لحامونية

من ويكيپيديا
اذهب إلى التنقل اذهب إلى البحث
لحامونية
معلومات عامة
زيادة 1 يوليوز 1937
آسفي
لوفاة 2 يوليوز 2013 (76 عام)
الدار البيضا
سباب لموت مرض تنفسي (ar) ترجم
لجنسية لمغريب
لميهنة مغنية
معلومات خرى
ستيل شعبي مغربي (ar) ترجم
لألة صوت بشري (ar) ترجم


لحامونية، و سميتها لحقيقية فاطمة الكوط (خلاقت ف دوار حامون ف شّياضمة ف 1937 و توفات ف 2 يوليوز 2013 ف آسفي[1]) مغنية مغريبية د لعيطة و كاتعتابر من سميات لكبار د لعيطة لحصباوية ف لقرن لعشرين، هي و فاطنة بنت لحسين، و كانت عندها مسيرة فنية كبيرة بدات من عوام 1950.

حياتها[بدل | بدل لكود]

فاطمة خلاقت ف شّياضمة و توجات ولد عمها لّي داها معاه و سكنو ف الصويرة. هاد جّواج ما كملش و تفارقو. من بعد مشات ل آسفي و تما دخلات ل مجال لعيطة ف رّباعة ديال الشيخ الجيلالي العبوشي الرحماني لّي كان من شّيوخ لكبار د لعيطة ف عبدة.

لحامونية تعلمات بزاف من الشيخة عبوش الهداوية لّي كانت أستاذة و قدوة ديالها و هي لّي علماتها لأصول د لعيطة و لميزان و لقصايد د هاد نّوع لفني.

تجوجات فاطمة ب الشيخ الجيلالي و كملو ربعين عام د لعشرة و كونو مجموعة د لعيطة مع ناس حرايفية كبار بحال الشيخ الكاوي و الشيخة المعاشية و الشيخة السعدية. الحامونية كان كايميزها تّنوع لكبير ديال نّواع د لعيطة لّي كانت كاتغني و لهتيمام ديالها باش تحافظ على لأصالة و لغنا د شلا براول و و رفود صعيبة لا من حيت لكلام و لا لميزان، زيادة على "تّويشيات" لخفاف ديالها لّي بقاو مخلدين ف سمع ديال لمغاربة لّي عزيزة عليهوم لعيطة، بحال تويشية "يانا يانا".[2]

لحامونية كانو دواقة ديال لعيطة كايلقبوها ب "حانوت العطار" حيت كانت كاتضبط بزاف ديال نواع د لعيطة:

  • لعيوط لعبدية: "كبة الخيل"، "خربوشة"، "رجاني ف العالي"
  • لعيوط د سطات و الشاوية، لّي كاتسما ب القيبالي: "الشاليني" و "جنب سطات".
  • لعيوط لبيضاوية: "ماشتو لغزال"، "الحداويات"، "اللي بغا حبيبو"
  • براول الشياضمة

مصادر[بدل | بدل لكود]

  1. الفنانة فاطمة الحامونية في ذمة الله
  2.   رحيل «حبيبتي» الحامونية (1937-2013)