عبد السلام ياسين
عبد السلام ياسين
| ||
 | ||
| معلومات عامة | ||
| زيادة | 20 شتنبر 1928 مراكش (لمغريب) | |
| لموت | 13 دجنبر 2012 (84 عام) الرباط (لمغريب) | |
| طريقة دلموت | موتة طبيعية | |
| سباب لموت | قيمة مجهولة | |
| لجنسية | لحماية لفرانساوية على لمغريب لمغريب | |
| لحرفة | سياسي، كاتب، معلّيم، موظف حكومي و داعية | |
| لّوغات لي كيعرف | تاشلحيت، عربية، لفرانساوية و نڭليزية | |
| لفاميلة | ||
| لولاد | نادية ياسين | |
| لإتنية | شلوح | |
| معلومات خرى | ||
| دين | إسلام | |
| تأتر ب | لمختار السوسي | |
عبد السلام ياسين (تولد ف 20 شتنبر 1928 ف مراكش - مات ف 13 دجنبر 2012 ف الرباط) كان هو لمؤسس و لمرشد لعام ديال وحدا من أكبر لجماعات لإسلامية ف لمغريب، اللي هي "لعدل و لإحسان".[1]
عبد السلام ياسين تعرف بلبرية اللي صيفط للحسن التاني ف 1974 (لإسلام ولا الطوفان)، و اللي دخّلاتو تلت سنين و نص للصبيطار د لحماق. ملي مات لحسن التاني و جا ولدو محمد السادس، صيفطليه ياسين تا هو برية سماها "لمن يهمه الأمر".[2]
تولد عبد السلام ياسين ف مراكش و كبر فيها. ف 1947 دخل للمدرسة د تكوين لمعلمين، و خدم معلم. موراها طلع ف لڭراد و ولاّ أستاد و مفتش و مدير.
دخل عبد السلام ياسين للزاوية لبودشيشية ف صغرو، ولكن تدابز مع الشيخ ديالها، و داكشي علاش خرج منها و أسس جماعة ديالو، اللي كان باغيها تكون جماعة ضد لعنف، و تسمّات ف 1985 الجماعة د لعدل و لإحسان.
كتب عبد السلام ياسين بزاف د لكتوبا، منهم:
- الإسلام بين الدعوة والدولة (1971)
- الإسلام أو الطوفان (1974)
- نظرات في الفقه والتاريخ (1990)
- حوار مع صديق أمازيغي (1997)
- ↑ "عبد السلام ياسين - لجزيرة (2014)". مأرشيڤي من لأصل ف 2022-03-20. تطّالع عليه ب تاريخ 2022-03-20.
- ↑ "عبد السلام ياسين - لجزيرة (2012)". مأرشيڤي من لأصل ف 2023-08-20. تطّالع عليه ب تاريخ 2022-03-20.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |