لحبس د قلعة مڭونة
لحبس د قلعة مڭونة، ولاّ لحبس د لقلعة كان واحد لحبس سري جا ف قلعة مڭونة ف لمغريب، تخدّم ما بين 23 أكتوبر 1980 و 12 يونيو 1991، و تحبسو فيه تقريبا 400 واحد لأغلبية ديالهم من لجنوب.[1]
كاينا مقبرة حدا هاد لحبس، مدفونين فيها الناس اللي ماتو ف لوقت اللي كانو مسجونين تما.
لأصل ديال هاد لحبس كان هو قشلة د لعسكر د فرانسا، تبنات ف لوقت د لإستعمار. ف 1980، قررات الدولة باش ترحل شي معتقلين من لحبس د أڭدز، و دّاتهم لهاد لقشلة.
ف 1993، سوّلات الصحفية لفرانساوية آن سانكلير لماليك لحسن التاني على ها لحبس، و هو يقوليها باللي ما كاينش، و باللي "قلعة مڭونة هي لعاصمة د لورد".[2]
ف 2009، خرّج محمد النضراني وعبد الرحيم لقنوسي كتاب بلفرونسي على لوقت اللي دوّزوه ف هاد لحبس، سمّاوه "لعاصمة د لورد".[3]
- ↑ "المعتقل السري قلعة مكونة - ماپين مينا". Archived from the original on 2022-08-04. Retrieved 2022-08-04.
- ↑ "آن سنكلير تحكي كواليس حوارها مع الحسن الثاني - لوديسك (2021)". Archived from the original on 2022-08-04. Retrieved 2022-08-04.
- ↑ "رواية "عاصمة الورود" أو تسع سنوات من الاعتقال بين أحضان الشوك - رويترز (2009)". Archived from the original on 2023-03-30. Retrieved 2022-08-04.
 هادي زريعة ديال مقالة خاصها تّوسع. تقدر تشارك ف لكتبة ديالها. |