تشي ݣيڤارا

من ويكيپيديا
تشي ݣيڤارا
تشي ݣيڤارا
معلومات عامة
زيادة 14 يونيو 1928
روساريو
لموت 9 أكتوبر 1967 (39 عام)
لا هيغويرا
طريقة دلموت قتيلة
سباب لموت ضربة بلقرطاس و إعدام لاقضائي
لجنسية كوبا
لارجونتين
لحرفة سياسي، طبيب، شاعير، ديپلوماسي، كاتب مقالات، توري، مقاوم، عسكري، كتاتبي و صحفي الرأي
لفاميلة
لواليد Ernesto Guevara Lynch
لواليدة Celia de la Serna
شريك إيلدا جاديا (1955–1959)
أليدا مارش (1959–1967)
لولاد أليدا تشي جيفارا
معلومات خرى
لحيزب الحزب الشيوعي الكوبي
لأعمال
تأتر ب إيلدا جاديا
رياضة
رياضة ريڭبي
لعسكر
لڭراد قائد وحدة
كولونيل
لحروب الثورة الكوبية، التمرد البوليفي و أزمة الكونغو
لجوايز
CheGuevaraSignature.svg
IMDB: nm0346466 Allocine: 37068 Allmovie: p291329
Musicbrainz: b5316590-b39e-4991-8602-dbf276361eed Discogs: 480054 Find a Grave: 4312 Modifica els identificadors a Wikidata


تّسافيرة اللي دار تشي ݣيڤارا بلموطور فأمريكا اللاتينية

إرنسطو ݣيڤارا دي لا سيرنا (بالصبليونية: Ernesto 'Che' Ernestico Guevara de la Serna) (14 يونيو 1928 - 9 أكتوبر 1967) و اللي معروف بتشي ݣيڤارا, كان مناضل ثوري وطبيب وكاتب وسياسي أرجونتيني كان معروف فلعالم حيث كان تيشجع على الثورة. ݣيڤارا كان من لقادة ديال الثورة ف كوبا على الديكتاتور فولخينسيو باتيسطا, وملًي نجحات الثورة اللي قادها فيديل كاسطرو, عطاو لݣيڤارا لجنسية د كوبا وولاً وزير تما. تشي ݣيڤارا كان تيشجع الثورات فلعالم كلًُو ودار محاولات خرا بحال ف لكونݣو[ماواضحش] (ولكن ماصدقاتش) و ف بوليڤيا, اللي شدُّوه فيها وعدموه ف 1967, وهو كانت عندو غي 39 عام.

الصغر ديالو[بدل | بدل لكود]

خلاق إرنيسطو ݣيڤارا فلمدينة د روزاريو ف لأرجونتين نهار 14 يونيو 1928, وكان هو لكبير من بين 5 د الدراري (3 د لولاد و جوج بنات). لعائلة ديالو كانت من الطبقة لمتوسطة وماكان خاصًو تا شي خير.

ف 1948, دخل للكلية د الطب ف بوينوس آيريس, وكان تيقرا مزيان و تيدير الرياضة بحال الريݣبي. فلعام اللخر ديال قرايتو (1953) سافر هو و صاحبو ألبيرطو ݣرانادو بموطور ف أمريكا اللاتينية كاملة, و تما كتاشفو الظلم لإمبريالي ولفقر وبزاف د لمشاكيل اللي خلاتهم مصدومين. من ديك الساعة, قرر تشي ݣيڤارا باللي ماغاديش يخدم طبيب و باللي أيدير أي حاجة اللي قدر باش يحبس الظلم ويكون من جيهت لمظاومين, وعليها بدا يشجع الثورات.

تشي ݣيڤارا ولمغريب[بدل | بدل لكود]

ف 1959, عرض لوزير اللُول د لمغريب عبد الله ابراهيم على تشي ݣيڤارا باش يجي. وفعلا جا فغشت وزار سلا و الرباط و مراكش وتلاقا بزاف د المسؤولين. عجباتو بزاف مراكش اللي ݣلس فيها 18 ليوم.[1]

ف 1960, ملًي مشا ݣيڤارا ل مصر, زار السفارة د لمغريب ف لقاهرة وتلاقا مع محمد بن عبد الكريم الخطابي, وقاليه باللي كان "معجب بزاف بالتجربة ديالو فحرب لعصابات, و باللي جا خصيصا باش يتعلًم منو".[2]

حيث تشي ݣيڤارا هو رمز د التحرر ومحاربة الاستبداد, قررو لأولترا ديال لفرقة د لجيش لملكي يسمًيو راسهم "كورڤا تشي", نسبة لتشي ݣيڤارا, وتيهزًو ديما تصويرتو فݣاع لماتشات و لمناسبات د لفرقة ديالهم.[3]

عيون لكلام[بدل | بدل لكود]

Wikimedia Commons تقدر تزيد شوف بزاف د صور و معلومات ديال Che Guevara ف ويكيميديا كومنز.