محمد بن سليمان الروداني
محمد بن سليمان الروداني
| ||
| معلومات عامة | ||
| زيادة | 1627 تارودانت | |
| لموت | 1683 (55/56 عام) ديمشق | |
| لجنسية | لمغريب | |
| لحرفة | فلكي و كاتب | |
| لّوغات لي كيعرف | لوغات أمازيغية و عربية | |
محمد بن سليمان الروداني (عاش مابين 1628-1683م) هوا عالم ديال لفلك و لماط و لفلسفة و حتا ديال لحديث. الأصل ديالو من تارودانت ف لمغريب.[1]
سميتو بو عبيد الله شمس الدين محمد بن سليمان الروداني لفاسي لمكي.
تزاد عام 1628 حدا تارودانت للي كانت ديك الساعة من لمدونا لكبار ديال سوس. كبر تما حتا سافر لشي بلايص بحال درعة و لجزائر. رجع ل مراكش باش يقرا لمنطق وايني عجبو لفلك.
مشا عاود لجزائر باش يقرا لفلك و مللي سالا كمل لمغريب لأوسط و مشا حتال مصر و الشام وصطانبول.
كمل و مشا للحج و بقا ما بين مكة و لمدينة حتا سماوه لمكي. خلا مكة بسباب الفتن و مشا ل دمشق فين مات عام 1094هـ / 1683م.
كان الروداني معروف ب بزاف ديال لمواهب حيت كان تايقرا لعلوم الرياضية و حتا الشرعية. تعرف باللي ختارع آلة الإسطرلاب و كانت تاتخدم باش تحسب لوقت. كان الروداني تايتبع لكواكب و دار بزاف ديال لماكن اللي تايعاونو فيه.
كتب بزاف ديال لكتوبا بحال
- بهجة الطلاب في العمل بالأسطرلاب
- تحفة أولي الألباب في العمل بالأسطرلاب
- حاشية على التسهيل في النحو
- مختصر تلخـيص المفتاح في المعاني وشرحه
- جمع الفوائد من جامع الأصول ومجمع الزوائد في الجمع بين الكتب الخمسة والموطأ
- صلة الخلف بموصول السلف
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |