لعربي بن مبارك
لعربي بن مبارك
| |||
 | |||
| معلومات عامة | |||
| زيادة | 16 يونيو 1917 الدار البيضا | ||
| لموت | 16 شتنبر 1992 (75 عام) الدار البيضا | ||
| لجنسية | لمغريب | ||
| لحرفة | كوايري و مدريب د لكورة | ||
| لّوغات لي كيعرف | تاشلحيت، الداريجة لمغريبية، صبليونية و لفرانساوية | ||
| رياضة | |||
| رياضة | كورة | ||
| پوسط | وسايطي | ||
| لجنسية رّياضية | فرانصا | ||
| لفراقي | |||
|---|---|---|---|
| أعوام | فرقة | ماتشات | بيوتا |
| 1938–1954 |  منتخب فرنسا
| 19 | (3) |
| 1945–1948 | نادي فرنسا
| 87 | (43) |
| لفراقي | |||
| 1935–1936 |  تيحاد رياضي لمغربي
| - | |
| 1936–1938 | تيحاد رياضي لمغربي
| - | |
| 1938–1939 | ؤلمپيك مارساي
| 30 | (10) |
| 1940–1945 | تيحاد رياضي لمغربي
| - | |
| 1948–1953 |  أتلتيكو مدريد
| 113 | (56) |
| 1953–1955 | ؤلمپيك مارساي
| 32 | (13) |
| 1955–1956 |  اتحاد بلعباس
| - | |
  | |||
لعربي بن مبارك (عاش مابين 16 يونيو 1914 - 16 شتنبر 1992 من الدار البيضا) كوايري مغريبي لعب معا فرانسا. كان اللول اللي تسما لجوهرة السوداء.[1]
تزاد لعربي بن مبارك ف 1914 ف مدينة الدار البيضا و كبر يتيم. بدا تايخدم ف تانجارت و كان تايلعب لكورة ف الدروبا ديال كازا. بدا معا النادي ديال إتحاد لمغريبي فين كانو تايلعبو بزاف ديال لفرانساويين يامات لحماية علا لمغريب.
مشا يلعب مع أولمبيك مارسيليا مابين 1938 و 1939 و ماركا شي 12 بيت و تكلاصاو التانيين. تما فين بززو عليه يلعب مع فرانسا ضد الطاليان ف دجنبر 1938. بسباب لحرب لعالمية التانية حبسات لبوطولا د فرانسا خمس سنين. مبعد لعب مع فرقة جديدة سميتها صطاد فرانسا. و مابين 45 و 46 عاونهوم باش يطلعو لبوطولا اللولا.
جاه واحد لعرض من أتلتيكو مدريد مابين 1948 و 1949. لعب معاهم و ربحو لبوطولا مابين 1949 و 1950 وحتا مابين 1950 و 1951. مبعد 1953 مشا لعربي من مدريد و رجع ل مارسيليا.
بززو عليه لفرانساويبن يلعب معا لمنتخب ديالهم و لعب معاهم 18 مرة و ماركا 3 ديال لبيوتا. تعرف تما بسميت الجوهرة السوداء (بلفرانساوية: la perle noire).
مبعد ما لعب مابين 1955 و 1953 عتازل لعربي لكورة مبعد 17 عام ف ؤروپا. لجامعة ديال فرانسا دارتو مابين ربعا لواعرين للي لعبو معا لمنتخب مبعد زين الدين زيدان و كوبالا و ميشيل بلاتيني.
مللي عتازل رجع للمغريب باش يدرب لإتحاد الرباطي و مبعد النجم البيضاوي. كان اللول اللي درب لمنتخب ديال لمغريب.
لعربي بن مبارك هو واحد من الكوايريا لمغاربا اللي معروفين بزاف ف لمغريب بحال محمد التيمومي، عزيز بودربالة، وبادو الزاكي.
عاش بوحدو فلخر ديال حياتو حيت مات مراتو لفرانساوية قبل ما يموت هو عام 1992.
- العربي أو مصير أسطورة كرة القدم: فيلم ديال دريس لمريني عام 2011.
 |
ويكيميديا كومنز عندا تصاور و معلومات على لعربي بن مبارك. |