محمد النضراني
محمد النضراني
| ||
| معلومات عامة | ||
| زيادة | 1954 (69/70 عام) | |
| لجنسية | لمغريب | |
| لحرفة | مخرج د لأفلام، فنان د لڭرافيك، كاتب و سيناريست | |
| لّوغات لي كيعرف | الداريجة لمغريبية و لفرانساوية | |
محمد النضراني (بلأمازيغية: ⵎⵓⵃⴰⵎⴻⴷ ⵏⴷⵔⴰⵏⵉ - تولد ف 1954 ف الجبال د الريف[1]) كتاتبي و سيناريت و رسام د لكاريكاتير ومخرج مغريبي. ّتعرف ملّي خرّج لكتاب د "لعاصمة د لورد" ف 2009 هو و عبد الرحيم لقنوسي، على التسع سنين اللي دوزو بلا ما يتحاكمو ما بين لحباسات السرية د أڭدز و قلعة مڭونة، من 12 أبريل 1976 ل 31 دجنبر 1984.[2]
تولد محمد النضراني ف الجبال د الريف، و بقا تمّا تا دار 9 سنين. موراها مشا مع لعائلة لخريبݣة، فين كان خدّام ابّاه ف لمكتب الشريف د لفوسفاط. من مور ما خدا لباك، مشا يقرا ف لكلية ديال لفلسفة ف الرباط، و لكن ما كمّلش قرايتو حيت قبطاتو الدولة وتّخطف لحباسات سرية ف لجنوب الشرقي د لبلاد. السباب علاش تقبط هو حيت كان مناضل د ليسار ف ديك الساعات.
ملّي كان ف لحبس، لقا النضراني واحد لمرّة طرف ديال لفاخر، ربطو مع السيور د صباطو، وبدا تيديرو ف لقهوة و يرسم بيه.[3] هاكداك كتاشف باللي تيعجبو يرسم.[4]
محمد النضراني عندو بزاف د لإنتاجات لمعروفة ف لمغريب، منها:
- التوابيت لمعقدة د لإختفاء لقسري (2005)[5]
- لأمير عبد لكريم (2008)[6]
- لعاصمة د لورد (2009) - مع عبد الرحيم لقنوسي
- على خطى لفوسفاط (2018) - وثائقي
- أنوال - فيلم على عبد لكريم لخطابي - كتب السيناريو ديالو
- ^ "محمد النضراني - الرسم ولا لحماق". مأرشيڤي من لأصل ف 2023-03-30. تطّالع عليه ب تاريخ 2023-03-30.
- ^ "ف طريق لفوسفاط - محمد النضراني - لواحد (بلفرانساوية)". مأرشيڤي من لأصل ف 2023-03-30. تطّالع عليه ب تاريخ 2023-03-30.
- ^ "رواية "عاصمة الورود" أو تسع سنوات من الاعتقال بين أحضان الشوك - رويترز (2009)". مأرشيڤي من لأصل ف 2023-03-30. تطّالع عليه ب تاريخ 2023-03-30.
- ^ "لمغريب - لعيشة ديال معتقل سياسي ف الرسيم - يابلادي (بلفرانساوية)". مأرشيڤي من لأصل ف 2023-03-30. تطّالع عليه ب تاريخ 2023-03-30.
- ^ "محمد النضراني - التقافة د إفريقيا (بلفرانساوية)". مأرشيڤي من لأصل ف 2023-03-30. تطّالع عليه ب تاريخ 2023-03-30.
- ^ "محمد النضراني - لامبيك (بلينݣليزية)". مأرشيڤي من لأصل ف 2022-11-24. تطّالع عليه ب تاريخ 2023-03-30.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |