لحرب لأهلية الصاموية اللولة
لحرب لأهلية الصاموية اللولة هي حرب طرات فݣزاير صاموا مابين 1886 و1894.
لحرب طرات مابين جوج دلفراقي فصاموا، وكانت على شكون غادي ياخد لحوكم فلبلاد، واش لأمير ماتاآفا يوسيفو أولا لقايد مالييطوا لوپيپا هو اللي غادي يكون ملك على لبلاد. فهاد لحرب تدخل لعسكر ديال ألمانيا بزاف دلخطرات، وكانت حرب فلبحر مابين لميريكان وألمانيا ولمملكة لمتحدة. ومن مورا ماشتتات عاصيفة نهار 15 مارس 1889 وهرسات ستة دلپاريخات ألمانية وميريكانية. تافقات هاديك لبلدان باللي ماليتوا لوپيپا هو اللي غايكون لماليك.[1]
تزاد التوتر معا لميريكان فاش لقصف ديال ألمانيا لشي ڤيلاجات كانو معا ماتاآفا يوسيفو، وتسبب هاد لقصف فالترياب ديال شي ديور ميريكانية ف1887. واحد لمعراكة فشتنبر 1888، واللي كان سبابها عاوتاني قصف ديال ألمانيا، جابت الربحة للمحاربين ديال يوسيفو اللي شفرو وخسّرو لغلة ديال لألمان.[2] فݣاع لحرب كانو لپاريخات ديال ألمانيا ولميريكان وبريطانيا شابكينها فلبحر. فاللخر تافقو باللي لوپيپا هو اللي غادي يكون ماليك على لݣزاير دصاموا من مورا ما جات عاصيفة كبيرة هرسات لباطوات ديالهوم فلمرسى ديال أپيا. هادشي خلا لحرب مابين لقوى لمجهدين تحبس.[3] واخا هكاك بقات لمدابزة حتى ولّا ماليتوا لوپيپا ماليك مرّة خرة.
مقالة متعمقة: لحرب لأهلية الصاموية التانية
من بعد ما فاتت تسع سنين، وفاش مات لوپيپا، شعلات تاني فݣزاير صاموا ف1898، واخّا هاكداك سالات هاد لمدابزة دغيا بالتقسيمة ديال لݣزاير ف1899 على حساب ليتيفاقية التلاتية، اللي عطات صاموا دالشرق للميريكان وصاموا دلغرب لألمانيا.
- ^ Editor. "Samoan Showdown – Germany Risks War With America In The 1880s | Militaryhistorynow.com". مأرشيڤي من لأصل ف 2014-10-18. تطّالع عليه ب تاريخ 2016-03-29.
- ^ Kohn، George C (1986). Dictionary of wars, Third Edition. Facts on File Inc, factsonfile.com. pp. 479–480. ردمك 0-8160-6577-2. مأرشيڤي من لأصل ف 2023-05-27. تطّالع عليه ب تاريخ 2021-07-07.
- ^ Stevenson, Robert Louis (1892). A Footnote to History: Eight Years of Trouble in Samoa. BiblioBazaar. ردمك 1-4264-0754-8.