كونصيپط

من ويكيپيديا

لكونصيپط ؤلا لمفهوم (النڭليزية ؤ لفرانساوية: Concept) (لعربية: مفهوم) هو واحد لفكرة مجردة. لكونصيبطات هوما الساس ؤلا الياجور للي كا يتكونو منهم لمبادئ، التفكير ؤ لمعتقدات. كايلعبو دور مهم ف لعريف (النڭليزية: Cognition). على هاد لاساس، لكونصيپطات كا تدرسهم بزاف ديال الديسيپلينات بحال: اللسانيات، السيكولوجيا، الفلسفة. ؤ هاد الديسيپلينات كاتهتم ب الهيكل لمنطيقي ؤ السيكولوجي د لكونصيپطات، ؤ كيفاش كايتحطو مع بعضياتهم باش يكونو أفكار ؤ جوملات. الدراسة د لكونصيپطات كانت عتبة للي من فوقها خرجات للوجود واحد لمقاربة متعددة-الديسيپلينات سميتها لعولوم لمعرفية.

ف الفلسفة لمعاصرة، كاين عالاقل ثلاثة ديال الطرقان الشايعين ديال كيفاش نفهمو أشناهو لكونصيپط:

  • لكوصيپط كا تصور عقلي: فين لكونصيپطات كايكونو كيانات موجودة ف لعقل (كسدات عقلية)
  • لكونصيپط كا قدرات: فين لكونصيپطات كايكونو عبارة على قدرات خاصة ب لعومالا لمعرفيين (لحالات لعقلية)
  • لكونصيپط كا حاسة د معاني د فريڭي (ف تّصور ديال لفيلسوف لألماني ڭوطلوب فريڭي): فين لكونصيپط كايكون عبارة على كسدة مجردة بعكس لكسدات لعقلية ؤ لحالات لعقلية.

لكونصيپطات ممكن يتنضمو ف واحد السلوم هيراركي، فين النيڤووّات للي من فوقو كاتسمى "الدرجة لفوقانية" ؤ النيڤووّات من تحتو كاتسمى "الدرجة التحتانية". زيد عليها، كاين النيڤو "أساسي" ؤلا "وسطاني" للي أغلب الناس ممكن يعرفو فيه شي كونصيپط. مثلا: "لكرسي" مثال ديال كونصيپط د نيڤو أساسي للي الدرجة الفوقانية ديالو هي "أتات" ؤلا "فراش" ؤ الدرجة التحتانية ديالو هي "كرسي د البيرو".

التصور ديال لكونصپط د شجرة. التصاور الربعة لفوقانيين د شجر ممكن يتختاصرو تقريبا ف واحد لجينيرالزاسيون (تعميم) ديال لفكرة د شجرة كيما مصورة التحت.

لكونصيپطات ممكن تكون مضبوطة ؤلا مامضبوطاش. فاش لعقل كا يدير واحد الجينيرالزاسيون بحال لكونصيپط د شجرة، كا يخرج وجوه الشبه بين بزاف د لأمثلة د داك الكونصيپط؛ التبسيط داك لكونصيپط كا يمكّن من التفكير على نيڤو عالي. واحد لكونصيپك كايتجسد بڭاع التجسيدات ديالو الكاينة ؤ لممكنة، سوا كانو حاجات ف لعالم لحقيقي ؤلا أفكار.

لكونصيپطات كا يتدرسو كا مكونات د لعريف د بنادم (النڭليزية: Human Cognition) ف لعولوم لمعرفية ؤ الديسيپلينات د اللسانيات، السكولوجيا، ؤ لفلسفة، فين ضاير واحد النقاش على واش لعريف ولابدة يجرى على طريق لكونصيپطات. لكونصيپطات كا تفورميلاو باستمرار ف لماط، لانفورماتيك، الضاطابيزات، ؤ الداكا لصطيناعي. أمثلة د لكونصيپطات د نيڤو عالي ف هاد الضومينات هوما الكلاصات، السكيمات، ؤ لكاطيڭورات. ف الستيعمال العادي د كلمة كونصيپط كا يعني فيكرة.

عيون لكلام[بدل | بدل لكود]

Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.