلمة "خلا" ب دّاريجة عندها معنى محدود ديال بلاصة واسعة ؤ خاوية، مي "طْبيعة/طابيعة" عندها تقريبا نفس لمعاني ديال Nature ب نّڭليزية. ب نّسبة ل لجمع ديال "رب" راه كانڭولو ربوبا ؤ ربايب، بجوج بيهوم صحاح، ولاكين ف لستيعمال لعادي "ربايب" هوا لي كتير. ماكنتيش تحيد "رّب د سپينوزا" حيت هادا تصور مختالف ديال رّبوبية. ؤ نهارك مبروك. -- Ideophagous (نقاش) 06:51، 2 غشت 2021 (+01)[ردّ]

سلام خاي @Ideophagous: ونهارك مبروك، على حد ماقشعت فالداريجة هيا لوغة فشكل يعني كلمة ديال "طْبيعة" فالدارجة كاتعني "attitude/instinct" صافي وماكانخدموهاش باش نمعنيو على الطابيعة (اللي كيبان ليا مصطلح معرب بزاف) لعكس ديال اللوغات لخرين اللي تقدر تهز دوك لمعاني بجوج، و المصطلح اللي كايبان ليا كايخدموه الناس باش يعنيو "Nature" هوا لخلا، "ماتمشيش لخلا راه يقدرو يدورو بيك لقطاطعيا"، "ديك الدار كاينا فلخلا".

ربايب متافق معاك باللي كاتخدم غير هوا حتا ربايب(جمع ربيب حتاهيا كاتخدم) الفرق بيناتهوم هوا الضغط(ماشي الشدة) على لبا، باش نتفاداو هاد لمشكل قلت آرا ندير "ربوبا"،غير هوا فلمڭابل غاتكون واحد لحاجة مزيانة للدارجة حيت هاد لميزة ماكايناش فلعربية :"ربايب" و "ربايب" جوج كلمات عندهوم نفس الشكل ولايني النطق مختالف.

رب ديال سپينوزا موهيم خاصو يتدكر ولايني فريي هاديك ماشي بلاصتو. OussamaOuh (نقاش) 11:38، 2 غشت 2021 (+01)[ردّ]

سلام خاي @OussamaOuh:. متافق معاك بلي كلمة "طابيعة" معربة بزاف، ولايني هيا أحسن مصطلح عندنا ل حد سّاعة ف رّيي. كلمة "خلا" من غير بلي ماكاتوصفش طّابيعة ب لمفهوم لعام (لغابات ؤ جّبال ؤ لحيوانات ؤ لعشوب ؤ كولشي داكشي لاخور لي عايش تماك، ؤ زيد ب مفهوم عام كتر حتا لكواكب ؤ لمجرات ؤ لكون كامل)، عندها معنى شوية قدحي حيت كاتّستعمل ف سّبان، بحال ف عيبارت "الله يخليك ب لخلا"، لي "لخلا" فيها كيوصف شي حاجة مامزياناش. هاد لمعاني لقدحية خاصها تّخاد ف عين لعتيبار، باش تكون لقابولية د مصطلح عند لقاريين طالعة، ؤ ف نفس لوقت يوصل لمعنى. كانضن كيفما درتي "كاين" بلاصت "كائن" نقدرو نحاولو نديرو "طْبيعة" بلاصت "طابيعة"، باش "طْبيعة" يتزاد ليها لمعنى ديال "طابيعة" ؤ تولي هاكا موقابيل هوّا هاداك ديال "نيتشر" د نّڭليزية. ف جميع لحالات، لمصطلحات كيبقاو كاملين مؤقتين، حيت معا لوقت ؤ حنا كانستكشفو لكلمات لقدام د دّاريجة، ؤ كانخدمو هاد لّوغة ف لكتبة كولا نهار، غادي يبداو يبانو لينا إمكانيات جداد. مي ضاروري نقضيو ب شي حاجة طالما كاتفيد لمعنى باش نزيدو ل لڭدام، سينو غادي نبقاو محنسرين معا كولا موضوع ؤ مفهوم. -- Ideophagous (نقاش) 18:49، 2 غشت 2021 (+01)[ردّ]

ديانات بزافية polytheistic religions[بدل لكود]

سلام @سمير تامر, Anass Sedrati, Reda benkhadra, و OussamaOuh: كانضن خاصنا شي مصطلح أخور، باش مانكتروش من لستيعمال د كلمة "بزاف". يمكن "ديانات تكتيرية" ؤلا "ديانات لاتوحيدية". شنو بان ليكوم؟ -- Ideophagous (نقاش) 10:45، 2 غشت 2021 (+01)[ردّ]

تحياتي @Ideophagous: ديانات تكتيرية يمكن، ديانات كتّارية مزيانة؟--سمير تامر (نقاش) 12:55، 2 غشت 2021 (+01)[ردّ]

سلام، "بزاف" بدلوها ب "شلا" ، ويلاغير كاينة "ديانات ماتوحيدياش". OussamaOuh (نقاش) 11:44، 2 غشت 2021 (+01)[ردّ]

تحياتي @OussamaOuh: نقدّو نݣولو "ديانات ماشي وحّادية" على غرار "ديانات غير توحيدية". شنو بان ليكوم؟ --سمير تامر (نقاش) 12:54، 2 غشت 2021 (+01)[ردّ]

تحياتي خاي @سمير تامر: ،

معا OussamaOuh (نقاش) 13:08، 2 غشت 2021 (+01)[ردّ]

سلام خاي @سمير تامر:. مصطلح "وحّادية" مزيان. وحّد (آمن ب رب واحد) => وحّاد (شخص ؤلا دين كيآمن ب رب واحد) => وحّادي (وصف ديال هاد لوحّاد). كانقتارح هنا نستعملو لشتيقاق ب دّمج لي كنا ناقشناه قبل، ؤ نزيدو "لا" باش تعطينا "لاوحّادي" ؤ تجي ساهلة ؤ خفيفة علا "ماشي وحّادي"، بحال نيت مادّي => لامادّي. ؤ باش يكون داكشي متناسق، نسميو نيت monotheistic religion = ديانة وحّادية. شنو بان ليكوم؟ -- Ideophagous (نقاش) 18:06، 2 غشت 2021 (+01)[ردّ]

معا خاي @Ideophagous:. --سمير تامر (نقاش) 11:50، 3 غشت 2021 (+01)[ردّ]

سلام شباب، جاني لقتيراح د @Ideophagous: مزيان بزاف خصوصا لمشتقات لي خرّج. لكلمة د ربوبية نقدرو نديروها هي Theism. لكلمة د "لاوحّادي" تقدر تخربق معا Nontheism. لكلمة د وحّادية تقدر تقدر تجي حتا هي لموقابيل د Pantheism. شنو بالليكم نديرو "ربوبية وحّادية" (Monotheism) ؤ "ربوبية كتارية" (Polytheism) ؟ --Reda benkhadra (نقاش) 15:44، 3 غشت 2021 (+01)[ردّ]

سلام خاي @Reda benkhadra:. ف لعربية كلمة "الربوبية" كاتشير ل deism، ؤ "الألوهية" كاتشير ل theism. غادي نخربقو بنادم لي كيعرف هاد لمصطلحات ب لعربية يلا ردينا "رّبوبية" هيا theism. هاد تّمييز مابين deism ؤ theism غادي يخصنا ضاروري فاش نكتبو هاد لارتيكل. -- Ideophagous (نقاش) 16:38، 3 غشت 2021 (+01)[ردّ]

واش مشات معا ديانة وحادية ؤ ديانة لاوحادية؟ -- Ideophagous (نقاش) 19:50، 7 غشت 2021 (+01)[ردّ]

سلام @Ideophagous: هاد ساعة ماكيبانش كلمات حسن من هادو، دونك نقدرو نخدموهوم علاما يبانو كلمات خرين لي ممكن نستعملو --Reda benkhadra (نقاش) 11:46، 10 غشت 2021 (+01)[ردّ]