لوپان التالت (مانݣا)
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
| مقالة ؤلا فقرة ناقصينها عيون لكلام. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
لوپان التالت
| ||
| معلومات عامة | ||
| مانڭاكا | مونكي پانتش | |
| تاريخ د لبدية | 10 غشت 1967 | |
| تاريخ دلمسالية | 22 ماي 1969 | |
لوپان التالت (ب لجاپونية ルパン三世، روپان سانْسِيْ) هي سيريات ديال لمانݣا جاپونية كتبها و رسمها مانكي پانتش. لقصة كاتدور على لموغامرات ديال الشفار لحرايفي لوپان التالت، لحفيد د آغسين لوپان، الشفار لكلاس ديال سيرية د ريوايات موغيس لو بلون.
لمانݣا د لوپان التالت بدات كاتسلسل ف لمجلة لأسبوعية مانݣا آكشن ف غشت 1967 و ولات فرونشيز فيها بزاف د لمانݣات، 7 د سيريات د لآنيمي متلفزة، 6 د لافلام د لآنيمي د سينيما، 2 د لأفلام تصوير حقيقي، 26 سپيشل د لآنيمي متلفزة، و بزاف د السيديات لموسيقية و لوعاب لڤيديو.
لوپان التالت حفيد ولد خو آغسين لوپان، "الشفار لكلاس" لأوريجينال، واحد من أشهر و أكتر الشفارة لمطلوبين ف لعالم. شفار بلا ضامير وخا عندو حس لفوكاهة، نقطة ضعفو هوما لعيالات الزوينات. لوپان تابعو ديما لموحقيق زينيݣاطا و ف أغلب لمرات مرافقينو كليكة ديال لغدارة لي ماشي أوفياء و هو كايحاول يدير أكتر عمليات السطو لي عمرها تخطر على البال، ولا كيفاش كايتعامل معا بزاف، بزاف د الناس لي باغيينو يموت.
- لوپان التالت : هو لحفيد د الشفار النبيل آغسين لوپان، هو أكتر شفار مطلوب ف لعالم و عقل إيجرامي عبقاري .
- ضايسكي جيݣين : هو التيرور د لوپان، كايقدر يجبد لفردي و يتيري بيه ف 0.3 جوزء ف التانية ب ديقة كبيرة.
- ݣوويمون إيشيكاوا الطلطاش : هو السليل رقم 13 ديال الساموراي لمنشق على لقانون إيشيكاوا ݣوويمون، عندو سيف سميتو ريووسي قادر يقطع تقريبا أي حاجة.
- فوجيكو ميني : شفارة دكية و حرايفية، كاتخدّم لجاديبية لأنتوية ديالها باش تاخد داكشي لي بغاتو من عند أي راجل.
- لموحقيق كويتشي زينيݣاطا : هو موحقيق معا لبوليس خدام عند لآنطيرپول، كرس حياتو كاملة باش يشد لوپان. زينيݣاطا مبازي على الشخصية الجاپونية لمشهورة لي ضد لجريمة زينيݣاطا هييجي.
بزاف د لموؤتيرات لي أنسپيرات مانكي پانتش ف لمصايبة د لكاراكطير و لموود د لمانݣا، كاتبدى من لأفلام د آلفريد هيتشكوك حتى للكوميدية لعاباتية ديال مجلة ماد Mad لميريكانية، زيد مانكي پانتش جمع بينات شي خصايل كاينة ف ريواية لوپان ديال موريص لو بلون معا خصايل كاينة ف أفلام دجايمس بوند باش يقدر يطور الشخصية النرجسية و لمتغزلة د لپروطاݣونيست، لمانݣا ف لأصل كانت كاتستهدف لبالغين، عليها تصايبات لكاراكطير د فوجيكو ميني باش تعطي لحوضور لأونتوي و نسمة من لكاركطير د "لبنت لمتيرة ف دجايمس بوند". لكاراكطير د جيݣين مأنسپيريا من لمومتيل دجايمس كوبرن ب لخوصوص الدور ديالو ف ذا ماݣنيفيسنت سيڤن (1960)، ف لوقيتة لي لكاراكطير د ݣوويمون تصايبات باش تعطي لمسة جاپونية (شرقية) ف وسط سيريا مأنسپيريا بزاف من التاقافة لغربية، لموحقيق زينيݣاطا، لعدو لدود د لوپان، كان لغرض منو هو صنيع دينامية كاتشبه للعلاقة مابين لقط و لفار لي ف سيرية لكارتونية طوم & دجيري ديال ويليام هانا و دجوزيف باربرا، لي ب راسها مأنسپيريا من لكوميدية التهريجية.