لكوكب د لمنفى
لكوكب د لمنفى
| ||
| معلومات عامة | ||
| عنوان أصلي | Planet of Exile | |
| نوع د لكتاب | خيال عيلمي | |
| مؤلف | ؤرسولا لڭوين | |
| لبلاد لأصلية | الولايات المتاحدة د ميريكان | |
| لّوغة لأصلية | نڭليزية | |
| تاريخ د نّشر | أكتوبر 1966 | |
لكوكب د لمنفى (لعنوان لأصلي Planet of Exile) رواية د لخيال لعلمي من تأليف لكاتبة لميريكانية ؤرسولا لڭوين تنشرات أول مرة ف 1966 ف نفس لكتاب معا رواية "لإنسانية تحت السنسلة" Mankind under the Leash ديال طوماس ديش. هاد الرواية هيّ التانية ف لعالم لخيالي د هيين من مور رواية لعالم د روكانون. ف 2017، صندوق لميديا د لوص أنجيليس شرا لحقوق ديال لمصاوبة د فيلم مبازي على هاد الرواية.[1]
لقصة كاتطرا ف كوكب سميتو "ويريل" Werel، لي جا التالت ف الترتيب د لكواكب لي كيضورو على نجمة ڭاما ضراكونيس (154 سنة ضوئية من الشمش ديالنا). لعام ف هاد لكوكب كيساوي 60 عام ديال لأرض، و كلا فصل عليه كيدوم سنوات طوال. لقصة كاتبدى معا لمجي ديال الشتوة. الشخصيات الرئيسية د لقصة كينتاميو ل جوج د النواع د لكائنات الدكية، الطيڤارانيين لي هوما سكان أصليين كيشبهو ل بنادم، رحّال و متخلفين حضارياً، و لأرضيين لي جاو ستوطنو لكوكب هادي 600 عام أرضية (10 سنين ف لكوكب د ويريل). هاد الجوج ماكيتحاملوش معا بعضياتهوم. روليري، بنت الشاف ديال الطيڤارانيين هيّ و جاكوب أڭاط، الشاف ديال لأرضيين كيولّيو قراب ل بعضياتهوم، و كيتجوجو، ضد ف لأعراف ديال لقبيلة د روليري، ف لوقت لي التلج و لعواصف د الشتوة بداو، و واحد لقبايل لهمج من الشمال بداو لهجوم ديالهوم.