انتقل إلى المحتوى

لمداكرة د ويكيپيديا:لحكام د لبوتات

محتويات الصفحة غير مدعومة بلغات أخرى.
من ويكيپيديا
هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

ڤوط على لحكام د لبوتات[بدل لكود]

سلام أ دّراري @Reda benkhadra و Anass Sedrati:. عافاكوم راجعو لمحتوى ديال لحكام، ؤ عطيو رأي ؤ قتيراحات ديالكوم. خاص نتّافقو تا واش نقبلو لبوتات شّاملة عندنا ؤلا لا. درت فقرة خاصة بيهوم لي كاتسمح غير ب نوع واحد د لعطاشات ل هاد لبوتات.-- Ideophagous (مداكرة) 22:22، 8 أكتوبر 2022 (+01)[ردّ]

السلام عليكم السي Ideophagous. لمهم قريت مزيان هاد لحكام كاملين. الصراحة تبارك الله عليك ما لقيت ما نزيد، داكشي مقاد مزيان و فيه بزاف ديال لححكام و السيناريويات. لحاجة لوحيدة اللي نقدر نزيد هي باش أي بوت يدوز خاص يتافقو عليه الناس د الجماعة د الدارجة،عاد يتقبل. وهادشي بالخصوص لا كان بوت ماجايش من عنا، بحال لبوتات د ميطا ولا شي بوتات عالمية. -- Anass Sedrati (مداكرة) 21:28، 10 أكتوبر 2022 (+01)[ردّ]
شكراً خاي أناس. راني زدت هاد لجوملة ف لفقرة ديال "لبوتات شّاملة": لبوت شّامل يلا بغا مولاه يدير عطاشات زايدين خاصو يدوز من نفس لپروصي ديال لبوتات لمحليين، كيما مشروح لفوق. ڭول ليا واش جاتك مزيانة ؤلا بدّلها ؤلا زيد فيها ب شّكل لي جاك مناسب.-- Ideophagous (مداكرة) 21:33، 10 أكتوبر 2022 (+01)[ردّ]
شكرا السي Ideophagous. جملة مزيانة و متافق عليها. تبارك الله عليك -- Anass Sedrati (مداكرة) 15:47، 13 أكتوبر 2022 (+01)[ردّ]
شكرا بزاف @Ideophagous: علا لخدمة لي درتي، صراحة جاني داكشي هو هاداك. عندي غير ملاحضة علا لبوتات لعالميين، واش ف نضركم ف لأحسن نليميطيو دور ديالهم غير ف لحوايج ديال صانطاكس (كيما كيدير دابا مينو بوت). هنايا كاينين ليستة ديال لعطاشات لي ممكن يتدارو. Reda benkhadra (مداكرة) 21:04، 11 أكتوبر 2022 (+01)[ردّ]
سلام خاي رضا. أنا قتارحت باش هاد نّوع د لبوتات يصلحو غير تّحويلات، حيت هادي حالة باينة. ولاكين لإصلاح د نّص بشكل عام يقدر يطرح مشاكيل، حيت نقدرو حنا يكونو عندنا تفضيلات ؤلا تّيفاقات على كيفاش خاص يكون تّيكست، لي ماكاينينش ف ويكيپيديات خرين.-- Ideophagous (مداكرة) 21:20، 11 أكتوبر 2022 (+01)[ردّ]
لا زعما يصلحو لأغلاط لي كاينة ف لويكي كوض ماشي لمحتوى براسو. ليان لي عطيت لفوق كيليستي لحالات لي كاينين ؤ شنو كيصلح لبوت. Reda benkhadra (مداكرة) 21:47، 11 أكتوبر 2022 (+01)[ردّ]
صافي، طلّيت على لّيستة. كانضن ماشي موشكيل يلا خلّينا لبوتات لعالمية تدير هاد تّبديلات.-- Ideophagous (مداكرة) 15:17، 13 أكتوبر 2022 (+01)[ردّ]
زدتها ف لفقرة د لبوتات لعالمية.-- Ideophagous (مداكرة) 15:20، 13 أكتوبر 2022 (+01)[ردّ]

يلا مابانو ليكوم تا مشاكيل خرين، نقدرو نعلمو سّيد من ميطاويكي بلي راه عندنا سياسة محلية د لبوتات. --Ideophagous (مداكرة) 16:10، 13 أكتوبر 2022 (+01)[ردّ]

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.