عبد القادر الرتناني
عبد القادر الرتناني
| ||
| ||
| معلومات عامة | ||
| زيادة | 31 يوليوز 1945 الدار البيضا | |
| لموت | 14 نونبر 2023 (78 عام) الدار البيضا | |
| لجنسية | لمغريب | |
| لحرفة | إديتور، ناشر و كاتب | |
| لّوغات لي كيعرف | عربية | |
عبد القادر الرتناني (مزيود ف 31 يوليوز 1945 ف الدارلبيضا، توفى ف 14 نونبر 2023 ف نفس لمدينة) مسير رياضي و ناشر و صحافي مغريبي.[1][2]
الرتناني كان متخصص ف النشر ديال لكتوبا د الطبلة ب مواضيع بحال لمعمار لأمازيغي،[3] لحيوانات د لمغريب،[4] و السيڭار د كوبا.[5]
كان رئيس ديال الراجا من 11 دجنبر 1984 تال 1989.
الرتناني واخد ماسطر ف لأداب،[6] و كيتّعتابر من الناشرين لمغاربا اللوالا لي نشرو كتوبا ب لفرانساوية، من التمانينات.[7] كان كيناضل على ود تعميم لقراية د لكتوبا ف لمغريب، سيرتو عند الدراري الصغار.[8]
نشر كتر من 60 عنوان على الترات د لمغريب، و ف لمجموع كتر من 600 كتاب ب لعربية ولفرانساوية، لي تباعو منهوم ف لمجموع 1,5 مليون نسخة.
كان عضو ف لمجلس لإداري ديال لمركز لإفريقي د تكوين الناشرين و لمكاتبيا ف تونس لعاصمة من 1992. كان ف شي وقت سيكريتير عام ديال الجمعية د الناشرين لأفارقا لفرانكوفونيين.
الرتناني كان رئيس مؤسس ديال الجمعية لمغريبية د لمهنيين د لكتوبا،[9] و مدير ديال دار النشر La Croisée des chemins.[10] و كان مستشار عند مونضمات دولية بحال لمنضمة لعالمية د لفرونكفونية و ليونيسكو.
من فبراير 2015 كان رئيس ديال إتحاد الناشرين ف لمغريب.
الرتناني كان مسير رياضي ف نادي الراجا من عوام 1980، و أسس لقيسم د لعومان ف النادي. ولّا رئيس د النادي ف 1984، و دّا معاه لبوطولة د لمغريب ف 1988، و الشومپيونا د إفريقيا ف 1989.
- 1993: لوسام لعلوي
- ماي 2011: لميدالية د النقرة من عند الجمعية لأكاديمية د التعليم ف پاري، فرانسا
- يونيو 2013: وسام الشرف د فرانسا[11][12]
- ^ "Grande figure de l'édition marocaine, Abdelkader Retnani le «Roc» tire sa révérence". Le 360 Français (ب لفرانساوية). تطّالع عليه ب تاريخ 2023-11-14.
- ^ "telquel-online.com/archives/49".
- ^ "Salima Naji". تطّالع عليه ب تاريخ 2020-04-09.
- ^ {{Cite web |url="Mes ouvrages!". Site de michel-aymerich !. تطّالع عليه ب تاريخ 2020-04-09.
- ^ "403" (PDF). مأرشيڤي من لأصل (PDF) ف 2014-01-03. تطّالع عليه ب تاريخ 2023-11-18.
- ^ "وفاة عبد القادر الرتناني رئيس اتحاد الناشرين المهنيين بالمغرب". 2023-11-14. تطّالع عليه ب تاريخ 2023-11-18.
- ^ ""Les pessimistes crèvent rapidement» Entretien avec Abdelkader Retnani, PDG d'Eddif"".
- ^ "Abdelkader Retnani, Président de l'AMPL : «Nous avons besoin d'un lobbying marocain pour la culture et le livre»". Maghress. تطّالع عليه ب تاريخ 2020-04-09.
- ^ "Abdelkader Retnani, Président de l'AMPL: Nous avons besoin d'un lobbying marocain pour la culture et le livre". مأرشيڤي من لأصل ف 2018-06-27. تطّالع عليه ب تاريخ 2023-11-18.
- ^ "Wayback Machine". Archived from the original on 2018-06-27. تطّالع عليه ب تاريخ 2023-11-18.CS1 maint: unfit url (link)
- ^ "Wikiwix Archive - Unknown page". Archived from the original on 2014-05-15. تطّالع عليه ب تاريخ 2023-11-18.CS1 maint: unfit url (link)
- ^ Mehdi de Graincourt (نونبر 2013). Légion d'honneur Abdelkader Retnani fait Officier. Citadine n°192 (Report) (ب لفرانساوية). ص. 30.