الرجاء البيضاوي

الرجاء البيضاوي
لفرقة د راجا لبيضاوي ف موسم 2013-2014
معلومات عامة
السمية	الجمعية الرياضية لنادي الرجاء الرياضي Association sportive du Raja Club Athlétic
لكنية	الرجاء العالمي النسور الخضر نادي الشعب لخضراء الوطنية الشياطين الخضر
السمية لمختصرة	RCA
تأسس فـ	1949
لمدينة	الدار البيضا
التيران	ملعب محمد الخامس
سعة التيران	45.000
الشخصيات
الرئيس	عادل هالا
لمدريب	ريكاردو سا پينطو
لهداف دلفرقة	147 هدف: صلاح الدين بصير
لقتيصاد والتدبير
شركة لحوايج	كاپا
لموقع الرسمي	السيت أوفيسييل
ليحصائيات
الدوري	بوطولا 1
لجوائيز	الدوري المغربي (13) كأس العرش (8)
التأهل لقاري	دوري أبطال أفريقيا (3) كأس الكونفيدرالية الأفريقية (2) كأس الاتحاد الأفريقي (1) كأس السوبر الأفريقي (2)
اللبسة الرسمية اللبسة التانية التيشورت التالت

رّاجا لبيضاوي ولا غير رّاجا (ب لعربية: نادي الرجاء الرياضي) هي فرقة مغريبية د كورة مبازية ف دارلبيضا ؤ كاتلعب ف لبوطولا پرو.

تأسسات ف 20 مارس 1949 ف درب سلطان، لفرقة كاتلعب ب لون لخضر ملي بدات. راجا معروفة خصوصا ب نجاح د لفرع ديال كورة، ؤ شعبية داخل ؤ خارج لبلاد. لفرقة كاين لمقر ديالها ف لموركاب د لوازيس فين كاتطريني، ؤ كاتلعب لماتشات ديالها ف تيران محمد لخاميس ملي تحل ف 1955.

لفرقة هي وحدة من لفراقي لي مشجعة بزاف ف لعالام، خصوصا ف إفريقيا. رّاجا هي وحدة من تلاتة د لفراقي لي أسسو لبوطولا ؤ عمرهوم طاحو من لقسم لول ملي بدات ف 1956، معا لويداد لبيضاوي ؤ لجيش لمالاكي. لفرقة عندها بزاف ديال ديربيات، خصوصا ديربي د كازا معا لويداد ؤ لكلاسيكو معا لجيش.

تاريخ الفرقة

مرحلة تأسيس رّاجا: 1949-1956

الماليك محمد الخاميس تيعطي وسام لأب جيݣو

واخا تاريخ ديال رّاجا قريب شوية مقارنة بفراقي خرين ديال كازا، رّاجا كفرقة جا باش يجمع تمنية ديال لفراقي هاوين كاينين فدرب السلطان، وبدات الفكرة باش يكون نادي قوي يجمع هاد الفراقي والمواهب للي فيها، هادشي ماكانش ساهل، وهادشي ماتطبق تال عام 1949، لي جا بعد ماكانو مجموعة د لجتيماعات ف قهوا ديال بويا صالح و قهوة العشفوبي و حتى فمطبعة بن أبادجي، أسسوه مجموعة د المقاومين الوطنيين والنقابيين المعارضين لمغاربة بحال كريم الحجاج والمحجوب بن الصديق مؤسس أول نقابة ف تاريخ لمغريب و محمد المعطي بوعبيد و اللي غايتناوبو على الرئاسة من ورا هادشي.

ولاكن رتابط تأسيس ديال لفرقة بظروف تاريخية سپيسيال شوية، و لعلاقة ديالو مع لأحياء الشعبية المغريبية فمدينة الدار لبيضا مني كانت الحماية الإستعمارية لفرنسية، وفالمرحلة لي بانت الحركة الوطنية د لمطالبة ب لستيقلال فبداية الخمسينيات، و رتباط سّمية ديالو بالأب الروحي د لكرة البيضاوية "محمد بن الحسن التونسي العفاني لمعروف ب (الأب جيكو)"، عطا ل رّاجا شعبية وقاعدة جماهيرية كبيرة. و التجربة ديالو ف الميدان الصحافة ساهمات حتا هيا ف شعبية د رّاجا، كيتعتابر الأب جيكو أول مغريبي عندو ديبلوم رياضي ف ميدان التدريب، اللي حصل عليه ف نّݣليز، ومن اللولين د لمغاربا للي حصلوا على شهادة لبكالوريوس الحديثة، هاذ المدرب اللي غايصنع من بعد طفرة كروية ف رّاجا و لكرة لمغربية بشكل عامة. ݣاع هاذ لأمور خلات لفريق لخضر يّاخد مكانة قوية وتابتة فالقلوب والداكرة ديال مدينة الدار لبيضا واللي عرفات فديك لوقت بزاف لأحداث السياسية والرياضية وكان أهم واحد فيها هو مني جتامع ليلة 19 مارس 1949 المُأسّسين ديال رّاجا ف لقهوا ديال بويا صالح فدرب السلطان باش يأسّوا الفرقة ديال رّاجا لبيضاوي وتافقوا باش تكون الفرقة مستقلة وبعلامة المغربية ماشي فرنسية، وقدروا يوصلوا لصيغة باش يتحايلوا على الشرط اللي وضعوا المستعمر على للي بغاو يأسّوا فراقي رياضية فݣاع دول المغريب الكبير، وهو بلي يكون الرئيس ديال لفرقة فرانساوي، وهاد النقطة هي لأهم ف تأسيس لفراقي الرياضية والإشكالية ديال الاستقلال ديالها فديك لوقت على السلطة وتأتير المستعمر الفرانساوي. ولاكن وصلوا لطريقة دكية باش يتحايلو على هاد القانون، لي جتامعو ف قهوت "بويا صالح" تقدمو بملف طلب تأسيس الفرقة والرئيس هو حجي بن عبّادي الملقب ب"بن أبادجي" الجزائري و أصولو عتمانية، كان من مواليد مدينة تلمسان و عندو جنسية فرانساوية، و ترأّس الفريق ل سَت أشهر.

پالماريس

جوايز د راجا لبيضاوي

بوطولات محلية	بوطولات دولية	بوطولات ودية
بوطولا 1 (13) : بطل : 1988، 1996، 1997، 1998، 1999، 2000، 2001، 2004، 2009، 2011، 2013، 2020 ؤ 2024. كاس لعرش (9) : بطل : 1974، 1977، 1982، 1996، 2002، 2005، 2012، 2017 ؤ 2023.	كاس لعالام د لفراقي : تاني : 2013 دوري أبطال إفريقيا (3) : بطل : 1989، 1997 ؤ 1999. تاني : 2002 كاس لكونفيدرالية (2) : بطل : 2018 ؤ 2021. سوپركوب د إفريقيا (2) : بطل : 2000 ؤ 2019. تاني : 1998 كاس لعرب د لفراقي (2) : بطل : 2006 ؤ 2020. تاني : 1996 كاس شمال إفريقيا د لفراقي (1) : بطل : 2015 بوطولات مابقاوش كاس لكاف (1) : بطل : 2003 كاس أفروأسيوية (1) : بطل : 1998	تورنوا حمد بن بلا (1): بطل : 1962 تورنوا د صداقة د أبها (1) : بطل : 2004 أراب صامر كاپ (1) : بطل : 2007 دوري حمد نتيفي (2) : بطل : 2009 ؤ 2016.

المستشهرين

السنوات	للي كيصايب التوني	سبونسور للي فتوني
1949–1968	none	none
1968–1980	أديداس
1980–1987	بيما
1987–1988		Chimicolor
1988–1989		BMAO مارسا ماروك
1989–1990	يوهلسبور
1990–1995	بيما
1995–1996	Adidas	دانون
1996–1997	يوهلسبور
1997–1998	امبرو
1998–1999	اديداس	لاڤازّا
1999–2000	هوميل	ويستيرغن يونيون Fiat و كوكا-كولا
2000–2001		كوكا-كولا
2001–2002		Asta Tube et Profil
2002–2003	كاپا	Siera Tube et Profil
2003–2008		Siera
2008–2013	للّوطو
2013–2017	اديداس
2017–2021	ليغيا
2021-	كاپّا

سپونصورات

• Transatlas Sport Management
• Siera
• اطلاس للتامين
• ليغيا
• اتصالات لمغريب
• هيونداي
• مارسا ماروك
• Nor'Dar
• Newmerique
• Transatlas Sport Management
• ويستيرغن يونيون
• أو سي پي ݣروب
• آنفينيكس موبيل
• كتبية
• Junkers
• Prodec مؤرشف 2019-10-13 فموقع وايباك ماشين

إحصائيات ومعلومات

ف لمغريب

• الرجا هي لفرقة لوحيدة للي ربحات لبطولا ديال لمغريب 6 المرات متابعة، من لموسم (1995-1996) تال (2000-2001).
• لفرقة لوحيدة لي ربحات ݣاع لفراقي لمغربية ف لمواجهات لمباشرة
• الرجا هي لفرقة لوحيدة لي ربحات لبطولة و خسرات مرة وحدة فعام 1997-1996
• لفرقة لوحيدة للي لعبات 62 موسم ف القسم اللول ف لبطولة لمغربية مع فرقة لوداد

ف إفريقيا

• الفرقة لوحيدة ف لمغريب للي لعبات الفينالات ديال ݣاع البطولات للي لعبات فيهم.
• أول فرقة لعبات الموندياليتو ف البرازيل ف عام 2000 مني ربحات العصبة فعام 1999
• الفرقة لوحيدة للي ربحات العصبة من أول مرة شاركت فيها 1989
• الفرقة الثانية إفريقيا واللولة عربيا للي تأهلات لنهائي الموندياليتو فعام 2013 ولعب ضد بايرن ميونيخ وخسر ب2 ل0
• تعزلات الفرقة كتالت أفضل فريق ف إفريقيا ف القرن 20 حسب الفيفا
• أول فرقة ربحات الأهلي ف تيرانها
• الرجاء هي الفرقة الوحيدة للي تعزلات من بين أفضل 10 الفراقي ف لعالم ف المغرب سنة 2000
• ف سنة 2017 تعزلات الفرقة من بين أحسن 100 فرقة ف تاريخ كرة القدم حسب مجلة فرانس فوتبول

الهداف

الهداف التاريخي لّول د رّاجا هو سعيد غاندي ولاكن عدد لأهداف لي ماركا مامعروفاش حيت ماكانش تاتحفظ فديك لوقت ديال السبعينات. لهداف التاريخي د لفرقة هو صلاح الدين باصير ب 147 بيت ماركاهم من فترة التسعينات و كلهم ف لماتشات الرسمية.

أكثر لاعب مشارك

اللعاب ديال لميليو الدولي لمغريبي لمرحوم عبد المجيد الضلمي أكتر لاعب لعب للراجا ب 568 ماتش رسمي، للإشارة ف آخر ماتش رسمي لعبو مع الفرقة كان ف موسم (1990-1991)، الضلمي هو أكتر لاعب د رجاء و فلمغريب حمل تّوني المنتخب الوطني المغربي. ومن بعد عام من لعتزال ديالو نهائيا، حصل على جائزة اللعب النضيف من منظمة ليونسكو لي عتارفات ب لأخلاق الرياضية لعالية ديالو، وهو أول لاعب ف العالم خداها، و تسنا سنوات طويلة قبل ما يكرموه ف لبلاد ديالو.

المستشهرين و الإعلام

من يونيو 2017، الشركة طّاليانية ليجيا هي لي تاتستورد لمعيدات الرسمية د نّادي، و الرجاء هو لفريق لوحيد ف لمغريب لي كيقتارح تصميم التونيات ديالها.

مواقع خارجية

• الموقع الرسمي ديال الرجاء
• الموقع الرسمي ديال جمهور الرجاء مؤرشف 2012-07-01 فموقع وايباك ماشين

تقدر تزيد شوف بزاف د تّصاور و لمعلومات ديال Raja Club Athletic ف ويكيميديا كومنز.