انتقل إلى المحتوى

عدنان الرمّال

من ويكيپيديا
عدنان الرمّال
معلومات عامة
زيادة6 فبراير 1962 (64 عام)
فاس
لجنسيةلمغريب
لحرفةؤستاد جاميعي و عالم د البيولوجيا
لّوغات لي كيعرفعربية و لوغات أمازيغية
لجوايز


عدنان الرمّال (بالفرونصي: Adnane Remmal) هو پروفيصّور د الفارماكولوجي مغريبي ؤ باحت علمي كبير ؤ موقاويل فالضومين د البيولوجيا فالجامعة د فاس.[1] تزاد ف 6 فبراير 1962 ف فاس فالمغريب.[2] الخدمة ديالو كاتركّز على مقاومة الميكروبات للونتيبيوتيك اللي هي وحدة من أهم الحاجات اللي كاتهدد الصحة العامة د البشر ف الدول النامية ؤ اللي ف طريق النمو.[1] من الحاجات اللي نجح فيهم هو بلي بروڤطا واحد التركيبة فارماسوتية اللي كاتبوسطي لونتيبيوك ضد الباكتيريا المقاومة للونتيبيوتيك،[3] ؤ واحد لالطيرناتيف اللي كاتخدّم ف بلاصة لونتيبيوتيك فالعلف د الدجاج.[4] ف 2017 خدا جائزة من عند المكتب لوروپي د البروڤيات European Patent Office (EPO) ف صنف الجائزة الشعبية (اللي كاتقرر بالتصويت). الرايس د EPO بونْوا باتيسطيلّي صرّح باللي "التصويت د الپيبليك ل عدنان الرمّال هو اعتراف للمساهمة ديالو ف المقاومة د الخطر د المكارب المقاومة للونتيبيوتيك اللي غادي ؤ كايكبر."[5]

الجوائز ؤ التشريفات

[بدل | بدل لكود]
  • 2015: الپروفيصّور الرمّال خدا جائزة الإبداع على ود إفريقيا من عند الفونضاصيو د لإيبداع لإيفريقي اللي كاينة ف سويسرا.[6][7]
  • 2017: االلپروفيصّور الرمّال ربح جائزة لإيبداع لأوروپي اللي كاينظمها مكتب لبروڤي لوروپي European Patent Office (EPO) ف الكاطيݣوري د الجائزة الشعبية (حيت بالتصويت الشعبي).[1]
  • 2017: ملك المغرب محمد السادس وشّح الپروفيصور الرمال ب أعلى تشريف فالمملكة اللي هو الوسام العلوي الشريف د "الكفاءة الفكرية" على ود لإينجازات العلمية ؤ لأكاديمية الكبيرة ديالو.[8]

الحياة ؤ القراية

[بدل | بدل لكود]

عدنان الرمّال تزاد ف مدينة فاس فالمغريب ف فبراير ف 1962.[2] ؤ قرا فالمغريب تال للعام التاني د لافاك. ف 1982، تأكسيبطا باش يكمّل قرايتو الصونطر العلمي المرموق د ؤرصاي (جامعة پاري 6 University of Paris XI). ف 1984، خلط على الفرقة د الپروفيصور إدوارد كورابوف Edouard Coraboeuf اللي خدا عندو الماستر ف ليليكطروفيزيولوجيا ؤ الفارماكولوجيا القلب-شريانية.[1] موراها خلط على الفرقة د الپروفيصور فيليپ ماير Philippe Meyer ف سبيطار نيكر Necker ف پاري باش يدير الدكتورا ديالو فالفارماكولوجيا ؤ موراها رحل من فرانسا ؤ رجع فحالاتو للمغريب فين بدا كايدير البحت العلمي. ف ديك الوقيتة كان ديجا واعي بالخطورة د المقاومة د لونتيبيوتيك على لبلاد ؤ العالم.

الكاريير

[بدل | بدل لكود]

ف 1988، الپروفيصور الرمّال ولا پروفيصّور ؤ باحت ف الجامعة د فاس فالمغريب فين كان كايقرّي شلّا مودولات بحال البيولوجيا، الميكروبيولوجيا، ؤ البيولوجيا الموليكولية.[9] فالبدايات د البحت ديالو ف موضوع المقاومة للونتيبيوتيك، كان كايكولابوري مع باحتين من المغريب ؤ مؤسسات عالمية.[9] الأعمال اللولين ديالو فالبحت الأساسي على المفعول المضاد للميكروبات د الزيوت الأساسية خلاتو ياخد الدكتورا التانية فالميكروبيولوجيا ف عام 1994 (من جامعة فاس).

هادي سنين طويلة ؤ الپروفيصور الرمّال سخّر البحت العلمي ديالو باش يطوّر دوايات ملموسين ؤ نافعين يداوي بيهم المراض اللي تعاداو ب ميكروبات ما كاتاكلش معاها الدوايات الموجودين، زيادة على حلول اللي كاتمنع المقاومة د الميكروبات للدوايات اللي كاتسبب فيها الشتلة د الماكلة اللي كاينة دابا فالفيرمات. ف ݣاع هاد السنين، عدنان الرمّال نشر عرّام د لوراق البحتية ؤ عاون ف التدريب د بزاف د الباحتين الشباب فالماستر ؤ الدكتورا ديالهم ؤ اللي دابا ولاو أكتيف ف بزاف د المراكز د البحت فالمغريب ؤ على برّا.[9]

الرمّان كان شريك فالتأسيس د شركة "التطوير العلمي المتقدم" Advanced [1] Scientific Developments (ASD) ؤ اللابو الصناعي د منتوجات الفلاحة ؤ البيطرة Industrial Laboratory of Agricultural and Veterinary Products (LIPAV).[10] شركة ASD حطات ربعة د البروڤيات باش تحمي الكونصيبط د البوسطاج د العومالا اللي ضد المعادية.[11] شركة ASD دخّلات استتمارات باش يعاونوها تكمّل البحت ف الميكانيزم د البوسطاج ؤ باش تدير تجاريب قبل-من-كلينية ؤ كلينية د الدوايات د البوسطاج.

مصادر

[بدل | بدل لكود]
  1. 1 2 3 4 5 "Adnane Remmal (Morocco)". www.epo.org (ب الإنجليزية). European Patent Office. Archived from the original on 2022-01-17. Retrieved 2021-03-23.
  2. 1 2 "ADNANE REMMAL – Festival de Fès 2018" (ب American English). Archived from the original on 2023-06-11. Retrieved 2019-10-22.
  3. ↑ MA 40372, موضيل:Cite patent/authors, "Formulation pharmaceutique de cineol et d'amoxicilline [Pharmaceutical formulation comprising cineole and amoxicillin]", published 2019-03-29, assigned to Advanced Scientific Developments
  4. ↑ EP 1879655, موضيل:Cite patent/authors, "Pharmaceutical composition comprising an anti-bacterial agent and an active ingredient selected from carveol, carvacrol, alpha-ionone, beta-ionone, and thymol", published 2014-11-26, assigned to Advanced Scientific Developments
  5. ↑ "Moroccan pharmacologist Adnane Remmal receives European Inventor Award for his invention of antibiotics "boosted" with essential oils". www.epo.org (ب الإنجليزية). European Patent Office. Archived from the original on 2023-02-06. Retrieved 2021-03-23.
  6. ↑ "Moroccan wins African Innovation Foundation $100k prize". Disrupt Africa (ب British English). 2015-05-14. Archived from the original on 2023-06-06. Retrieved 2021-03-23.
  7. ↑ Administrator. "AIF Home". African Innovation Foundation (ب British English). Archived from the original on 2022-10-11. Retrieved 2021-03-23.
  8. ↑ "الملك يوشح الرمال وبنصر بوسام "الكفاءة الفكرية"". Hespress - هسبريس جريدة إلكترونية مغربية (ب العربية). 2017-07-30. Archived from the original on 2023-06-05. Retrieved 2023-06-05.
  9. 1 2 3 "Adnane REMMAL". scholar.google.com. Archived from the original on 2023-07-18. Retrieved 2021-03-23.
  10. ↑ "Australia Africa Conference" (PDF). Archived (PDF) from the original on 2023-03-09. Retrieved 2023-06-05.
  11. ↑ "Google Patents". patents.google.com. Retrieved 2021-03-23.
مرجّعة من "https://ary.wikipedia.org/w/index.php?title=عدنان_الرمّال&oldid=448371"