لوپان التالت : فيلم تجريبي
لوپان التالت : فيلم تجريبي
| ||
| معلومات عامة | ||
| تاريخ د نّشر | 1969 | |
| شركة د لإنتاج | تي ام اس انترتینمنت | |
| شركة د توزيع | توهو | |
| لموساهمين | ||
| لمخرج | Masaaki Ōsumi | |
| سيناريست | Gisaburō Sugii | |
 
| ||
لوپان التالت : فيلم تجريبي ( ب جاپونية: ルパン三世〈PILOT FILM〉، روپان سانسيي پايروطو فيرومو). هو فيلم آأنيمي قصير جاپوني خرجو ماساكي أوهسومي ف عام 1969. هو أول آضاپطاسيو د آنيمي تلفازي ديال سيريات لمانݣا لوپان التالت د مونكي پانتش لي بدات ف 1967. لفيلم ديال 12 لدقيقة تصاوب من عند ستوديو طوكيو موڤي و كان ناوي يلفت ب لفيلم لنتيباه باش يقدر يمول إينتاج كبر. ف وقيت 1971 تعاودات لخدمة د لفيلم ك بت تلفازي تجريبي ب أصوات جداد تعزلو من قناة يومييوري، هادشي لي كان سباب ف السيرية د لآنيمي لوپان التالت لجوزء 1.
لحبكة[بدل | بدل لكود]
لوپان التالت و رفاقو حطو بلان باش يهربو من لموفتيش لمعكس زينيݣاطا و الساموراي لمورتزق ݣوويمون إيشيكاوا.
لفيلم فتيتاحية د الشخصيات الرئيسية د لوپان التالت. و حنا كنعرفو شكون من شكون ف هاد السيرية. زينيݣاطا تابع لوپان و عيصابتو ف واحد لقصر مهجور، ف لوقيتة لي ݣوويمون باغي يقتل لوپان لأهداف شخصية. أما لوپان خطط ديجا للبلان لي غايخليه هو صحابو برا لمعماعة.
الشخصيات[بدل | بدل لكود]
- لوپان التالت : ب صوت ناتشي نوزاوا (لبت السينيمائي)، طايتشيروه هيروكاوا (لبت التلفازي)
- ضايسكي جيݣين : ب صوت كييوشي كوباياشي
- لموفتيش زينيݣاطا : ب صوت شينسكي تشيكايشي (لبت السينيمائي)، تشيكاو أوهتسكا (لبت التلفازي)
- فوجيكو ميني : ب صوت آيكو ماسوياما
- ݣوويمون إيشيكاوا : ب صوت ݣوروه نايا (لبت السينيمائي)، أوصامو كوباياشي (لبت التلفازي)
لستيقبال النقدي[بدل | بدل لكود]
كريس بيڤريدج ديال لفاندوم پوست كتب، لفيلم التجريبي بصح قبط لفيلينݣ و لموود د لمانݣا لأصلية لوپان التالت ف الديزاين د لكاراطير و لكوميدية لجينسية، هادشي خلا لفيلم "بصح زوين ف لفراجة".