فيليپين
فيليپين، رسميا لجمهورية د لفيليپين (ب لفيليپينية: Republika ng Pilipinas - بلينݣليزية: Republic of the Philippines) هي بلاد أرخبيل جات ف لجنوب الشرقي د آسيا. لفيليپين فيها تقريبا 7640 جزيرة جات ف لمحيط لمهدّن. تايحدّها لبحر ديال الشينوا من لغرب، لبحر د لفيليپين من لغرب، لمحيط لهادي من لجنوب، و عندها حدود بحرية مع بزاف د لبلدان اللي هي: طايوان من الشمال،الجاپون من الشمال الشرقي، پالاو من الشرق و لجنوب الشرقي، أندونيسيا من لجنوب، ماليزيا و بروناي من لجنوب لغربي، ڤييطنام من لغرب و الشينوا من الشمال لغربي.
لفيليپين عندها تاريخ قديم و دازو فيها بزاف د الدول. ف لقرن 15 وصل ليها لبرتغالي فرناندو ماجلان اللي كان خدّام مع الدولة د صبانيا، و حتلّو الصبليون رسميا لأرخبيل ف 1565. بقات صبانيا محتلا فيليپين ل كتر من 300 عام، تال لعام 1896 فين بدات تورة ف لبلاد، و جات ف نفس لوقت د لحرب د صبانيا مع لميريكان. ملّي ربحات لميريكان، حتلات لبلاد ف 1898 و بقات فيها تال لحرب لعالمية التانية. ف وقت لحرب، دخلات الجاپون للبلاد و حتلاّتها، تال 1946، اللي هو التاريخ الرسمي د لإستقلال، و اللي تعلنات فيه لجمهورية د لفيليپين.
تيسكنو ف لفيليپين تقريبا 106.6 مليون ديال الناس و لعاصمة ديالها هي مانيلا. اللغات الرسمية د لبلاد هوما لفيليپينية و لينݣليزية، و عاد كاين 19 لغة آخرا معتارفا بيها الدولة لغات جهوية. اللغة لعربية و اللغة الصبليونية مدكورين تا هوما ف الدستور د لفيليپين، و محسوبين لغات محميين. لفلوس اللي كاتخدّم ف لبلاد هي لپيزو لفيليپيني. هي عضو مؤسس ديال لأمم لمتحدة و منضمة التجارة لعالمية و لجمعية د لبلدان د جنوب شرق آسيا.
لبلاد مسمية فيليپين على سمية لماليك فيليپ التاني اللي كان ملك د صبانيا ف لقرن 16، و كلن ولي د لعهد ملي وصّلو لبحارة الصبليون لديك لجزر.[1]
- ^ "لماذا يريد الرئيس تغيير اسم الفلبين؟ - العربية (2019)". مأرشيڤي من لأصل ف 2021-04-22. تطّالع عليه ب تاريخ 2021-04-16.
|
تقدر تزيد شوف بزاف د تّصاور و لمعلومات ديال Philippines ف ويكيميديا كومنز. |