محمد لبسطاوي

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

محمد لبسطاوي
معلومات عامة
زيادة	3 يونيو 1954 أولاد الحران
لموت	17 دجنبر 2014 (60 عام) الرباط
طريقة دلموت	موتة طبيعية
سباب لموت	موه الكلية
لجنسية	لمغريب
لحرفة	مومتيل، ممتيل د لأفلام، مومتيل مسراحي و ممتيل د التلفازة
لّوغات لي كيعرف	عربية
لفاميلة
شريك	سعاد النجار (–2014)
لولاد	أسامة لبسطاوي
معلومات خرى
لأعمال	(2000) دواير الزمان (2006) وجع التراب (2007) الكبش
لجوايز	جائزة التكريم من المهرجان الدولي للفلم بمراكش  جائزة النجمة الذهبية من مهرجان القاهرة للإذاعة والتلفزيون

محمد لبسطاوي (تزاد ف خريبݣة، 1 يناير 1954 - 17 دجنبر 2014) ممتيل مغريبي، متل ف بزاف د لأفلام ولمسلسلات ولمسرحيات لمغريبية.

حياتو

تْزاد البسطاوي نهار 3 يونيو 1954 فدوار أولاد الحران فإقليم سطات. كان فوسط عائلة بسيطة، الأب ديالُه كان خَدّام فالمحطة ديال التران اللي كانت قريبة منّهم. من بعد جوج سنين، العائلة دارت الهجرة للمدينة ديال خريبݣة، فين كمل قرايتو فمدارسها كاملين. تْلاقى مع حب المسرح من خلال مسرح الهواة اللي كان فدار الشباب.

من بعدما تخرج من الثانوي، قرر يهاجر لأوروبا، ومشا أولاً لفرانسا ومن بعد استقر في الطاليان كمهاجر سري. كان كيكافح باش يعيش وكيخدم كبائع متجول. وفنفس الوقت، كان كيشارك فالأندية ديال مسارح الهواة مع الإيطاليين. فالسنة 1985، رجع للمغرب وقرر يحترف المسرح ويدخل لميدان التمثيل بطريقة عصامية.

كاريير الفني

التحق سنة 1987 بفرقة مسرح اليوم مع توريا جبران وخدم معاهم لمدة عشر سنين. فهاد الفترة، كان كايكتب نصوص وأشعار لبرنامج القناة الصغيرة اللي كايتخّص للأطفال. بفضل تألقو فمسرحية «بوغابة» سنة 1989، تفتحات ليه أبواب النجاح.

ف 1995 بدا تجربة جديدة مع فرقة مسرح الشمس اللي ساهم فتأسيسها بجانب محمد خيي ويوسف فاضل، وعلى الرغم أن هاد التجربة ما كانتش طويلة، قدم من خلالها مجموعة من الأعمال المتميزة بحال «خبز وحجر وفنتازيا»، «بوحفنة»، و«الخمارة».

من بعد مسيرة طويلة في المسرح، دخل لعالم السينما و التلفزيون، وكان محبوب عند المخرجين وطلّبوه بزاف، وتعرف عليه الجمهور المغربي من خلال مسلسلات بحال «دواير الزمان» اللي تعرض في 1999 وكان بداية شهرته، ثم مسلسل «جنان الكرمة» في 2001، ومن بعد جا المسلسل اللي لاقا نجاح كبير وعنده شعبية واسعة «وجع التراب» في 2006، من خلال تجسيده للشخصية الأيقونية (شعيبة).

من بعد عرض فيلم "علال القلدة"، حصل الممثل البسطاوي على النجمة الذهبية فمهرجان القاهرة للإذاعة والتلفزيون عام 2013. تكرم حتى فالمهرجان الدولي للفيلم فمراكش، واللي كانت آخر مناسبة ظهر فيها من خلال فيلم جوق لعميين، اللي لعب فيه دور البطولة.

داكشي اللي حدم فيه

أفلام

• 1997: كنوز الأطلس
• 1998: وداعا فوران
• 2001: أمواج البر
• 2003: الشاهدة
• 2003: أسرار صغيرة
• 2003: علال القلدة
• 2003: ألف شهر
• 2003: رحيل البحر
• 2004: حتى إشعار آخر
• 2004: باب البحر طرفاية
• 2005: الطيور على أشكالها تقع
• 2005: طلب عمل
• 2006: خيال الذيب
• 2006: انكسار
• 2006: يا له من عالم رائع
• 2006: رأس الخيط
• 2007: الوجه الآخر
• 2007 :في انتظار بازوليني
• 2007: طريق العيالات
• 2007: الكبش
• 2007: تمزق
• 2008: الركراكية
• 2009: الصالحة
• 2010: اللجنة
• 2012: أياد خشنة
• 2012: الطفل الشيخ
• 2014: الصوت الخفي
• 2014: أكادير إكسبرس
• 2015: الوشاح الأحمر
• 2015: جوق لعميين
• 2015: العريس

مسلسلات

• 1998: سرب الحمام
• 1999: أولاد الناس
• 2000: دواير الزمان
• 2002: جنان الكرمة
• 2003: صقر قريش
• 2004: خط الرجعة
• 2006: وجع التراب
• 2007: شريكتي مشكلتي
• 2007: عبد الرؤؤف و التقاعد
• 2008-2009: جحا يا جحا
• 2009: المجدوب
• 2010: ياك حنا جيران
• 2011: ديما جيران
• 2012: كلنا جيران
• 2012-2013: مداولة
• 2014: كنزة فالدوار
• 2014: دار الغزلان

مسرحيات

• 1989: بوغابة
• 1995: خبز وحجر وفنتازيا
• 1995: بوحفنة
• 1995: الخمارة

حياتو الشخصية

تجوج البسطاوي بالممثلة سعاد النجار، وعندهم 4 ولاد، اللي كيتشغل معظمهم فالمجال الفني.

الجوائز والتكريمات

• 2011: جائزة أفضل دور رجالي عن فيلم أياد خشنة.
• 2011: جائزة النجمة الذهبية من المهرجان الدولي للفلم بمراكش عن مجمل أعماله.
• 2013: جائزة النجمة الذهبية من مهرجان القاهرة للإذاعة والتلفزيون.

الوفاة

توفى محمد البسطاوي صباح الأربعاء 17 دجنبر 2014 في المستشفى العسكري ديال الرباط وكان عندو 60 عام، بعدما تعارك مع المرض اللي خلى ليه انتفاخ فإحدى كليتيه، وهو اكتشف هاد المشكل غير صدفة ملي كان كيشارك فحملة ديال التبرع بالدم. تم دفنه فمقبرة الشهداء فالعاصمة الرباط بعد صلاة العصر نفس النهار. رحيله خلى حزن كبير عند الأصدقاء ديالو فالمهنة وكدا الجمهور المغربي بشكل عام.

مصادر

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.