قوس النصر (وليلي)
قوس النصر (وليلي)
| ||
.jpg)
| ||
| معلومات عامة | ||
| نوع | قوس النصر، معلم تذكاري و موقع أركيولوجي | |
| لبلاد | لمغريب | |
| لموضع | وليلي | |
| لمدينة | وليلي | |
قوس النصر د كاراكالا ؤلا قوس كاراكالا معلمة تاريخية جات ف وليلي، جهة فاس مكناس. هو قوس د النصر لي تدار كا تشريف ل لإمبراطور الروماني كاراكالا Caracalla (حكم مابين عوام 198 و 217) و مّو يوليا ضومنا Julia Domna.[1]
لقوس جا علا عرض دّيكومانوس ماكسيموس (شّاريع رّئيسي)، ؤ كيفصل ما بين طّرف لقديم د لمدينة لّي تّبنا ب سّتيل ليوناني لبونيقي، ؤ لحي لّي تّبنا ب سّتيل رّوماني. بناوه لوليليين كا تكريم ل لإمبراطور كاراكالا، بعدما عفاهوم من ضّرائب، ؤ ف لقديم كان مزوّق ب تّماتيل ديال لفصول رّبعة ؤ تمتال ديال كاراكالّا راكب علا كرويلة مدهّبة ؤ كيجرّوها ستة د لعودانات.
لقوس د النصر و لباسيليكا هوما لمعالم لوحيدة ف وليلي لي كانو باقين واقفين ملي بداو لعولاما د لأركيولوجيا لأبحات د لحفير ف وليلي. لقوس تم تّرميم ديالو ما بين 1930 ؤ 1934، ولاكين ماشي ف الشكل لأصلي ديالو.[2]
قوس كاراكالّا تّبنى ب بلوكات د لحجر مقطّعين و مستّفين مزيان. ف لحالة ديال دابا، لعلو ديال لفتحة د لقوس واصل ل 8 ميترو و لعرض ل 5,87 ميترو. الضورة د لقوس مزوّقة ب ببّوشيات torsade و الساروت ديالو (لحجرة لوسطانية د لقوس) خارجة بزاف. ف لڭدم ديالو كاينة كرنيزة corniche لي ضايرة على الركايز، و هاد الستيل كان مخدّم من لقرن 2 ميلادي. كلا ركيزة فيها محراب niche ف السقف ديالها ب قنيتة محلولة، لي ف لغالب كانو فيها تماتيل ديال أرباب قدام عندهوم علاقة ب لما بحال لحوريات د لبحر ؤلا ڤينوس لبحرية، حيت واحد التقابي تماك كانو كايخرّجو لما لي كايصب ف حوض.[ن 1]
- ^ ريموند توڤنو (1949). Volubilis (ب لفرانساوية). الرباط (منشور 2014). pp. 37–39.
- ^ "World Heritage List, Volubilis, Morocco, N 836". ليونيسكو (ب نڭليزية).