سعيدة المنبهي
سعيدة المنبهي
| ||
| ||
| معلومات عامة | ||
| زيادة | شتنبر 1952 مراكش | |
| لموت | 11 دجنبر 1977 (25 عام) الدار البيضا | |
| طريقة دلموت | إضراب عن الطعام | |
| لجنسية | لمغريب | |
| لحرفة | سياسية، ناشطة في مجال حقوق المرأة، نقابي، معلّيم و شاعيرة | |
| لّوغات لي كيعرف | عربية و لوغات أمازيغية | |
| معلومات خرى | ||
| دين | إسلام | |
| لجوايز | ||
سعيدة المنبهي (مراكش، شتنبر 1952 - الدار لبيضا، 11 دجنبر 1977) كانت شاعرة ومناضلة ماركسية مغريبية، ماتت من بعد 36 يوم د لإضراب على لماكلة فلحبس، وكانت هي أول مرأة مغريبية اللي ماتت مورا إضراب على الطعام فإطار النضال.
تولدات سعيدة المنبهي ف مراكش ف 1952, وكبرات فيها. خدات لباك ديالها ف 1971 ف ليسي أبو العباس السبتي ومن بعد مشات ل كلية لآداب فالرباط باش تكمل قرايتها. خدات الإجازة ف لينݣليزية ومن بعد دخلات لمركز التربية والتكوين حتا ولاًت أستاذة ديال النݣليزية[1][2] ؤلا لفرانساوية[3][4] فلإعدادي.[5]
دخلات للنضال وقت قرايتها وكانت عضو نشيط فالاتحاد الوطني لطلبة المغرب, وموراها دخلات للحركة ديال إلى الأمام، اللي كانت حركة ماركسية لينينة. نهار 16 يناير 1976، غادي اتًخطف هي و 3 دلمناضلات آخرات, وغادي يتعدبو 3 شهور فلمعتقل السري ديال درب مولاي الشريف فالدار لبيضا.[4] من مورا داكشي غادي يتحكم عليها هي واللي معاها فلمجموعة ب 5 سنين لكل واحد.
ف 8 نونبر 1977، غادي تبدا هي والرفاق ديالها إضراب لامحدود على الطعام باش تعتارف بيهم الدولة كمعتقلين سياسيين وباش يقادًولهم ليهم لحالة اللي كانو عايشين فيها. مورا 34 نهار د لإضراب، غادي تسخف سعيدة و آتمشي للصبيطار حتا غادي تتوفا تمًا نهار 11 دجنبر 1977.[3]
- ^ "الشهيدة سعيدة المنبهي كتبت الشعر بالاظافر والدم (مختارات من ديوانها )". 2015-07-15. مأرشيڤي من لأصل ف 2023-07-24. تطّالع عليه ب تاريخ 2023-07-24.
- ^ "11 décembre 1977 : décès de Saïda Menebhi, « la martyre du peuple marocain »" (ب لفرانساوية). 2012-12-11. مأرشيڤي من لأصل ف 2016-03-18. تطّالع عليه ب تاريخ 2023-07-24.
- ^ a b "سعيدة المنبهي الماركسية التي أوصت الجميع أن "يتذكروها بفرح"". 2019-12-11. مأرشيڤي من لأصل ف 2021-07-16. تطّالع عليه ب تاريخ 2023-07-24.
- ^ a b "سعيدة المنبهي..امرأة أحبت الضوء". 2011-08-26. مأرشيڤي من لأصل ف 2023-07-24. تطّالع عليه ب تاريخ 2023-07-24.
- ^ "سعيدة المنبهي أول امرأة عربية ماتت/"استشهدت" إضرابا عن الطعام، دفاعا عن حقوق شعبها من المظلومين". مأرشيڤي من لأصل ف 2020-11-02. تطّالع عليه ب تاريخ 2020-04-06.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |