مجتمع لميم

من ويكيپيديا
اذهب إلى التنقل اذهب إلى البحث

مجتمع لميم أو مجتمع لإل جي بي تي، بالإنجليزية (LGBT)، هو مجموعة من ناس لي كاتمتل توجهات جنسية بحال لمتليين، ليزبيانات، لمزدوجين جنسيا، ولمتحولين جنسيا. هاد لكلمة ديال مجتمع لميم كاتشمل أي واحد ماشي مغاير.

هاد لمصطلح ديال مجتمع لميم تستعمل أول مرة ف تسعينات، ووقعو فيه مجموعة ديال تغييرات حتا وصل للشكل لحالي ديالو، لي ولا كايشمل واحد لعدد كبير من توجهات لجنسية.

تاريخ ديال ل متليين ف لعالم لغربي[بدل | بدل لكود]

  • قبل من تورة لجنسية ديال ستينات، ماكانت حتا شي كلمة محايدة أولا مجموعة من لكلمات لي تقدر تعبر على ناس لي ماشي مغايرين. كان واحد لمصطلح ديال "لجنس تالت" كايتستعمل من عام 1860، ولكن هاد لمصطلح ماخداش شعبية كبيرة ف لميريكان.
  • كلمة متلي/ة ولات كاتستعمل ف لميريكان باش توصف توجه لجنسي ديال ناس لي ماشي مغايريين، ومازالا كاتستعمل حتال ليوم.
  • ف لبداية ديال سبعينات، ولاو ليزبيانات حتا هوما كايناديو بلحقوق ديالهم. من بعد تبعوهوم مزدوجي لجنس.
  • بعد أحدات ستونوول، وقع واحد شرخ فمجتمع لميم، ولاو لمتليين وليزبيانات كايقولو على مزدوجي لجنس بلي هوما غير متليين ولكن خايفين يبينوها، وكايقولو على لمتحولين جنسيا بلي كايلعبو دور سلبي ف أنهم كيروجو واحد صورة نمطية خايبة على مجتمع لميم.

تقبل ديال مجتمع لميم[بدل | بدل لكود]

بعض ناس لي منتامين لمجتمع لميم مايقدروش يقولوها قدام ناس، حيت ممكن يكون هادشي خطر على حياتهم. بزاف ديال ناس عندهم عنصرية وأحكام مسبقة على لمتليين، هادشي كايتسما لهوموفوبيا، أي لخوف لي ماعندو حتا معنى من لمتليين. بزاف ديال دول عندها قوانين عنصرية ضد مجتمع لميم، بعض دول كاتوصل لدرجة أنها كتعدمهم.

Wikimedia Commons تقدر تزيد شوف بزاف د صور و معلومات ديال LGBT ف ويكيميديا كومنز.