لمداكرة د لموضيل:طابلو منمر

سلام أ دّراري @Reda benkhadra و Anass Sedrati:. ها تّوتيق/ضّوكو د لقالب واجد. يلا كانت شي حاجة مامفهوماش علموني. كاينين خاصيات خرين مازدتهومش حيت تانا ماجرّبتهومش، ولاكين كانضن هادشي لي درت ل حد سّاعة كافي ل لموتطلبات ديالنا. --Ideophagous (نقاش) 09:09، 7 دجنبر 2021 (+01)

السلام عليكم السي @Ideophagous: وشكرا على لجدول. الصراحة ما عندي ما نقول تبارك الله عليك. عجبني اللون اللول جا واعر. نقدرو نبداو نخدمو هاد لجداول ف لمقالات د لمدون والجماعات من بعد لا بغيتي؟ حسن من ديك الليستات اللي فيهم بزاف د السطورا. -- Anass Sedrati (نقاش) 10:07، 7 دجنبر 2021 (+01)

شكرا خاي @Anass Sedrati:. ب نّسبة ل لّون تقدر تخدم هاداك يلا عجبك ؤلا تبدّلو كيما بغيتي. لقيت بعدا جوج عيوب ف هاد طّابلو: أول حاجة مايمكنش يفوت 50 سطر، ؤ يلا فتناها ماكيبانوش سّطورا لوخرين، ؤ تاني حاجة يلا خدّمنا بزاف منو ف پاج وحدة كيوصل واحد لحد ماكيبقاش خدّام. ف لّيستة د دّواوين ضطريت نحبس من تّخدام ديالو ملي وصلت ل 27 طابلو، ؤ داك طّابلو لّخر ماقدرش يفوت 25 سطر، ضونك نقدر نڭول بلي لحد هوّا 27 طابلو ب 25 سطر ؤلا قل، ؤلا 26 طابلو ب 50 سطر ؤلا قل (ف نفس صّفحة). كانضن لموشكيل جاي من كترت لحساب لي خاص يدير سّيرڤور باش يشارجي داك لقالب، ؤ لي كيوصل ل لحد ديالو ملي كيتدارو بزاف ف نفس لپاج. واحد طّابلو فيه كتر من 50 سطر ضطريت نقسمو علا جوج. مي كانضن قلالين لحالات لي غادي نحتاجو ل هاد لعاداد د طّابلوات ف پاج وحدة. --Ideophagous (نقاش) 13:24، 7 دجنبر 2021 (+01)