لألفية 2 قبل لميلاد
| ألفيات: | |
|---|---|
| قرون: |
ب الزرق: التقافات لي طوّرات دولة
ب الليموني: تقافات زراعية متطورة
ب لخضر: تقافات زراعية بسيطة
ب لقوقي: تقافات ديال الرحال
ب الصفر: تقافات ديال الصيادا لميخالا (كيعيشو من الصيد و جمع التمار)
ب لبيض: بلايص باقي ماساكنش فيهوم بنادم
لألفية التانية قبل لميلاد هي ألفية ف لفترة د قبل لميلاد. بدات عام 2000 قبل لميلاد و سالات عام 1001 قبل لميلاد (من لقرن 20 قبل لميلاد تال لقرن 11 قبل لميلاد).
ف هاد لألفية، الشرق لأوسط دار التحول ديالو من لعصر لبرونزي لوسطاني ل لعصر لبرونزي لمعطّل. لحضارات لي سيطرو تماكين ف النص اللول د هاد لفترة هوما لحضارة لبابيلية ف لعراق، و لمملكة لوسطانية د مصر. ف هاد لألفية تم تطوير لألفبائية (لحروف د لكتابة).
لحضارة لميكينية ف ليونان و لإمبراطورية لحيتية بانو ف النص د هاد لألفية.
ف اللخر د لألفية، طرا النهيار د لعصر لبرونزي لمعطل، لي ماتو فيه بزاف د لحضارات و لإمبراطوريات، و كان مرحلة نتيقالية ل لعصر د لحديد. بلايص خرين ف لعالم كانو باقين متخلفين حضارياً، و مازالو كيعيشو ف عصور لقبلتاريخ.
ف هاد لألفية، التعداد د بنادم ف لعالم وصل أول مرة ل 100 مليون.[1]
- جوايه 1700 تال 1300 ق.م: لبني ديال لقصر لي كاينين لبقايا ديالو ف كنوصوص، ف جزيرة كريت، ليونان
- جوايه 1600 ق.م: تفرڭيعة ديال بركان مينون لي سبب خراب كبير ف لڭزاير د إيجا
- جوايه 1600 تال 1360 ق.م: لمصريين لقدام كانو مسيطرين على بلاد كنعان و سوريا
- جوايه 1575 ق.م: هجوم ديال النوبيين من مملكة كيرما على مصر
- 1520 ق.م: مصر سيطرات على نوبيا (السودان دابا).
- جوايه 1500 ق.م: بركان ڭزيرة ثيرا، طيحة ديال نيزك ف إسطونيا لي دار لحفرة د كرالي، شعب لبانتو توسعو ف إفريقيا لوسطانية، الشرقية و الجنوبية.
- 1478 ق.م: معراكة ماڭيضو بين لمصريين لقدام و لكنعانيين.
- 1274 ق.م: معراكة قادش مابين لمصريين لقدام و لحيتيين.
- 1269 ق.م: لماليك رمسيس التاني د مصر، و خاتوشيلي التالت د لإمبراطورية لحيتية سناو معاهدة سلام.
- جوايه 1250 ق.م: طروادة تدمرات ل لمرة السابعة و اللخرة.
- 1045 ق.م: تأسيس سلالة دجو ف الشينوا.
- ^ "World Population Growth". مأرشيڤي من لأصل ف 2023-07-09. تطّالع عليه ب تاريخ 2023-01-27.