لفن د لحرب
ميّز على لفن د لحرب د سون بين.لفن د لحرب
| ||
 | ||
| معلومات عامة | ||
| عنوان أصلي | 孫子兵法 | |
| لموضوع رئيسي | فنون عسكارية | |
| نوع د لكتاب | إيكونومي، رسالة بحثية و treatise on war | |
| طبعات ؤ طرجمات | The Art of War، The Art of War, the New Translation، 孫子، Adabka dagaalka : sun txu، The Book of War, the military classic of the Far East، Q18824166، Q66085086، Q18836584، The Art of War، The Art of War، The Art of War، The Art of War و The Art of War | |
| مؤلف | سون تزو | |
| لبلاد لأصلية | الشينوا التاريخية و شينوا | |
| لّوغة لأصلية | الشينوية لكلاسيكية و شينوية | |
| لكوپيرايت | ضومين عام | |
لفن د لحرب (ب الشينوية: 孫子兵法، حرفياً الطريقة لعسكارية ديال سون تزو) كتاب ديال لفلسفة و السطراتيجية لعسكارية ألّفو الجينيرال الشينوي سون تزو، غالبا ف لّخر ديال لفترة د الدولات لمتحاربة (فترة لي كانت الشينوا فيها مقسّمة ل 7 د الدولات كيتحاربو بيناتهوم).[1] لكتاب فيه 13 شاپيطر كلا واحد فيهوم كيهضر على نوع من نواع السطراتيجيات لعسكارية، بحال لختيار ديال لأرض د لمعراكة، ولا التاجسّوس على لعدو.
لفن د لحرب كان تّشكر بزاف و تطبّق ف لحروب ف شرق أسيا من نهار بان. ف لقرن 20 لكتاب تّشهر بزاف و ولا عندو تطبيق ماشي غير عند لعسكر، مي تا ف تّاجسوس، السياسة، لبيزنيس و ف السپور، سيرتو ف لعالم لغربي.
لكتاب تطرجم ل لفرانساوية أول مرة ف 1772، و ب النݣليزية ف لبدية د لقرن 20. كاينين طرجمات ديالو تا ب لعربية.
كلا شاپيطر ف لكتاب كيهضر على نوع من نواع السطراتيجيات لعسكارية، و شنو لمواصفات لي خاصها تكون ف الجينيرال د لارمي باش يقدر يطبقها. لكتاب متأتر بزاف ب لفلسفة الطاوية، سيرتو من الناحية د لمعايير لأخلاقية و النفسية.[2]
 | هاد لمقالة ولا فقرة يقدرو يكونو فيها معلومات من بحت بميكتو. (شوف فوقاش ؤ كيفاش تحيّد هاد لميساج) |
كيهضر على 5 د لعوامل لأساسية (الطريقة، لفصول، التيران ؤلا لأرض، لقيادة، و الجيستيوناج) و سبعة د لعناصر لي كاتحدد النتيجة د التلاحمات لعسكارية. ب التفكير و التقدير و لمقارنة د هاد لعوامل، الجينيرال يقدر يحسب لحتيمال د الرباح د لارمي ديالو. هاد الشاپيطر كيشدد على لفكرة بلي لحرب قضية ديال الدولة لي خاصها تّخاد ب جدية، و بلي الجينيرال د لارمي ماخاصوش يبداها بلا مايكون خمم مزيان ف لعواقب ديالها.
قتيباس مشهور:
جميع لحروب مبنيين على لخدعة
كيشرح التفاصيل ديال لقتيصاد د لحرب، و كيفاش الإلتحامات لعسكارية لمصيرية ماخاصهاش تشد وقت طويل باش يكون الرباح مضمون. هاد الشاپيطر كينصح مول السطراتيجية لعسكارية باش يحد من لمصاريف د لحرب.
قتيباس مشهور:
ماعمّر شي دولة ماستافدات من حرب طويلة
كيعرّف لمصدر ديال لقوة د لارمي بلي هوّا التوحد ديالها ماشي لحجم ديالها. و كيناقش لعوامل لخمسة ديال النجاح ف أي حرب. هاد لعوامل، مرتّبين على حساب لأهمية، هوما: لاطاك، السطراتيجية، التحالفات، لارمي، و لمدون.
قتيباس مشهور:
لفن د لحرب هوّا باش تغلب لعدو ديالك بلا ماتدخل معاه ف مطايفة
قتيباس أخور:
عرف راسك و عرف لعدو ديالك و غادي تغلبو بلا ماتّعرض ل لخطر
كيشرح لأهمية ديال الدفاع على لموضع لي شداتو لارمي، قبل ماتزيد ل لݣدام بشكل ناجح. كيعلّم لكوماندانات لأهمية ديال التعرف على لفرص السطراتيجية، و ف نفس لوقت بلي ماخاصهومش يعطيو فرصة ل لعدو ديالهوم.
كيشرح كيفاش لإبداع و التوقيت يقدرو يتخدمو باش يعطيو طاقة و قوة نفسية ل لارمي.
قتيباس مشهور:
لفرص يقدرو يبانو ف عز لفوضى
كيشرح كيفاش لفرص ديال لارمي كيجيو من فتحات ف لمحيط ديالها لي سبابها ضعف نسبي ديال لعدو، و كيفاش خاصها تستاجب ل تغيرات مستامرة ف ساحة لمعراكة.
قتيباس مشهور:
دير راسك ضعيف فاش تكون قوي، و قوي فاش تكون ضعيف
كيشرح لخطورة ديال لمواجهة لمباشرة، و كيفاش الجينيرال د لارمي يقدر يربح هاد لمواجهات يلا تزيّر باش يواجه و ماكانش حل أخور.
قتيباس مشهور:
خبي بلاناتك و ماتخليها تبان بحال الضلمة د الليل، و ملي تّحرك، طيح على عدوك بحال لبرق
كيشرح ضرورة باش تكون الستيجابة ديال لارمي فليكسيبل، و كيفاش تّدار على حساب الضروف لمتغيرة.
كايوصف لوضعيات مختالفة لي تقدر لارمي تلقا راسها فيها، معا دخولها ف لمجال ديال لعدو، وكيفاش تقدر تستاجب ل هاد لوضعيات. أجزاء كبيرة من هاد الشاپيطر كاتركز على كيفاش تفهم لأهداف ديال لخرين.
كايوصف لمجالات التلاتة ديال لمقاومة (لمسافة، لخطورة و لحواجز)، و ستة د لپوزيصيونات على لأرض لي كيجيو منهوم. كلا وحدة من هاد لپوزيصيونات تقدر تكون أڤونطاج ؤلا عائق.
كيوصف تسعة د لمواقف ؤلا لمراحل خيلال لحملة لعسكارية، و علاياش لكوماندان د لارمي خاصو يركّز باش يدوز منهوم.
كيشرح التخدام لعام ديال السلاح، و تخدام لمحيط براسو كا سلاح. ب لإضافة ل 5 د لأهداف لمومكينة ديال لاطاك، 5 د النواع ديال لهجمات لمعتامدة على لمحيط، و كيفاش خاص تكون الستيجابة ل هاد النواع د لهجمات.
كيركز على لأهمية ديال خلق مصادر د لمعلومات لموتوقة، و خمسة د النواع د التاجسّوس و كيفاش لواحد يقدر يجيري كلا واحد منهوم.
- ↑ "Britannica, Sunzi". Archived from the original on 2023-10-10. Retrieved 2022-12-24.
- ↑ The Art of War, The Book of Lord Shang. Translated by يووان شيبينݣ، ج.ج.ل. دويڤينداك. Wordworth Editions Limited. 1998.
- طرجامة ب النݣليزية ديال ليونيل ݣايلز
- النص لأصلي ب الشينوية (معا طرجامة نݣليزية)
- طرجامة ب لعربية ديال رؤوف شبايك
 هادي زريعة ديال مقالة خاصها تّوسع. تقدر تشارك ف لكتبة ديالها. |