محمد شكري
محمد شكري
| ||
 | ||
| معلومات عامة | ||
| زيادة | 15 يوليوز 1935 بني شيكر (سپانيا) | |
| لموت | 15 نونبر 2003 (68 عام) الرباط | |
| طريقة دلموت | موتة طبيعية | |
| سباب لموت | كونصير | |
| لجنسية | لمغريب (1956–2003) لحماية الصبليونية على لمغريب (1935–1956) | |
| لحرفة | كاتب، معلّيم، كاتيب مسراحي، طرجمان، روائي و شخصية د الراديو | |
| لّوغات لي كيعرف | عربية، تاريفيت، صبليونية، لفرانساوية، الداريجة لمغريبية و نڭليزية | |
| معلومات خرى | ||
| لأعمال |
| |
| ستيل | Conte، يوميات و مقالة | |
| لجوايز | ||
  | ||
محمد شكري (خلاق ف آيت شيݣر، نّاظور ف 15 يوليوز 1935 و مات ف طانجا ف 15 نونبر 2003) كاتب و روائي أمازيغي مغريبي. كايتعتابر من أشهر و أنجح لكتاب لمغاربا على لمستوى لعالمي ب حيت ترجمات لكتوبا ديالو ل كتر من 20 لوغة. أهم كتوبا ديالو هوما سّيرة داتية ديالو لّي كتبها ف 3 د رّوايات: "الخبز الحافي"، "زمن الأخطاء" و "وجوه". شكري كاينتامي ل تيار أدب لهامش، لّي هو من رّموز ديالو معا محمد زفزاف، هاد سّتيل لّي ميز لأدب لمغريبي نطيلاقا من سّبعينات لقرن لعشرين. لكتابة ديال شكري كاتميز ب لواقعية ديالها و لجرأة ديالها من حيت لّوغة ديالها و عرض لحميمية ديال لعوالم لهامشية لّي كاتدور فيها لأحداث. شكري من رموز تيار "رواة طنجة"، هاد لمدينة لّي حاضرة ب قوة ف لكتوبة ديالو ب لأماكن ديالها و شّخصيات لّي ميزات سّاحة لأدبية ديالها.
شكري كتب كتوبة خرين مهمين من غير رّوايات خصوصا ف نّقد لأدبي حول تصورو ل لأدب و تّوتيق ديالو ل تّجارب لحياتية و لأدبية ديال شخصيات لّي ماركات حياتو لأدبية ف طنجة خصوصا پول بولز و جان جيني.[1][2]
- الخبز الحافي (1972)
- الشطار "زمن الأخطاء" (1992)
- وجوه.
- مجنون الورد (1979)
- الخيمة (1985)
- السوق الداخلي (1985)
- مسرحية السعادة (1994)
- غواية الشحرور الأبيض (1998)
- جان جنيه في طنجة
- بول بولز في طنجة
- وتينيسي وليامز في طنجة
- ↑ "محمد شكري.. من القاع إلى قمة الأدب المغربي". www.maghrebvoices.com (ب العربية). 2018-11-16. Archived from the original on 2024-12-29. Retrieved 2022-08-17.
- ↑ نصر الله, حسين (2009-08-01). "محمد شكري: الأمّي الذي صار نجماً". هيسپريس (ب العربية). Retrieved 2022-08-17.
